Ireki menu nagusia

José Olivares Larrondo (Izengoitiak: Tellagorri, Kasia) (Algorta, Getxo, 1892ko abuztuaren 22a - Buenos Aires, Argentina, 1960ko uztailaren 14a) bizkaitar idazlea eta kazetaria izan zen. Sortu berri zen Euzkadi aldizkarian hasi zen kirolei buruzko artikuluak idazten. Getxoko Arenas futbol-talde ospetsuko aurrelaria izan zen.

José Olivares
Bizitza
Jaiotza Algorta1892ko abuztuaren  22a
Herrialdea  Bizkaia, Euskal Herria
Heriotza Buenos Aires1960ko uztailaren  14a (67 urte)
Heriotza modua berezko heriotza
Jarduerak
Jarduerak idazlea, futbolaria eta kazetaria
Ibilbidea
Taldeak Urteak J G
Flag of None.svg Getxoko Arenas-
 
Posizio edo espezialitatea aurrelaria
Izengoitia(k) Tellagorri eta Kasia
Zerbitzu militarra
Adar militarra Eusko Gudarostea
Parte hartutako gatazkak Espainiako Gerra Zibila
Sinesmenak eta ideologia
Alderdi politikoa Eusko Abertzale Ekintza

1920 ondoko urteetan, Excelsior kirol-aldizkariko zuzendaria izan zen. EAE-ANV alderdia sortzen parte hartu zuen (1930), eta gizarte- eta politika-gaiez artikulu ugari idatzi zituen alderdiko prentsa zen Tierra Vasca-Eusko Lurra aldizkarian. Antiklerikal itsua ez bazen ere, kristau-erakundeek eta EAJ alderdiak bultzatzen zuten sindikalismoaren aurkako agertu zen, hots, langile abertzaleek osaturiko sindikatuaren aldeko. Espainiako Gerra Zibilaren garaian, Bizkaiko frontea erori zenean, Baionara erbesteratu zen. Euskal Fronte Nazionala osatzeko elkarrizketetan parte hartu zuen erbestean (Lapurdin), 1938. urtean, baina ez ziren adostu. Parisen zen Bigarren Mundu Gerra hasi zenean, eta 1940. urtean, Argentinara ihes egin zuen. Argentina, Estatu Batuak, Venezuela, Mexiko eta Txileko ia euskal argitalpen gehienetan idatzi zuen, Ameriketan eman zituen 20 urteetan. Bertan Pello Irujo alderdikiderekin batera Eusko Lurra EAE-ANVren aldizkarian lanean aritu izan zen Frankoren Diktaduraren urtetan.

Obra nagusiak: París abandonada (1942), Horas Joviales (1950), Antón Sukalde (1978. urtean plazaratua) eta argitara eman gabeko Los gudaris de Gartxot, Martiñene eta Txibeltza.

ErreferentziakAldatu