Gonorrea

Gonorrea
Deskribapena
Mota	infekzio bakteriano primarioa, gonococcal infectious diseases (en) , Uteroko gaixotasuna, gaixotasun oftalmologikoa, fallopian tube disease (en) , urethral disease (en) , anal disease (en) , sexu-transmisiozko gaixotasuna, classic venereal disease (en) ; eritasuna
Espezialitatea	dermatologia, urologia; Ginekologia
Arrazoia(k)	Neisseria gonorrhoeae
Sintoma(k)	Iraizketa, mina, pelvic pain (en) , Bagina-fluxua, disuria; testicular pain (en)
Patogenoaren transmisioa	sexu-transmisiozko gaixotasun
Azterketa medikoa	optical microscope (en) , Polimerasaren kate-erreakzioa; kultibo mikrobiologiko
Tratamendua
Erabil daitezkeen botikak	zeftriaxona, moxifloxazino, troleandomycin (en) , probenecid (en) , Ziprofloxazino, cefixime (en) , bacampicillin (en) , zefuroxima, enoxacin (en) , Espektinomizina, zefotaxima, ceftizoxime (en) , Eritromizina, Tetraziklina, gatifloxacin (en) , demekloziklina, ofloxazino, norfloxazino, trovafloxacin (en) , Anpizilina, cefpodoxime proxetil (en) , penicillin g potassium (en) , benzylpenicillin (en) , penicillin g sodium (en) , enoxacin (en) , cefpodoxime (en) , norfloxazino, amoxizilina, zeftriaxona eta cefixime (en)
Identifikatzaileak
GNS-10-MK	A54.9 eta A54
GNS-9-MK	098
DiseasesDB	8834
MedlinePlus	007267
eMedicine	007267
MeSH	D006069
Disease Ontology ID	DOID:7551

Gonorrea edo Gonokozia Neisseria gonorrhoeae izeneko bakterioak eragindako patologia da, traktu urogenitala jotzen duena. Sexu bidez transmititutako gaixotasunen artean ohikoenetariko bat da.

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Bakterio patogenoak (gonokoko izenarekin deituak) gizakia du gordailu bakarra. Gonokokoa mikrobio oso sentikorra da, bizkarroi-bizitzara moldatua, gizakiarengandik kanpo bizi ezin duena. Horrek azaltzen du (sifili kasuaren antzera) gaitzaren kutsapen-bidea, kontaktu zuzenaren bidez ematen dena.

Gaitza ugariagoa da garapen bidean dauden lurraldeetan Europan baino. Euskal Herrian aitortu beharreko gaixotasuna da, 2005ean 56 kasu agertuz Euskal Autonomia Erkidegoan.

Infekzioa

Goian aipatu denez harreman sexualen bidez transmititzen da gaitza. Kutsatutako emakume haurdunak umekia infektatu dezake ere.

Neisseria gonorrhoeae-k adhesina indartsuak ditu, traktu urogenitaleko epitelioan oso ondo atxikitzen direnak. Horiei esker mukosa urogenitalean finkatzen da, infekzioa sendotuz.

Sintoma klinikoak

Oso desberdinak dira sexuaren arabera. Hala ere, sexu bietan ugalketa-aparatua eta gernu-aparatua kaltetzen dira.

gizonezkoen kasuan sintomarik ohikoena jario zornetsua da zakilaren puntan (irudian). Disuria ere agertzen da (erremina txiza egiterakoan). Bi sintoma horiek gonokokoak sortzen duen uretritisaren ondorioak dira.

emakumezkoen kasuan gaitzak askotan ez du inongo sintomarik eragiten (kasu guztien erdian), eta horrek infekzioaren transmisioa errazten du. Sintomak daudenean, bagina-jario zornetsua eta disuria azaltzen dira, eta baita zerbizitis eta baginitis ere.

Sexu bietan gonokokoak ugal-aparatua ere jo dezake: prostata (gizonezkoetan) eta uteroa eta Falopioren tronpak (emakumezkoetan) kaltetuak suertatu daitezke, antzutasuna sortuz.

Zenbait kasutan gonokokoa odolera pasatzen da, septizemia bat sortuz. Septizemia horren ondorioz artritis eta larruazaleko exantema agertzen dira, baina bihotza eta gibela kaltetu ahal izaten dira ere.

Ama infektatuta dagoenean ume jaioberriak konjuntibitis gonokozikoa harrapa dezake, tratatu ezean itsutasuna eragiten duena.

Diagnostikoa

Infekzio gonokozikoaren diagnostikoa egiteko jario zornotsuaren lagina aztertu behar da. Gram tindaketa eginez irudi mikroskopikoan diplokoko Gram negatiboak azaldu behar dira, sarritan leukozitoen barruan.

Hartutako lagina hazkuntza-inguru hautakorretan ereiten da. Hazkuntza-inguru horietatik gonokokoa isolatuz baieztatzen da diagnostikoa.

Tratamendua

Penizilina oso erabilia izan da gonokozia sendatzeko. Andui erresistenteak agertu eta zabaldu dira azken urteetan, baina. Hori dela eta, egun 3. belaunaldiko zefalosporinak aukeratzen dira gaitza tratatzeko.

Kanpo estekak

Datuak: Q101896
Multimedia: Gonorrhea / Q101896