Euskal pentatloi

Euskal pentatloia herri kirol proba konbinatua da, bost ariketaz osatua.

Euskal pentatloia
Antolatzailea Euskadiko Herri Kirol Federazioa
Sorrera 1982
Eremua  Euskal Herria
Lana bost herri kirol:
Garaipen gehien Joxe Mari Olasagasti (3)
Txapelduna Xabier Zaldua (2019)
2018ko Euskal Pentatloi Txapelketaren aurkezpena Azpeitiko zezen-plazan. Ezkerretik eskuinera, Arria V.a, Txapartegi, Zelai, Maiza, Zaldua eta Arria VI.a.

Euskal Pentatloi txapelketa ofizialaAldatu

LanakAldatu

Honako hauek dira lehiakide bakoitzak egin beharreko lanak:[1]

  • 25 aldiz 100 kiloko bola jaso.
  • Giza proban bi plaza osatu, 400 kiloko harriarekin.
  • Kanaerdiko hiru enbor moztu.
  • 50na kiloko txingekin sei plaza osatu.
  • 3 kilometroko korrika saioa.

HistoriaAldatu

1980eko hamarkadan jokatu zituzten lehenbiziko bost pentatloi txapelketak. Aurreneko laurak lau urtez jarraian egin zituzten, 1982tik 1985era, eta 1990ean jokatu zuten hurrengoa. Arria II.ak irabazi zuen 1982koa, baina Joxe Mari Olasagasti da txapel gehien dituena: 1983an, 1984an eta 1990ean garaile izan zen Igeldokoa. 1985ekoa, berriz, Anjel Arrospidek irabazi zuen.[1] Seigarren txapelketa 2018ko irailean egin zen, eta Xabier Zaldua izan zen irabazlea[2]. 2019ko txapelketan ere Xabier Zaldua nagusitu zen.[3][4]

PalmaresaAldatu

Urtea Txapelduna
1982 Arria II.a
1983 Joxe Mari Olasagasti
1984 Joxe Mari Olasagasti
1985 Anjel Arrospide
1986-
1989
ez zen jokatu
1990 Joxe Mari Olasagasti
1991-
2017
ez zen jokatu
2018 Xabier Zaldua
2019 Xabier Zaldua

Beste pentatloi txapelketa batzukAldatu

Euskal Pentatloi motzaAldatu

2019ko maiatzaren 19an, Astigarragako Auzolan pilotalekuan, Zamalbide-Bentak auzo elkarteak antolatua, "Euskal Pentatloi Motza" jokatu zen; ondorengo lan hauek egin behar izan zituzten: 100 kiloko bola 15 aldiz jaso (harri-jasotzen), 400 kiloko harria arrastaka eramanez bi plaza osatzea (giza proban), kana-erdiko enbor bakarraren ebakitzea (aizkora beharretan), 50na kiloko txingekin sei plazaren buruketa (txinga-eroateari dagokion disziplinan) eta, bukatzeko, 12 itzuli (1,2 kilometro) pilotalekuari korrika. Luis Txapartegik irabazi zuen (20'46") Joseba Otaegiren aurretik[5].

Getxoko Pentatloi SariketaAldatu

2019ko azaroaren 9an, larunbatean jokatu zen I. Getxoko "Pentatloi" Saria. Lau kirolarik hartu zuten parte: Jon Gisasola 'Zelai V.a' mallabitarrak, Ousmane Drame senegaldarrak, Unai Ardeo getxoztarrak eta Mikel Agirre ondarrutarrak.

Egin beharreko lana, berriz, ondorengo hauxe izan zuten: harri-jasotzeko frogan, 100 kiloko bolari 15 jaso aldi ematea; giza proban, 400 kiloko harriarekin arrastaka eginez bi untza osatzea (28 metro bakoitzak), aizkoran 4 enbor 45`` ontzako ebakitzea, txinga-eroatea modalitatean 100 kg-rekin (50 kg esku bakoitzean hartuta) 6 untze (28 m/untza bakoitzak) eta, korrika 1,5 km (15 buelta enparantzari / bakoitzak 100 metro zeuzkalarik).

Sailkapenari erreparatzen, Mikel Agirrek bukatu zituen lanak aurrena (27:40), baina, harri-jasotzen, 88 kiloko pisua eman zuen bere bola harriak eta giza proban 500 kiloko harriarein jardun zuen. Bigarren, bost segundora, Ousmane Drame (denbora: 27:45). Hirugarren postuan, Zelai sailkatu zen (29:07), azkena herritarrak egin zuen. Ardeoren denbora (45:27)[6].

Zarauzko Pentatloi Saioa (Arria V.a vs. Txapartegi)Aldatu

2020ko otsailaren 8an, herri kirol jaialdi bat burutu zen Zarautz-ko herriko Aritzbatalde pilotalekuan, Hodei Iruretagoiena "Izeta IV.a" eta Udane Ostolaza "Ostolaza III.a"-ren harri jasotze marka saiakera ahaleginak ardatz hartuta. Jaialdi hori motz gera ez zedin, osagarri gisa, harri jasotze erakustaldi bat burutu zen eta horren ostean, Pentatloian jardun zuten Xabier Orbegozo "Arria V.a" eta Luis Mari Txapartegik.

Bost kirol burutu beharrean, lau egin zituzten; Zarauzko pilotalekuak ez baitu probalekurik. Lana hauxe zuten: harri jasotzen, 100 kiloko bolari 12 jasoaldi; aizkoran, 2 enbor ebakitzea (kana-erdiko neurrikoak), txinga-eroaten (50 kg hartuta esku bakoitzean), 4 untze osatzea eta korrika (frontoiari bueltak emanez, 1'2 kilometro).

Xabier Orbegozo izan zen garaile (15'25'' %700), Txapartegik segundo bat gehiago behar izan zuen (15'26'' %032)

Binakako euskal pentatloiaAldatu

2020ko uztailaren 31n jokatu zen Tolosako zezen plazan. Zazpi bikotek hartu zuten parte eta Arria V.a eta Izeta VI.a izan ziren txapeldunak. Hona hemen sailkapena[7]:

  1. Xabier Orbegozo Arria V.a eta Andoni Iruretagoiena Izena VI.a, 40:58
  2. Kepa Peñagarikano eta Joxean Olaskoaga Aizperro, 41:53
  3. Xabier Zaldua eta Jon Gisasola Zelai V.a, 43:22
  4. Julen Kañamares eta Xabier Urrutia, 49:42
  5. Beñat Amade eta Osman Drame, 50:25
  6. Jokin Eizmendi eta Jagoba Otaegi, 54:07
  7. Iñaki Errazkin eta Aratz Mugertza, ez zuten amaitu

ErreferentziakAldatu

  1. a b Euskal pentatloia jokatuko dute zezen-plazan irailaren 29an. uztarria.eus . Noiz kontsultatua: 2018-8-12.
  2. Zalduak irabazi du Euskal Pentatloi Saria. eitb.eus . Noiz kontsultatua: 2018-9-30.
  3. Zalduak irabazi du, bigarren aldiz, pentatloiko txapela. berria.eus . Noiz kontsultatua: 2019-9-23.
  4. «Emozio handiko lehia - Tolosaldea» Tolosaldeko ataria . Noiz kontsultatua: 2019-11-16.
  5. SA, Baigorri Argitaletxea. (2019-05-21). «Txapartegik irabazi du pentatloia» GARA . Noiz kontsultatua: 2019-11-16.
  6. «Getxoko I. Pentatloia irabazi du Mikel Agirre ondarrutarrak - Lea-Artibai eta Mutrikuko Hitza» Lea-Artibai eta Mutrikuko Hitza 2019-11-11 . Noiz kontsultatua: 2019-11-16.
  7. «Izeta VI.a eta Arria V.a txapeldun Binakako Euskal Pentatloian - Zarautz» Zarauzkohitza.eus . Noiz kontsultatua: 2020-08-02.

Kanpo estekakAldatu