Irurita

Irurita
	Baztan, Euskal Herria
	Irurita herriaren ikuspegi orokorra.
Kokapena
Herrialdea	Euskal Herria
Probintzia	Nafarroa Garaia
Udalerria	Baztan
Koordenatuak	43° 07′ 52″ N, 1° 32′ 49″ W / 43.131111111111°N,1.5469444444444°WKoordenatuak: 43° 07′ 52″ N, 1° 32′ 49″ W / 43.131111111111°N,1.5469444444444°W
Irurita	Irurita
	Irurita Irurita (Baztan)
Demografia
Biztanleria	833

Irurita Nafarroako iparraldean dagoen herria da, Baztango udalerrian kokatutakoa. Hiru auzo ditu Apote, Ordoki eta Iperburu. Herri ikusgarria da, eraikin multzo interesgarria duena. 2010eko urtarrilaren 1eko erroldaren erabera, herriak 848 biztanle ditu^[1].

Demografia eta biztanleriaAldatu

Iruritako biztanleria
2000	2001	2002	2003	2004	2005	2006	2007	2008	2009	2010
837	836	842	828	824	842	843	828	836	854	848

Eraikin garrantzitsuakAldatu

Sakontzeko, irakurri: «:Kategoria:Iruritako eraikinak»

Gaston Iriarte jauregia (XVIII. mendea), XVIII. mendeko ohiko dorretxe edo jauregia, egitura horizontala du eta bere aurrealdean bi dorre ditu, Erratzuko Iriarte jauregia eta Oieregiko Reparazea jauregiaren antzera. Bere aurrealdean Errokoko armarria eta familia honetako sonako itsasgizona izan zen Migel Gaston Iriarte Elizakoetxearen omenezko oroitarria daude, honek Espainiako Gudarostean teniente nagusiaren kargua izan zuen eta.
Jauregizarre edo Dorrea, Erdi Aroko dorretxea (XV. mendea). 2001ean Baztango Udalak erosia, gaur egun zaharberriturik dago.
Goienetxe jauregia edo Indakoetxea (XV. mendea). Goienetxetarren jauregia. Bere aurrealdean Goienetxe familiaren armarria du. Espainiako Errege Gudarosteen Teniente Nagusia eta Guaquiko kondea izan zen On Joxe Manuel Goienetxe eta Peruko Erregeordetzan Arequipako Apezpiku eta Limako Artzapezpiku izan zen Mosen Joxe Sebastian Goienetxeren omenezko 1817ko bi oroitarri ere baditu.
Jauregia dorretxea. Harriz egindako oin laukizuzeneko dorretxea.
San Salbador eliza, 1734an eraikitako eraikin barrokoa.

Iruritako plaza nagusia eta Goienetxe jauregia
Jauregizarrea edo Dorrea
Jauregia dorretxea
San Salbador eliza.

KulturaAldatu

EuskaraAldatu

Play media

Iruritako Manuel Gamio^[2] (Ahotsak^[3] proiekturako)

Iruritan^[4] Baztango euskaraz^[5] egiten da, nafarreraren aldaera.

Bestak eta ospakizunakAldatu

Iruritako bestak maiatzaren 25ean ospatzen dira, Salbatoreetan.

Iruritar ezagunakAldatu

Juan Goienetxe Agerrebere (1741-1813), militar, politikari eta merkataria.
Damaso Zabaltza (1835-1894), piano-jotzailea.
Tiburcio Arraztoa (1952), irakaslea, idazlea eta pilotako laxo modalitatearen sustatzailea.