Saint Seiya

Saint Seiya
Jatorria
Sortzailea(k)	Masami Kurumada
Egilea(k)	Masami Kurumada
Izenburua	聖闘士星矢 eta Saint Seiya: Knights of the Zodiac
Jatorrizko herrialdea	Japonia
Ezaugarriak
Genero artistikoa	fantasiazko anime eta manga
Hizkuntza	japoniera
Zatiak	28 liburuki
Emanaldia
Hasiera-data	1986ko urtarrilaren 1a
Amaiera-data	1990eko abenduaren 12a
Fikzioa
	ikusi Seiya Pegasokoa, Seika (en) , Shiryu Dragoikoa, Cygnus Hyōga (en) , Shun Andromedakoa, Ikki Fenixekoa, Saori Kido, Bronze Saints (en) , Silver Saints (en) , Gold Saints (en) , Black Saints (en) , Mariners (en) eta Specters (en) ;
Fikzio-unibertsoa	Saint Seiya universe (en)
Argumentu nagusia	Greziar mitologia
	st-seiya.net
kronologia

Saint Seiya, Europan eta Amerikan Zodiakoko Zaldunak izenburuarekin ezaguna, marrazki bizidunetako telesail japoniar edo anime bat da, izen bereko manga edo komiki japoniarrean oinarritua, azken hau Masami Kurumadak 1980ko hamarkadan idatzi eta marraztua.

Istorioa aldatu

Mitsumasa Kidok munduan zehar emakume ezberdinekin ehun seme-alaba izan zituen, eta bere biloba Saori da istorioko protagonistetako bat, Atena greziar jainkosaren berraragitzea baita. Mitsumasa Kidok izandako ehun seme eta alaba horiek umezurtz geratu ziren eta Mitsumasak berak bere fundazioan hartu zituen. Haur guzti horiek zaldun bihurtzen dira, eta Atenea jainkosa babestea eta honegatik borrokatzea dute helburu. Zaldun bakoitzak zeruko konstelazio bakoitza irudikatzen duen armajantzia darama.

Pertsonaia nagusiak aldatu

Saori Kido aldatu

Mitsumasa Kidoren biloba eta Atenea jainkosaren berraragitzea da. Zaldun guztiek beronengatik borrokatuko dute uneoro.

Zaldunak aldatu

Brontzezko Zaldunak aldatu

Hauek dira istorioko protagonista nagusiak zaldunen artean. Honako bost hauek dira, beste zenbait ere badauden arren:

Seiya Pegasokoa aldatu

Hauxe da Brontzezko bost zaldunen taldeko liderra. Hamairu urte ditu eta istorioan zehar bere arrebaren bila arituko da, baina betebehar handiago bategatik uzten du bilaketa hori. Bere erasorik ezagunena Pegasoren Meteoroak dira. Beste eraso batzuk ere baditu, Pegasoren Kometa adibidez. Bera da telesailari eta komikiari izena ematen diona. Zenbait alditan, Sagitariusen armajantziak babesten du istorioan zehar. Pegasoren armajantzia Cassiosen aurka borrokatu ondoren lortu zuen, Grezian, nora Seiya entrenatzera joan zen. Istorioan zehar, Cassios bera izango da, gainera, Seiyari bizia salbatuko diona, honek Aioria Leokoaren aurka izango zuen borrokan.

Shiryu Dragoikoa aldatu

Txinatar jatorrikoa, bere irakaslea Dohko Librakoa urrezko zalduna zen, nork Rozango Bost Tontorretan entrenatu zuen. Bere erasoetako batzuk Azken Dragoia, bere aurkaria eta bera hiltzera eraman ditzakeena, Dragoi Sorkaria, Rozango Ehun Dragoiak eta Rozango Dragoi hegalaria, bigarrena bere erasorik ohikoena delarik. Bere armajantzia da ezkuturik indartsuena duena. Ustez, hautsezina da, baina Seiyaren aurkako borrokan berak propio hausten du bere ezkutua. Bere armajantzia gainetik kentzeko ohitura ere badu.

Hyoga Cygnusekoa aldatu

Errusiar jatorrikoa, Siberian hildako bere amaren oroitzapenari lotuta dago. Komikian, bere irakaslea Camus Acuariusekoa da, baina telesailean Kristal zalduna da, hau, era berean, Camusen ikaslea delarik. Bere erasoak Diamante Hautsa, Aurora Exekuzioa, Aurora Ekaitza eta Izotzezko Eraztuna dira. Aurora Exekuzioa Camusen aurka borrokatu zuenean ikasi zuen, 12 Etxeen Sagan, Zazpigarren Zentzua piztea lortu ondoren.

Shun Andromedakoa aldatu

Shun, hasiera batean, Heriotza Erreginaren uhartera bidalia izan zen Fenixaren armajantzia lortzeko, baina bere anaia Ikki Fenixekoak bere tokia hartu zuen uharte hartara joateko, eta Shun Andromeda uhartera joan zen azkenik. Bere armajantziak kate bat du, alde bat zirkuluz osatutakoa eta bestea hirukiz osatutakoa. Lehen zatia defentsarako da, eta bigarrena erasorako. Oso bakezalea da, eta ia sekula ez ditu bere borrokak amaitzen. Hala, bere anaia Ikki agertzen da borroka horiek amaitzeko. Hades jainkoaren berraragitzea da. Bere erasoak Laino Katea, Andromedaren Nebulosa, Defentsa Biratzailea, Trumoiaren Uhina, Nebulosaren Korrontea eta Nebulosaren Ekaitza dira. Defentsako teknikak, berriz, Sare Harraparia, Amarauna, Kanal Espirala, Boomerang jaurtiketa, Tranpa basatia eta Harrapaketa handia dira.

Ikki Fenixekoa aldatu

Ikki Shunen anaia da. Shun, hasiera batean Heriotz Erreginaren uhartera bidalia izan zen, baina toki hori Shunentzat gehiegizkoa izango zela eta, Ikkik bere anaiaren tokia hartu zuen. Uharte hura infernutzat hartzen zen, nondik inor bizirik, edo behintzat burutik egin gabe irteten ez zen, edo hala esaten zen. Bertan Ikkik izan zuen irakasleak, Ikkiri gorrotoa agerrarazi nahi zion, baina irakaslearen alabaz maiteminduta zegoen, eta horren ondorioz ez zuen gorrotorik agertzen. Azkenean, Ikkiren irakasleak bere alaba propioa hil zuen, eta horren ondorioz agertu zuen Ikkik bere gorrotoa, azkenean bere irakaslea garaitu eta hala Fenixaren armajantzia lortuz. Beste armajantziekin gertatzen ez den bezala, Fenixarena bere errautsetatik birsortzen da, eta Ikki berpizteko ahalmena du. Bere erasorik ohikoena Fenixaren Kolpe Mamua da, bere etsaiei sekulako ameskaiztoak pasarazten dizkiena. Istorioan zehar, gaizto bezala hasten da, Zaldun beltzen lider bezala, Pegaso, Dragoia, Cygnus eta Andromedaren biki beltzak direnak. Azkenean, nahiz eta beti bere aldetik ibiltzen ohi den, azkenean beste zaldunekin batzen da.

Beste brontzezko zaldun batzuk aldatu

Zilarrezko zaldunak aldatu

Marin Aquilakoa: Marin Seiyako irakaslea eta Greziako Santutegiko irakaslea da. Seiyaren garaipenak Shainarekin lehia sortu zuen bien arteko borrokan amaituko zena. Zoritxarrez, Marin Shainak garaitu eta bortizki jipoituta dago, Aioliak salbatu behar duelarik. Seiyak hasieran susmatu zuen Marin benetan bere arreba Seika izan zitekeela, baina geroago gertatzen da hori ez dela horrela.
Shaina Ofiuchusekoa : Shaina bereziki gerlari indartsua da eta Cassiosen entrenatzailea. Seiyak emakume santuetan debekatuta duen aurpegia ikusi zuenetik, horregatik beti maskara bat eraman behar dute, hasieran hura hiltzen saiatu da. Gainera, Marin irakaslearekin lehia sortzen du eta horrek Shainak Marin garaitu eta bortizki jotzen duen partida lortuko du, baina Aioliak esku hartuko du Marin salbatzeko. Baina orduan Seiyaz maiteminduko da eta bere misioetan lagunduko dio.

Urrezko zaldunak aldatu

Aries aldatu

Mu Ariesekoa: urrezko santua jatorrizko mangan
Shion Ariesekoa: Arieseko zalduna 1744ko gerran. Santutegiko patriarka gerra horretatik bere heriotzera arte.