Ireki menu nagusia

Jesus Elosegi

Euskal antropologoa, arkeologoa, espeleologoa eta biologoa (1907-1979)

Jesus Ramon Elosegi Irazusta (Tolosa, Gipuzkoa, 1907ko abenduaren 4a - ib. 1979ko abenduaren 24a[1]), argazkilaria, espeleologoa, arkeologoa eta Aranzadi Zientzia Elkartearen sortzailea izan zen. Bere lehenengo zuzendaritza taldearen kide izan zelarik. Jose Miguel Barandiaranen ikerlari lanari estuki loturik egon zen eta trikuharri eta harrespil anitz aurkitu zituen.

Jesus Elosegi
Jesus Elosegi.jpg
Bizitza
Izen osoa Jesus Ramon Elosegi Irazusta
Jaiotza Tolosa1907ko abenduaren  4a
Herrialdea  Gipuzkoa, Euskal Herria
Heriotza Tolosa1979ko abenduaren  24a (72 urte)
Jarduerak
Jarduerak antropologoa eta arkeologoa
Kidetza Aranzadi Zientzia Elkartea
Izengoitia(k) Zimitz

Eduki-taula

BizitzaAldatu

Jesus Elosegui 1907ko abenduaren 4ean Tolosan jaio zen. Bere gurasoekin eta bere bost ani-arrebekin bizi izan zen . Bere lehen ikasketak Oscoz arreben eskolan ikasi zuen eta gero bigarren ikasketak Piaristaren gurasoen eskolan . Batxilergoan Industrialeko ikasketak hasi zen egiten baina alboratu zituen eta 1932tik aurrera argazkilari profesional gisa lanean jardungo da. Kirola, kultura eta Natur Zientzien arloak landuko ditu Munibe, El Día, Argia, Pyrenaica aldizkarien ohiko laguntzailea izango delarik. Argazkilaritzara eskainitako lehenengo urteetan bere inguruko pertsonak, agintariak, Aralarko artzainak, 1953. urtean Tolosan jazotako uholdeak[2], ezbeharrak jasoko ditu 1936. urtean Bidasoaren beste aldera ihes egin beharra izan zuen arte bere afizioa ogibide bihurtu zuen. Eta 1935. urtean Pilar Sansinenea Goñirekin ezkondu egin zen.

Gerra Zibila.Aldatu

Erbesteko urteetan frankistek bere estudioa suntsitu zuten. Urte horietan Eresoinka euskal dantza eta abesbatzaren kide izan zen eta makina bat bira egin zituen Frantzia, Erresuma Batua, Belgika, Herbehereak eta Europako beste herrialdeetan. Bira horietan Jose Antonio Agirre Lehendakaria ezagutzeko aukera izango du. Bere argazki kameraz etengabe lagundurik, Agirre Lehendakariak Lluís Companysi Belloy-en-Francen egin zion harrera jaso zuen.

1940. urtean bere jaioterrira itzuliko da eta EAJrekiko zuen atxikimendua medio atxilotua eta lan batailoi batetara bidali zuten, lehenik Miranda Ebroko kontzentrazio-esparrura eta jarraian Oiartzunera. Hamar hilabete lan batailoi ezberdinetan izan ondoren, askatua izan zen eta bere bizilekua Pasaiara aldatu zuen, non bakailao gibel koipea saltzaile izan zuelarik ogibide bezala, jarraian 1947. urtean Aranzadi Zientzia Elkartea sortu zuelarik.

Aranzadi Zientzia Elkartearen sorkuntzaAldatu

Erbestean Jose Miguel Barandiaran ezagutzeko aukera izan zuen. 1948. urtean, oraindik Jose Miguel Barandiaranen erbestealdian, Tomas Ataurik eta Jesus Eloseguik Aranzadi Zientzia Elkartearen ohorezko kide izendatu zuten. Sarara urte berean eginiko bidai batean, Barandiarani historiaurrearen atala zuzentzeko eskatu zion. Bost urte beranduago Eloseguik Barandiaran Donibane Lohitzunetik bere Pasaiako etxera eraman zuen eta bertan ezkutaturik izan zuen.

 
Aranzadi Zientzia Elkarteko jatorriak. Igaratzako aterpean. Jesus eta Pedro Elosegui, Pilar Sansinenea, Reyes Corcostegui, Jose Maria Thomas, Francisco Español, Ramon Margalef, Joaquin Mateu, Estefania Elizalde eta Manuel Laborde.

Aranzadi Zientzia Elkartea sortzeko grina Aralarko Lagunak elkarteak Igaratzako inguruan zuen aterpean sortu zen. Gai zientifikoekin sakondu ahala Kataluniako ikerlariak ezagutzeko aukera izan zuen, eta haiek animatu zuten Aranzadi elkartea sortzera.

1942-1952 eta 1960-1972 urteetan, Aranzadiko idazkari nagusia izan zen. Hainbat atal bultzatu zituen, nabarmentzekoak direlarik Historiaurrea, Ornitologia, Entomologia eta Espeleologia. Azkeneko hori zen Eloseguiren gogokoena.

Aranzadiren ondorengo urteakAldatu

1972ko urtarrilean, 25 urtez lanean jardun ondoren, Jesus Elosegik Aranzadi Zientzia Elkarteako Idazkaritza Nagusiko ardura beste norbaitek har zezala eskatu zuen. Bere atzean lan isila, eraginkorra eta luzea utzi zuen. 1979an, Munibe aldizkariak bere sortzaile eta bultzatzaile nagusia izan zenari omenaldi eta oroipeneko alea eskaini zion. Bere 1972ko erretiroaren ondoren, liburu eta artikulu ugari idatzi zuen; horien artean nabarmenena, 1974. urtean argitaraturiko Las minas de cobre de Aralar. Horrez gain, bere bizitzako azken zatian artxibategiko ikerketa lanetan aritu zen, eta Kardaberaz eta Euskarazaintza taldeetan lagundu zuen.

Argazkilaritza lana, Elosegui bilduma.Aldatu

Jesus Elosegik ikerketa zientifikoarekiko zuen grina argazkilaritzarekin uztartu zuen. Jesus Elosegi hil ondoren Lazkaoko Beneditarretako Juan Jose Agirre liburuzainak gorde zituen haren argazkilaritza bilduma, 2002-2006 urte bitartean Aranzadi Zientzia Elkarteak 18.000 argazkiz osaturiko bilduma hura digitalizatu zuen arte. 2007. urtean, Jesus Eloseguiren jaiotzaren mendeurrenean, Jesus Elósegui 1907-1979 liburua kaleratu zen, argazki adierazgarrienekin erakusketa antolatu zelarik Tolosako Aranburu jauregian.

2009ko uztailaren 25ean Aranzadi Zientzia Elkarteak hitzarmena izenpetu zuen Kutxarekin eta Gipuzkoako Foru Aldundiaren Kultura eta Euskara Departamentuarekin, GureGipuzkoa.net ataria erabiliz Jesus Elosegui Irazusta bildumaren edukiak erabiltzaile eta herritarren eskura jartzeko.[3] Ondorengo galeria honetan Eloseguiren argazki batzuk dituzu ikusgai:

Jesus Elosegik lan asko egin zituen gaur egun 18.000 argazki ezagutzen ditugu baina bere lan gehienak horaindik desagertuta daude

ErreferentziakAldatu

Kanpo loturakAldatu