Javier Sádaba
Javier Sádaba Garay (Portugalete, Bizkaia, 1940ko azaroaren 28a) filosofoa eta gaztelaniazko idazlea da. Filosofiako bi lizentzia eskuratu ditu: Salamancako Unibertsitatean lehena, eta Madrilgo Complutense Unibertsitatean bigarrena. Teologiako lizentziaduna ere bada, Erromako Gregoriotar Unibertsitatetik; eta Filosofian doktorea, Madrilgo Unibertsitate Autonomotik, eta Etikako eta Erlijioaren Filosofiako katedradun da unibertsitate horretan. Munduko hainbat unibertsitatetan irakasle ibili da. Ekarpen ugari egin du bioetikaren arloan.
| Javier Sádaba | |
|---|---|
.jpg) | |
| Bizitza | |
| Jaiotza | Portugalete, 1940ko azaroaren 28a (83 urte) |
| Herrialdea |  Bizkaia, Euskal Herria |
| Hezkuntza | |
| Heziketa | Madrilgo Complutense Unibertsitatea Salamancako Pontifize Unibertsitatea |
| Hizkuntzak | gaztelania |
| Jarduerak | |
| Jarduerak | unibertsitateko irakaslea |
Parte-hartzailea
| |
| Enplegatzailea(k) | Madrilgo Unibertsitate Autonomoa |
Hogeita hamar bat liburu eta artikulu ugari argitaratu ditu, filosofiaren ingurukoak zein Euskal Herriari buruzkoak, eta tarte berezia eskaini dio bere hausnarketetan zientziak gaurko gizartean duen paperari. Publiko zabalari zuzenduak dira argitaratu dituen liburu asko. Besteak beste, hauek aipa daitezke: Saber morir (1992), La ventana y el mundo (1993), Diccionario de ética (1997), Saber vivir, análisis y gozo de la vida cotidiana (1998), Euskadi, nacionalismo e izquierda (1998), La vida en nuestras manos (2000)...
Madrilen bizi arren, oso hurbiletik jarraitu izan ditu beti Euskal Herriko gorabeherak, eta beti egon da ezker abertzalearen proposamen politikoetatik hurbil, nahiz eta azken urte hauetan gogor kritikatu duen ETAren jarduera armatua. Euskal Herriko gatazkari elkarrizketaren bidez irtenbidea ematearen alde agertu da behin eta berriz.
Idazlan nagusiak aldatu
- Lenguaje religioso y filosofía analítica (1977)
- Amor diario (1977)
- Qué es un sistema de creencias (1978)
- Filosofía, lógica y religión (1979)
- Conocer a Wittgenstein (1980)
- Saber vivir (1984)
- Lenguaje, magia, metafísica. El otro Wittgenstein (1984)
- Las causas perdidas (1987)
- Euskadi: pensando el conflicto (1987). Fernando Savaterekin batera idatzia.
- El amor contra la moral (1988)
- Lecciones de filosofía de la religión (1989)
- La filosofía analítica actual: de Wittgenstein a Tugendhat (1989)
- Saber morir (1991)
- Dios y sus máscaras (1993)
- Diccionario de ética (1997)
- Nacionalismo e izquierda (1998)
- La vida en nuestras manos (2001)
- Filosofía contada con sencillez (2002)
- Principios de bioética laica (2004)
Kanpo loturak aldatu
- (Gaztelaniaz) Sádabaren webgune pertsonala
- (Gaztelaniaz) Javier Sádaba, bideo batean
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q3752595
Multimedia: Javier Sádaba / Q3752595
