Karnataka

Karnataka (kannadaz: ಕರ್ನಾಟಕ, /kəɾˈnɑːʈəkɑː/ ahoskatua) Indiako hegoaldeko estatua da, lehen Mysore izena zuena.

Karnataka
India
Administrazioa
Izen ofiziala	कर्नाटक கருநாடகம் కర్ణాటక കർണാടക ಕರ್ನಾಟಕ
Herrialdea	India
ISO 3166-2	IN-KA
Hiriburua	Bangalore
Chief Minister of Karnataka (en)	Siddaramaiah (en)
Zatiketa	ikusi Bangalore division (en) , Belgaum division (en) , Kalaburagi division (en) eta Mysuru division (en)
Geografia
Koordenatuak	15°N 76°E
Azalera	191,976 km²
Mugakideak	Maharashtra, Goa, Andhra Pradesh, Kerala, Tamil Nadu eta Telangana
Demografia
Biztanleria	61.130.704 (2011) 0 (2011)
30.128.640 (%49,3)   (%50,7) 30.966.657
Landa eremua  23.625.962 (%38.6) 37.469.335 (%61.3)  Hiriak
alfabetatuak  40.647.322 (%66.5) 20.447.975 (%33.4)  analfabetoak
Dentsitatea	275,6 bizt/km²
Informazio gehigarria
Hizkuntza ofiziala	kannada
www.karunadu.gov.in

Geografia

Karnatakak mendebaldean Arabiako itsasoa, ipar-mendebaldean Goa, iparraldean Maharashtra, ekialdean Andhra Pradesh, hego-ekialdean Tamil Nadu eta hego-mendebaldean Kerala ditu. Guztira, 191.976 km² azalera du, hau da Indiako % 5,83.

Geografikoki, hiru zatitan banatuta dago: Karavali kostaldeko eskualdea, Mendebaldeko Ghat mendiek dituen Malenadu eskualde menditsua eta Deccan ordokian dagoen Bayaluseeme eskualde laua.

Mendirik altuena 1.929 metroko Mullayanagiri da. Ibai nagusiak Kaveri, Tungabhadra, Krishna eta Sharavathi dira.

Lau lurralde mota bereizten dira Karnatakan: itsasertzean, ordokia; mendebalean, mendixkak; ekialdean, goi-ordokia; eta ipar-ekialdean, lantzeko lur sailak.

Ekonomia

Nekazaritzan dihardu biztanleen % 80k. Gai nagusia arroza bada ere, Indiako kafe gehiena han ekoizten da. Meategiak ere badira: urrea, zilarra, burdina, manganesoa eta bauxita.

Historia

Karnatakaren elkartasuna Vijayanagar erresumaren garaian egin zen (1300-1600), baina geroztik lurraldea murriztu zen, mongol musulmanen eta Maratha eta Hyderabad estatuen erasoen ondorioz. Hartatik geratu zen lurraldeak Mysore izeneko estatu burujabe izaten segitu zuen, 1799. urtean britainiarrek konkistatu zuten arte. 1953-1956 bitartean kannadarrek zenbait lurralde bereganatzea lortu zuten Mysore estatura: Bombay, Hyderabad eta Madras. Estatuak Karnataka izena hartu zuen 1973an.

Banaketa administratiboa

Karnatakak 29 barruti ditu:

• Bagalkot
• Bangalore Rural
• Bangalore Urban
• Belgaum
• Bellary
• Bidar
• Bijapur
• Chamarajanagar
• Chikballapur
• Chikmagalur
• Chitradurga
• Dakshina Kannada
• Davanagere
• Dharwad
• Gadag
• Gulbarga
• Hassan
• Haveri
• Kodagu
• Kolar
• Koppal
• Mandya
• Mysore
• Raichur
• Ramanagaram
• Shivamogga
• Tumkur
• Udupi
• Uttara Kannada

Estatuko hiririk handienak Bangalore, Hubli-Dharwad, Mysore, Gulbarga, Belgaum eta Mangalore dira.

Kanpo estekak

• Estatuko webgune ofiziala

• Datuak: Q1185
• Multimedia: Karnataka / Q1185