David Trimble

David Trimble (Belfast, Irlanda, 1944ko urriaren 15a - ibidem, 2022ko uztailaren 25a) politikaria izan zen. XVI. eta XVII. mendeetan Irlandan kokatu ziren britainiar etorkinen ondorengoa zen, eta gizatalde horren defendatzaile sutsua eta Britainia Handiarekin bat eginda irautearen aldekoa, irlandar katoliko nazionalisten aurrean. Ulsterreko Alderdi Unionistako (Ulster Unionist Party) kidea izan zen, eta alderdiko presidentea 1995etik 2005era arte. Ulsterreko arazo politikoa britainiar etorkinak, eskoziarrak eta ingelesak batez ere, iritsi zirenean hasi zen, XVII. mendean. Arazoa larriagotuz joan zen XX. mendean, bigarren hamarraldiaz geroztik batez ere, Irlanda bitan banatu zenetik: alde bat independentea eta beste bat, Ulster, britainiarren mendean geratu zena. Harrezkero, irlandar katoliko nazionalisten eskabideak aurrez aurre egon izan dira britainiar unionistenekin. Azken horien artean zenbait talde sortu ziren, erabat katolikoen eskabideen aurka daudenak, batzuk, eta normalizazioa bilatzen saiatzen direnak, besteak.

David Trimble
Irudi gehiago
Ahotsa
Lorden Ganberako kidea 2006ko ekainaren 2a - 2022ko uztailaren 25a Ipar Irlandako 2. Biltzarreko kidea 2003ko azaroaren 26a - 2007ko urtarrilaren 30a Barrutia: Upper Bann (en) Hautetsia: 2003ko Ipar Irlandako Biltzarrerako hauteskundeak Ipar Irlandako Lehen Ministro 2001eko azaroaren 6a - 2002ko urriaren 14a ← Reg Empey (en) - Ian Paisley → Erresuma Batuko 53. Legebiltzarreko kidea 2001eko ekainaren 7a - 2005eko apirilaren 11 Barrutia: Upper Bann (en) Hautetsia: 2001eko Erresuma Batuko hauteskundeak Ipar Irlandako Lehen Ministro 1998ko uztailaren 1a - 2001eko uztailaren 1a ← baliorik ez - Reg Empey (en) → Member of the 1st Northern Ireland Assembly (en) 1998ko ekainaren 25a - 2003ko apirilaren 28a Barrutia: Upper Bann (en) Hautetsia: 1998 Northern Ireland Assembly election (en) Erresuma Batuko 52. Legebiltzarreko kidea 1997ko maiatzaren 1a - 2001eko maiatzaren 14a Barrutia: Upper Bann (en) Hautetsia: 1997ko Erresuma Batuko hauteskundeak Erresuma Batuko Kontseilu Pribatuko kidea 1997 - 12. Leader of the Ulster Unionist Party (en) 1995eko irailaren 8a - 2005eko ekainaren 24a ← James Molyneaux, Baron Molyneaux of Killead (en) - Reg Empey (en) → Erresuma Batuko 51. Legebiltzarreko kidea 1992ko apirilaren 9a - 1997ko apirilaren 8a Barrutia: Upper Bann (en) Hautetsia: 1992ko Erresuma Batuko hauteskundeak Erresuma Batuko 50. Legebiltzarreko kidea 1990eko maiatzaren 17a - 1992ko martxoaren 16a Barrutia: Upper Bann (en) Hautetsia: 1990 Upper Bann by-election (en)
Bizitza
Jaiotza	Belfast, 1944ko urriaren 15a
Herrialdea	Erresuma Batua
Heriotza	Belfast, 2022ko uztailaren 25a (77 urte)
Familia
Aita	William Trimble
Ama	Ivy Trimble
Ezkontidea(k)	Daphne Orr (en)  (1978 -
Seme-alabak	ikusi Nicholas Trimble (en)
Hezkuntza
Heziketa	Belfasteko Queen's unibertsitatea Bachelor of Laws (en) Elizabethtown College (en) Bangor Grammar School (en)
Hizkuntzak	ingelesa
Jarduerak
Jarduerak	politikaria, unibertsitateko irakaslea eta barristerra
Lantokia(k)	Londres Ipar Irlanda eta Ulster
Enplegatzailea(k)	Belfasteko Queen's unibertsitatea
Jasotako sariak	ikusi Bakearen Nobel Saria  (1998)
Kidetza	Orange Ordena Erresuma Batuko Kontseilu Pribatua
Sinesmenak eta ideologia
Alderdi politikoa	Erresuma Batuko Alderdi Kontserbadorea Ulstergo Alderdi Unionista
davidtrimble.org

Ulsterren, Trimble Goi Ganberako kide hautatu zuten 1990eko hauteskundeetan, eta kargu horretan aritu zen 2005 arte. Ipar Irlandako Parlamentuko (Northern Ireland Assembly) kide izan zen 1998tik 2007ra arte.

Ulsterreko unionisten interesen defendatzaile sutsua izan zen, Britainia Handiarekiko lotura bere horretan mantentzearen aldekoa, katoliko nazionalisten nahien aurka. Ipar Irlandako bake-prozesua abiatu zenez geroztik, bertako partaideetako bat izan zen. Bake-prozesua Dublin eta Londresko gobernuen ekimenez hasi zen, bortxakeriarekin inola ere amaitu ezinez nekaturik. Trimbleren arazo nagusia katolikoak asetzeko moduko autonomia politikoa eta Britainia Handiarekiko lotura, bi eskabideak uztartu nahi eta ezina izan zen. Hala ere, Ipar Irlandako bake-negoziazioetan paper garrantzitsua jokatu zuen, Alderdi Unionistaren ordezkari izan zen alderdiek osatutako negoziazio-mahaian, Sinn Féin alderdia tartean zela, nahiz eta negoziazioek iraun zuten bitartean (zortzi hilabete), Sinn Féin alderdiko buruzagi zen Gerry Adamsekin zuzenean inoiz ez hitz egin.

1998ko urriaren 16an Bakearen Nobel Saria jaso zuen, buruzagi nazionalista katoliko John Humerekin batera, Ipar Irlandako gatazkari irtenbide baketsua emateko egindako lanarengatik.

Ipar Irlandako lehen ministro izan zen 1998tik 2002ra arte; urte horretan Ian Paisleyk hartu zuen haren lekua.

2007tik, Alderdi Kontserbadoreko kide izan zen.

Kanpo estekak

• (Ingelesez) David Trimbleren web-orria

• Datuak: Q192556
• Multimedia: David Trimble / Q192556