Michael Laudrup

Michael Laudrup (Frederiksberg, 1964ko ekainaren 15a - ), Danimarkak izan duen futbol jokalari loriatsuena izan da. Bere kirolari bizitzaren gailurra Juventus FCrekin hasi zen Italian eta ondoren Espainiako Ligan jarraitu zuen Futbol Club Barcelona eta Real Madrilekin jokatzean. Honetaz gain Danimarkako futbol selekzio nazionalarekin 1992. urteko Eurokopa eta 1995. urteko FIFA Konfederazio Kopa irabazi zituen.

Michael Laudrup
Irudi gehiago
Bizitza
Jaiotza	Frederiksberg, 1964ko ekainaren 15a (58 urte)
Herrialdea	Danimarka
Familia
Aita	Finn Laudrup
Seme-alabak	ikusi Mads Laudrup (en) Andreas Laudrup (en)
Anai-arrebak	ikusi Brian Laudrup (en)
Hezkuntza
Heziketa	Schneekloths Skole (en)
Jarduerak
Jarduerak	futbolaria eta futbol entrenatzailea
Ibilbidea Taldeak Urteak J G Al-Rayyan / Denmark national under-17 football team 1980 / 1980 4 2 Denmark national under-19 football team 1980 / 1981 19 12 Kjøbenhavns Boldklub 1981 / 1982 14 3 Denmark national under-21 football team 1982 / 1982 2 0 Brøndby IF 1982 / 1983 38 24 Danimarkako futbol selekzio nazionala 1982 / 1998 104 37 Juventus FC 1983 / 1983 SS Lazio 1983 / 1985 60 9 Juventus FC 1985 / 1989 102 16 Bartzelona Futbol Kluba 1989 / 1994 167 49 Real Madril 1994 / 1996 62 12 Vissel Kobe 1996 / 1997 15 6 Amsterdamgo Ajax 1997 / 1998 21 11
Parte-hartzailea 1998ko Munduko Futbol Txapelketa 1986ko Munduko Futbol Txapelketa UEFA Euro 1984 UEFA Euro 1988 UEFA Euro 1996
Posizio edo espezialitatea	erdilaria
Pisua	71 kilogramo
Altuera	183 zentimetro
Jasotako sariak	ikusi Knight of the Order of the Dannebrog  (2000)

Ibilbidea

Kopenhage inguruko klubetan jokatzen hasi zen, hasieran Kjøbenhavns BK taldean eta ondoren Brøndby IFn. Brøndbyn urteko jokalari onena aukeratu zutenean Juventusek fitxatu eta Italiara joan zen. Hasiera batean Lazion utzita egon bazen ere, Europa osoan famatu egingo zuten zenbakiak lortu zituen Juventusekin, hala nola 102 partidu jokatu eta 16 gol sartu. Denbora horretan Italiako liga bat (1985-86) eta Kopa Interkontinentala (1986) irabazi zituen.

Espainiako Ligara salto egin zuen orduan, bertan zebiltzan bi klub handienetan (Futbol Club Barcelona eta Real Madrilen) jokatuz. UEFAko Txapeldunen Liga bat (Barça), Espainiako bost liga (Barçarekin 4 eta Real Madrilekin 1) eta Kopa bat (Barça) irabazi zituen.

Bere azken taldeak Vissel Kobe japoniarra eta Amsterdamgo Ajax izan ziren, azken honekin Herbehereetako liga bat irabazi zuelarik.

Entrenatzaile ibilbidea

Brøndby IFn hasi zuen bere entrenatzaile ibilbidea (2002-2006), ondoren Getafen (2007-2008), Moskuko Spartak (2008-09) eta RCD Mallorca (2009- ) entrenatu dituelarik besteak beste. Gaur egun Premier Leagueko Swansea City talde galestarra entrenatzen ari da.

Palmaresa

Nazioarteko txapelketak:

• Kopa Interkontinentala (1): 1986
• UEFAko Txapeldunen Liga (1): 1992

Herrialdeetako ligak:

• Italiako liga (1): 1985-86
• Espainiako Liga (5): 1990-91, 1991-92, 1992-93, 1993-94 eta 1994-95
• Herbehereetako Liga (1): 1997-98

Danimarkako selekzioan:

• Eurokopa (1): 1992
• FIFA Konfederazio Kopa (1): 1995

Kanpo loturak

• (Japonieraz) J.League Data Site

Wikimedia Commonsen badira fitxategi gehiago, gai hau dutenak: Michael Laudrup

• Datuak: Q188720
• Multimedia: Michael Laudrup