Ireki menu nagusia

Zetazeo

Euterioen infraklaseko zenbait ugaztunez esaten da. Urtarrak dira, eta igerian egiteko adaptatutako gorputz fusiformea dute. Aurreko gorputz-adarrak hegats bilakatuak dituzte, ez dute atzeko gorputz-adarrik eta isats-hegats horizontala dute.

Zetazeoak (lat. cetacea) plazentadun itsas ugaztunak dira. 88 espezie bereizten dira, 42 generotan eta 11 familiatan sailkatuta. Arnasketa biriken bitartez egiten dute.

Zetazeo
Cetacea.jpg
Sailkapen zientifikoa
ErreinuaAnimalia
AzpierreinuaBilateria
FilumaChordata
KlaseaMammalia
Ordena Cetacea
Brisson, 1762
Azpibanaketa
Datu orokorrak
Elikadura iturri nagusia Plankton
Iturria Lumera
Habitat ur gorputza

Gorputz fusiformea dute, hidrodinamiko egiten dituena. Aurrealdeko hankak hegats bilakatu dira, eta atzekoak berriz, desagertu egin dira, nahiz eta oraindik hainbat hezur bestigial dituzten. Isats-hegatsa horizontala da eta bi lobulutan banatuta dago. Oro har, ez dute ilerik, eta gantz ugari izaten dute, isolamendu termiko egokia eskaintzen diena.

Gaur egungo zetazeoak bi subordenatan banatzen dira: mistizetoak (bizardunak) eta odontozetoak (horzdunak). Hala eta guztiz ere, dagoeneko desagertuta dauden arkeozetoen hirugarren subordena bat ere ageri da sailkapenetan.

Mistizetoen taldearen barnean, balea izen arruntarekin adierazten direnak daude sailkatuta, munduko animaliarik handienak; esate baterako, balea urdina, inoiz Lurrean existitu izan den animaliarik handiena da, dinosauroak baino handiagoa. Odontozetoen taldean, Delphinidae familiako izurdeak eta orkak sailkatzen dira, besteak beste, baina baita kaxaloteak edo mazopak ere.

TaxonomiaAldatu

  • Archaeoceti subordena

Moldaera anatomiko eta fisiologikoakAldatu

Zetazeoen arbasoak lehortarrak zirenez, hainbat aldaketa garatu zituzten ur-ingurunea kolonizatu zutenean:

  • Arrainen moduko gorputz fusiforme eta hidrodinamikoa
  • Aurrealdeko hankak hegats pektoral bilakatuta eta arraun forma hartuta
  • Isatsaren amaiera laua da eta bi lobuluz osatua
  • Atzeko hankak desagertutakoan iraun duten hezur batzuk soilik geratzen zaizkie
  • Espirakulu bat buruaren goialdean
  • Ilerik gabeak lehen hilabeteetatik aurrera.
  • Ez dute belarri-pabiloirik

Habitata eta banaketaAldatu

Mundu osoko ozeano eta itsasoetan bizi dira zetazeoak, nahiz eta gutxi batzuk Ipar Amerikako, Hego Amerikako eta Asiako laku eta ibaietan ere aurki daitezkeen. Orka (Orcinus orca) bezalako espezieak, kosmopolitak dira: mundu osoan zehar aurki daitezke. Baina Kaliforniako mazopa, esate baterako, Kaliforniako golkoko iparraldean soilik aurki daiteke.

 
Orkak (Orcinus orca) jauzi egiten.

Zetazeo batzuk kostatik gertu bizi dira gune neritiko deritzon zonan, eta beste batzuk berriz, itsaso zabalean, alegia, gune ozeanikoan. Badira estuarioetan edo ur gezatan bizi direnak ere.

ElikaduraAldatu

Zetazeo guztiak dira harrapakariak eta kate trofikoaren gorenean kokatzen dira. Mistizetoak organismo planktonikoez eta arrain txikiez elikatzen dira, krillaz esate baterako. Odontozetoak berriz, zefalopodo eta arrainez elikatzen dira nagusiki. Orkak, ugaztun urtarrez elikatzen diren zetazeo bakarrak dira; foka edo mazopez elikatzen dira esate baterako.

KomunikazioaAldatu

Zetazeoek soinuak erabiltzen dituzte komunikatzeko. Hala eta guztiz ere, gorputz-hizkuntzak eta ukimenak ere garrantzia dute zetazeoen arteko komunikazioan. Odontozetoek ekolokalizazioa erabiltzen dute, eta mistizetoek berriz, frekuentzia baxuko soinuak.

Ikus, gaineraAldatu