Ziprofloxazino

Ziprofloxazino kinolonen (fluorokinolonen) familiako antibiotiko sintetikoa da. Espektro zabaleko antibiotikoa da, hots, bakterio oso desberdinen aurka jarduten du. 1987an merkaturatu zen.

Ziprofloxazino
Datu klinikoak
Legezko egoera	?
Identifikatzaileak
CAS zenbakia	85721-33-1
ATC kodea	?
ChEBI	CHEBI:100241
Datu kimikoak
Formula	C₁₇H₁₈FN₃O₃
Masa mol.	331,133 u
SMILES C1CC1N2C=C(C(=O)C3=CC(=C(C=C32)N4CCNCC4)F)C(=O)O

Bakterioen DNAren erreplikazioa eragozten du antibiotiko honek, prozesu horretan parte hartzen duten hainbat entzima inaktibatzen dituelako.

Espektro zabaleko antibiotikoa izanik, infekzio ugari tratatzeko erabiltzen da ziprofloxazinoa: hezurretako eta artikulazioetako infekzioak, sabel barrukoak, arnas-aparatukoak, azalekoak, gernu-traktukoak, beherakoak, sukar tifoidea eta otitis, besteak beste . Antibiotiko honekiko sentikorrak diren bakterioen artean hauek aipa daitezke:

• Enterobakterioak
• Vibrio
• Haemophilus influenzae
• Neisseria gonorrhoeae
• Neisseria meningitidis
• Brucella
• Campylobacter
• Trichomonas vaginalis
• Legionella
• Pseudomonas aeruginosa
• Bacillus anthracis

Ahi bidetik, zain barneko bidetik, begietarako edo belarrietarako tanta eran edo era topikoan har daiteke ziprofloxazinoa

Antibiotiko honen ingestioak ekar ditzakeen albo-ondorio ohikoenak asaldura gastrointestinalak dira.