Robert Maxwell

Robert Maxwell
	; Irudi gehiago
; Europar Kontseiluko Biltzar Parlamentarioko ordezkoa
member of the 44th Parliament of the United Kingdom (en)
member of the 43rd Parliament of the United Kingdom (en)
Bizitza
Jaiotzako izen-deiturak	Jan Ludvik Hyman Binyamin Hoch
Jaiotza	Solotvyno (en) , 1923ko ekainaren 10a
Herrialdea	Erresuma Batua ; Txekoslovakia
Lehen hizkuntza	Yiddisha
Heriotza	Tenerife, 1991ko azaroaren 5a (68 urte)
Hobiratze lekua	Olibondoen mendiko hilerri judua
Heriotza modua	: itotzea
Familia
Ezkontidea(k)	Elisabeth Maxwell (1945eko martxoaren 15a - 1991)
Seme-alabak	ikusi Christine Maxwell (en) ; Isabel Maxwell (en) ; Kevin Maxwell (en) ; Ghislaine Maxwell; Ian Maxwell (en) ; Michael Maxwell (en) ; Philip Maxwell (en) ; Anne Maxwell (en) ; Karine Maxwell (en) ;
Hezkuntza
Hizkuntzak	ingelesa; Yiddisha; hebreera; txekiera; hungariera; errumaniera
Jarduerak
Jarduerak	politikaria, ekintzailea, idazlea, argitaratzailea, gidoilaria, media proprietor (en) eta espioia
Lantokia(k)	Londres
Jasotako sariak	ikusi Military Cross ; Commander First Class of the Order of the White Rose of Finland (1988ko apirila) ; Order of Stara Planina, 1st class ;
Zerbitzu militarra
Adar militarra	Britainia Handiko Armada
Gradua	captain (en)
Parte hartutako gatazkak	Bigarren Mundu Gerra
Sinesmenak eta ideologia
Alderdi politikoa	Alderdi Laborista

Robert Maxwell, jaiotza-izenez Jan Ludvick Hoch (Solotvyno, Txekoslovakia, 1923ko ekainaren 10a - itsasoan, 1991ko azaroaren 5a) britainiar argitaratzaile, politikari eta hedabideen alorreko negozio-gizona izan zen, jatorriz txekiarra.

Biografia

Familia judu batean sortu zen. Bigarren Mundu Gerra hasi zenean, Budapestera aldatu zen, eta han jardun zuen lanean. Hezkuntza formalaren alorrean ikasketak egiteko aukera handirik ez zuen izan, baina hizkuntzetarako erraztasun handia zuen, eta bederatzi hizkuntza ikasi zituen.

Nazien esetsaldiaren eraginez, Budapestetik ihes egin behar izan zuen (bere familiako kide gehienak nazien sarraskietan hil zituzten), eta britainiar gudarostean sartu zen; orduan aldatu zuen izena, soldadu sartzen ziren iheslariei hala eskatzen baitzitzaien. Gerra amaitu zenean, argitaletxe bat sortu zuen Pergamon, eta ospe handia eskuratu zuen Britainia Handiko argitalpen zientifikoen alorrean. Politikagintzan 1959an hasi zen, Alderdi Laboristako hautagai gisa; legebiltzarreko kide izendatu zuten, 1964an, eta horretan jardun zuen 1970 arte. Hurrengo urtean, ekonomia-porrotetik libratu zuen British Printing Corporation konpainia, Britainia Handiko aldizkari- eta egunkari-argitaratzaile handia, eta Maxwell Communications Corporation izena hartu zuen. 1984an Mirror Group Newspapers konpainiaren lehendakari izendatu zuten, handik hiru urtera London Daily News egunkaria sortu zuen eta The European 1990ean.

1990erako munduko komunikabide-inperiorik handienetakoa zuen bere esku, Britainia Handiko komunikabideak ez ezik, Estatu Batuetako argitaletxeak eta telebista-produkziokoak eta zinema-filmenak bildurik inperio horretara. Baina bere negozioek ez zioten etekin handirik ematen, eta bere ondasunak saltzen hasi zen 1991n. Urte hartan bertan desagertu zen, bere itsasontzian zihoala, eta bere gorpua Kanariar uharteen inguruan aurkitu zuten. Hil zenean bere korporazioak 400 milioi librako zorra zuen, gutxi gorabehera.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q333468
Multimedia: Robert Maxwell / Q333468