Joseba Tapia

Euskal trikitilari eta musikaria

Joseba Tapia (Lasarte-Oria, Gipuzkoa, 1964) soinu jotzailea eta trikitilaria da. Kepa Junkerarekin batera, trikitiaren arloa gehien aldatu duten gaur egungo trikitilarietako bat da, eta trikitilari onenetako bat ere bai.

Joseba Tapia
JosebaTapia.JPG
Bizitza
JaiotzaLasarte-Oria, 1964 (56/57 urte)
Herrialdea Gipuzkoa, Euskal Herria
Lehen hizkuntzaeuskara
Hezkuntza
Hizkuntzakeuskara
gaztelania
Jarduerak
Jarduerakmusikaria
Izengoitia(k)Tapia
Musika instrumentuaakordeoia
eskusoinu txikia

Musicbrainz: 137bc4b7-6485-4e59-8bcc-34442b90c093 Discogs: 1602749 Edit the value on Wikidata

BizitzaAldatu

Lasarteko Buenos Aires auzoan jaio zen, eta umetan hasi soinu handia ikasten, Bikondoaren akademian. Pentagramaren zurruntasuna ezin eramanik, handia utzi eta txikia hartu zuen. Eleuterio Tapia osaba izan zuen irakasle eta harekin hasi zen plazetan eta erromerietan. Hamazazpi urterekin azaldu zen lehen aldiz plazan bakarrik, 1981ean, Donostiako Igeldon. Euskal Herriko Trikiti Txapelketak irabazi zituen 1986an eta 1988an.

Zaldibobo (1992-94) eta Hiru Truku taldeetan aritu izan da, halaber.

1976tik dihardu Leturia pandero-jotzailearekin bikote gisa, Tapia eta Leturia Band taldean lehenik eta Tapia eta Leturia laukotean gero (Jexux Aranburu eta Arkaitz Miner ere lagun dituztela). Ibilbide horretan bederatzi disko kaleratu dituzte.

1998an hasi zuen bere bakarkako bidea, eta geroztik zazpi disko argitaratu ditu.

DiskografiaAldatu

BakarkaAldatu

  • Apoaren edertasuna Disko berezi batekin hasi zuen Joseba Tapiak bakarkako bidea: eskusoinua eta ahotsa, besterik ez, apoaren sinbologia batekoz bestera jarrita sorturiko ipuin-kantu nahaste ederra. Koldo Izagirre idazleak sorturiko istorio baten ardatzean biltzen dira doinu alaietan emandako kantu sotil, eder eta gaiztoak. Gaiztoak, bai. Horregatik uste ote dute askok haur kantuak direla? (Gaztelupeko Hotsak argitaratua, 1998)
  •  
    Joseba Tapia. Quebec diskoa. (Egunkaria, 1999)
    Québec: hamalau kantu independentziarako (Gaztelupeko Hotsak, 1999) Hain urrun eta hain hurbil! Bazter batean, hotza eta elurra den herrialde gogorrean, quebectarrek eutsi egiten diote nortasunari, identitateari. Hizkuntza erraldoi bat dute auzo, independenteak izan nahi lukete… Quebeceko kantutegi modernoaren antologia dugu lan hau: Leclerc, Levesque, Vigneault, Léveillée, Charlebois, PichéItxaro Bordak eta Koldo Izagirrek moldaturiko bertsioetan. Kantaera berri bat proposatzen digu Joseba Tapiak, malgutasun harrigarriz. (Gaztelupeko Hotsek argitaratua)[1][2] Raymond Levesqueren Arraun kantarekin Musikaren Saria jaso zuen Madrilen.[3]
  • Agur Intxorta maite (Gaztelupeko Hotsak, 2001)[4] Ezer ez geneukala uste genuen. Alegia, Eusko Gudariak eta ezer gutxi gehiago. Egunkari, aldizkari, paper zaharrak arakatuz eta oraindik bizirik zeuden zenbait gudariren laguntzaz, 1936-37ko Euskal Kantutegi Antifaxista aberatsaren erakusketa bikaina eskaintzen digu Joseba Tapiak, ohiko maisutasunez eta ezohiko maitasunez. (Gaztelupeko Hotsak argitaratua)
  • Real Politik (Zakurraren Biolina, 2006)[5] Estimatzen zituen testuei hitza jarri zien Real politik diskoan eta, horrez gain, lan hori autoekoitzi zuen. Josetxo Azkona, Koldo Izagirre, Gabriel Aresti, Bitoriano Gandiaga, Bilintx, Bertolt Brecht eta beste musikatu zituen.
  • Eta tira eta tunba (Zakurraren Biolina, 2010)[6] Liberalen eta karlisten kantak grabatu ditu haizezko bi talderekin disko honetan. Karlisten bandan tronpeta, saxoa, tronboia, tuba eta jazpana jotzen zuten. Liberalenean tronpeta, saxoa, bonbardinoa, tuba eta jazpana. Klarinetea ere azaltzen da kanta batzuetan.
  • Tximela Kapitainaren izarrak (Zakurraren Biolina, 2013)[7]
  • Besamotzak (Gaztelupeko Hotsak, 2017)[8]
  • Zorrotzako portuan aldarrika (Gaztelupeko Hotsak / Lokatzetan play, 2018)[9]
  • Tranpaldo (Zakurraren biolina, 2019)[10]

TaldeetanAldatu

ErreferentziakAldatu

  1. «Québec: hamalau kantu independentziarako» www.badok.eus (Noiz kontsultatua: 2021-06-01).
  2. Erostarbe, Gorka; Koch, Edurne. (1999-12-01). Euskaldunon Egunkariaren hemeroteka. 1990-2003. (berria.eus) (Noiz kontsultatua: 2021-06-01).
  3. (Gaztelaniaz) Cubillo, Igor. (2001-03-27). «Joseba Tapia espera que el Premio de la Música le sirva para abrir nuevos mercados» El País ISSN 1134-6582. (Noiz kontsultatua: 2021-06-01).
  4. Txiribita. (2007-05-07). Joseba Tapia - Agur Intxorta Maite (2004). (Noiz kontsultatua: 2017-10-11).
  5. Txiribita. (2009-03-05). Joseba Tapia - Real Politik (2006). (Noiz kontsultatua: 2017-10-11).
  6. Eta tira eta tunba. (Noiz kontsultatua: 2017-10-11).
  7. Tximela kapitainaren izarrak. (Noiz kontsultatua: 2017-10-11).
  8. Besamotzak. (Noiz kontsultatua: 2017-10-11).
  9. Zorrotzako portuan aldarrika. .
  10. Tranpaldi. .

Kanpo estekakAldatu