Orein

Artikulu hau animaliari buruzkoa da; beste esanahietarako, ikus «Oreina (filma)».

Oreina ugaztun hausnarkarien taldea da, Cervidae familiakoa eta Artiodactyla ordenarena, adarrak dituena. Artiodaktilo basatien artean handienetarikoa da animalia hau, 100-200 kg-ko pisua daukana.

Orein
Irudi gehiago
Sailkapen zientifikoa
Erreinua	Animalia
Filuma	Chordata
Klasea	Mammalia
Ordena	Artiodactyla
Familia	Cervidae Goldfuss, 1820
Azpifamiliak
Capreolinae Cervinae Hydropotinae Muntiacinae
Banaketa mapa
Datu orokorrak
Gizakiak ateratzen dizkion produktuak	antler (en) , buff leather (en) , Orein-okela eta deer liver (en)

Orohar mundu guztian bizi dira, Antartika eta Australian izan ezik.

Bizilekuak

Ameriketan

Ipar Amerikan, talderik handienak Kanadan bizi dira, Mendi Harritsuetan eta Kostaldeko mendietan, Alberta eta Britainiar Kolunbia artean.

Han bost espezie topa ditzakegu: Karibua (elur-oreina Europan), altzea, orein kanadarra Virginiako oreina eta orein mandoa.

Hego Amerikan, aldiz, Patagoniako hegoaldeko muturrean topa ditzakegu huemul-ak, bertako espeziea.

Asian

Asian, batik bat Ipar Korea, Mantxuria (Txinako ipar-ekialdea) eta Ussuri eskualdean (Errusia).

Afrikan

Ipar Afrikan, Maroko eta Aljeriako Atlas mendietan eta Tunisian.

Europan

Orein gorri emeak, Leioako Nekazaritza eta Abeltzaintza Azokan

Europan, orein gorria (Cervus elaphus) da espezierik ohikoena, eta, basa populazioez gainera, badira abeltzainek haragitarako hazitakoak ere.

Euskal Herrian, basa talderik handienak Gorbeia mendiaren aldean —Araba eta Bizkaia artean— eta Nafarroako mendietan —batez ere Iratiko oihanaren inguruan— bizi dira.

Ikus, gainera

• Elur-oreina edo Karibua
• Zeriniako oreina

Kanpo loturak

Wikimedia Commonsen badira fitxategi gehiago, gai hau dutenak: Orein

• Oreinari buruz "Zientzia.net" webgunean

• Datuak: Q23390
• Multimedia: Cervidae
• Espezieak: Cervidae