Ireki menu nagusia
Lota Jauregia Uztaritzen, EKEren egoitza

Euskal Kultur Erakundea edo EKE (frantsesez: Institut Culturel Basque) euskal kulturaren aldeko Ipar Euskal Herriko irabazteko asmorik gabeko erakunde bat da. Sortu denetik bere egoitza Uztaritzeko Lota jauregian du. 2018an, bederatzi langile profesional ditu. Pantxoa Etxegoin da zuzendaria, eta Mikel Erramouspé da administrazio-kontseiluko lehendakaria. Frantziako kultura ministerioak Euskal etnopoloa izendatu zuen 2017ko urtarrilaren 12an[1].

HistoriaAldatu

Bertako kultura elkarteen eraginez 1990ean sortu zen EKE, erakunde publikoek diruz lagundurik. Orduko diru-laguntzaileen artean aurkitzen ziren Frantziako Kultura Ministeritza, Akitania eskualdea, Pirinio Atlantikoetako kontseilu orokorra eta Iparraldeko herri gehienak biltzen zituen euskararen eta euskal kulturaren aldeko herriarteko sindikata.[2][3]

HelburuakAldatu

Hauexek dira helburu nagusi ofizialak:

  • euskara eta euskal kultura suspertzea.
  • alor guzietan goi-mailako ikerketak eta kultura trukaketak egitea.
  • euskal kulturari laguntza aktiboa ematea arlo anitzetan: euskararen sustapena, literatura, antzerkia, bertsolaritza, ikus-entzunezkoak, dantza, musika, arte plastikoak, ondarea, euskal kirolak...

Teorian lehentasuna ematen die euskaraz burutzen diren ekintzei, direla EKEk berak antolatuak direla elkarteek proposatu eta erakunde honek babestu edo kudeatuak.

Administrazio-kontseilua eta kideakAldatu

 
EKEren logoa

Lehendakariaz gain, kide hauek ditu administrazio-kontseiluak:

Kidetzat hartu diren elkarteak 160 dira.[4] Kultura arlo guztietako elkarteak dira, Ipar Euskal Herrikoak nahiz diasporakoak.

ErreferentziakAldatu

  1. (Frantsesez) Ethnopôles labellisés, . Noiz kontsultatua: 31-08-2017.
  2. «Euskal Kultura Erakundea», Euskal Kultur Erakundearen webguneko orria.
  3. 25 urteko esperientzia euskal kulturaren zerbitzuko
  4. EKEko kideen zerrenda

BibliografiaAldatu

Kanpo loturakAldatu