Juan José Oroz

Juan José "Juanjo" Oroz Ugalde (Berriobeiti, 1980ko uztailaren 11 - ) nafar txirrindulari ohia da, 2006 eta 2014 artean profesional izandakoa. Ez zuen garaipenik lortu bere ibilbidean.

Juan José Oroz
(2009) Irudi gehiago
Bizitza
Jaiotzako izen-deiturak	Juan José Oroz Ugalde
Jaiotza	Iruñea, 1980ko uztailaren 11 (44 urte)
Herrialdea	Nafarroa Garaia, Euskal Herria
Hezkuntza
Hizkuntzak	gaztelania euskara
Jarduerak
Jarduerak	txirrindularia
Ibilbidea
Taldeak	Urteak
Kaiku	2006-2006
Orbea Continental	2007ko urtarrilaren 1a-2007ko maiatzaren 14a
Euskaltel-Euskadi	2007ko maiatzaren 5a-2013
PinoRoad (en)	2014ko urtarrilaren 1a-2014ko martxoaren 1a
Burgos BH	2014ko maiatzaren 12a-2014ko abenduaren 31
Burunda Txirrindulari Elkartea	2003-2005
Parte-hartzailea Espainiako Vuelta Frantziako Tourra 2013ko Frantziako Tourra 2010eko Frantziako Tourra 2013ko Espainiako Itzulia 2013–14 UCI Asia Tour (en) (37.)
Altuera	188 zentimetro

Kirol ibilbidea

Amateur mailan

Juanjo Oroz Iruñeko C.C. Txantrean hezi zen eta talde horrekin hamaika lasterketa irabazi zituen beheko mailetan. Hasieratik erakutsi zuen kirol honetarako berezko dohainak zituela, parte hartu zuen lehen lasterketa irabazi baitzuen. 1996an Nafarroako Kirol Jokoak irabazi zituen eta Euskadiko txapelduna izan zen.

Iberdrola taldearen eskutik afizionatu mailara pasa zen, non 1999tik 2001 arte aritu zen. Bidegi taldetik igaro ondoren, 2003an Burunda Txirrindulari Elkartea|Caja Rural]]ek fitxatu zuen, Guerrerorekin batera, azken honek profesionaletara pasatzea ahalbidetuko zuena. Bizkarreko arazo fisikoek errepidetik urrun mantendu zuten 2004an, baina 2005ean berriro ere emaitza onak lortu zituen Baiona-Iruñea bezalako lasterketak irabaziz.

Profesionaletan

Kaiku, Orbea eta Euskaltel-Euskadi

Orozek 2006an egin zuen debuta profesionaletan Kaiku taldearekin. Urte horretako Euskal Herriko Itzulia izan zen bere lehenbiziko UCI Pro Tour lasterketa, eta 2007an Orbea Continental taldeak fitxatu zuen. 2007ko maiatzean Euskaltel-Euskadiko kide egin zen, Kataluniako Voltan maillot laranja estreinatuz. 2007ko emaitzarik onena Euskaltelekin fitxatu aurretik lortu zuen, 2007ko Vaucluseko Hiru Egunetako lehen etapan bigarren postua lortuz, Orbea taldearekin lehiatuz.

Euskaltel-Euskadi

Talde laranjarekin emanaldi aipagarrienak Tirreno-Adriatiko lasterketan izan zituen, bai 2008ko edizioan, non mendiko sailkapeneko bigarren postua lortu zuen eta bai 2011koan non sailkapen nagusian 11. amaitu zen.

2007ko urritik 2008ko apirila arte txirrindularitzako bost monumentuetan parte hartu eta denetan amaitu zuen (lasterketa hauek lehenbiziko partaidetzan amaitzea lortu zuen txirrindulari profesional bakarra izan zen): Lombardiako Giroa, Milan-San Remo, Flandriako Tourra, Paris-Roubaix eta Lieja-Bastogne-Lieja.

Burgos-BH

Juanjo Burgos-BH taldearekin fitxatu zen apirilaren 29an, PinoRoad txirrindulari talde berriaren proiektua osatu ez zelako. 2014ko azaroaren 7an txirrindularitza utziko zuela iragarri zuen, profesional bezala bederatzi denboraldi egin ondoren eta 34 urte zituela. Txirrindularitzatik erretiratu ondoren, 2015ean, Oroz Lizarte talde amateurreko kirol zuzendari bihurtu zen.

Palmaresa

2002

• Salamancako Itzuliko etapa 1
• 3. Altsasuko Sarian

2003

• Jose Mari Anza Memoriala

2005

• Baiona-Iruñea
• 2. Cirilo Zunzarrenen oroimenezko Sarian
• 2. Altsasuko Sarian
• 3. San Gregorio Sarian

2009

• 6. Andaluziako Itzulian
• 7. Nazioarteko Kriteriuman

2010

• 8. Miguel Indurain Sari Nagusian

2014

• 6. Koreako Itzulian eta etapa 1

Emaitzak

Lasterketa	2006	2007	2008	2009	2010	2011	2012	2013	2014
Italiako Giroa	-	-	-	-	-	Ut.	51.	-	-
Frantziako Tourra	-	-	103.	107.	Ut.	-	-	78.	-
Espainiako Itzulia	-	-	-	-	51.	50.	50.	46.	-
Munduko Txapelketa	-	-	-	-	-	-	-	-	-

-: Ez zuen parte hartu
Ut.: Utzi zuen

Taldeak

• Kaiku (2006)
• Orbea-Laukiz F.T. (2007)
• Euskaltel-Euskadi (2007-2011-2012)
• Euskaltel Euskadi (2013)
• PinoRoad (2014)
• Burgos-BH (2014)

Kanpo estekak

• Webgune ofiziala (Gaztelaniaz)

• Datuak: Q719994
• Multimedia: Juan José Oroz / Q719994