Erratzu

Erratzu
	Euskal Herria
	Erratzu herriaren irudi orokorra.
Kokapena
Herrialdea	Nafarroa
Udalerria	Baztan
Administrazioa
Posta kodea
Geografia
Koordenatuak	43°10′51″N 1°27′21″W / 43.18083°N 1.45583°W43°10′51″N 1°27′21″W / 43.18083°N 1.45583°W
Demografia
Biztanleria	383 (2020: 10)

Erratzu Nafarroa Garaiko lekua da, Baztan bailaran dagoena. Bi auzo ditu: Gorostapalo eta Iñarbil. 2010eko urtarrilaren 1ean 490 biztanle zituen^[1].

DemografiaAldatu

Erratzuko biztanleria
2000	2001	2002	2003	2004	2005	2006	2007	2008	2009	2010
505	497	495	498	485	489	503	494	503	500	490

KulturaAldatu

Bestak eta ospakizunakAldatu

Karrikak.

Erratzuko bestak ekainaren 29an ospatzen dira, San Pedroetan.

Erratzuko inauteriak hasten dira errauste asteazken aurreko azken igandean, horregatik ez dute egun finkorik, urtero aldatzen baita. Inauteriek hiru egun irauten dute. Aitzina, herriko gazteek lau etxezain izendatzen zituzten, bi mutil eta bi neska. Haiek urteko ospakizun guztiak antolatzen zituzten, inauteriak, bestak, feriak eta abar. Inauteriko lehen egunean, mutil guztiak abiatzen ziren zuriz jantzita, koloretako zinta bat poltsikoaren joskeran, tuturru batean bildutako lastozko kapela buruan eta eltzagorra jotzen, Gorostapalo auzotik Iñarbil auzora etxez etxe, txistor, odolki, arrautza eta diru eske. Baserri batean neskaren bat bazen, itzelezko zarata egiten zuten eltzagorrekin eta neskak korrika leihora ateratzen ziren. Baserriaren atarira ailegatzen zirenean mutilek jota bat dantzatzen zuten. Eta horrela ibiltzen ziren egun osoan. Eskuratutako janaria astearteko afarirako gordetzen zuten. Astelehenean mutil guztiek berriro gauza bera egiten zuten, baina beste auzo batean, Azkarate auzoan, hain zuzen ere. Eta inauteriko azken egunean, asteartean, gazteek itzelezko besta antolatzen zuten: afaria, dantza eta guzti. Lau etxezainek ere parte hartzen zuten. Etxezaina garrantzi handiko pertsona zen herrian. Berak deitzen zien beste gazteei edozein besta antolatzeko, Baztandarren Biltzarrean orga apainduak prestatzeko, herriko bestak antolatzeko eta abarretarako. Hala, San Pedro egunean, herriko festetan neska etxezain batek beste mutil etxezain bat gonbidatzen zuen afaltzera etxean, eta horren truke, lau mutil etxezainek Elizondoko ferietan bazkaltzera gonbidatzen zituzten neska etxezainak.

KulturaAldatu

EuskaraAldatu

Erratzun^[2] Baztango euskara^[3] egiten da, nafarreraren aldaera.

Ondasun nabarmenakAldatu

Xorroxin urjauzia, Gorostapalo auzoan.

Erratzuar ezagunakAldatu

Jose Apeztegia (169?-1746), Nafarroako Bikario Nagusia eta priorea, Iruñeko kalonjea, irakaslea eta idazlea. Bere garaiko Europako gizonik garaienetakoa omen zen.
Juan Lorenzo Irigoien Dutari (1712-1778), Iruñeko apezpikua.
Migel Jose Mariano Irigoien Dolarea (1785-1852), Nafarroako probintzia-senataria, elizgizona eta teologoa.
Ricardo Zabaltza (1898-1940), sindikalista eta politikaria.
Jose Mari Apezetxea (1927-2017), margolaria.
Xabier Ibargarai (1985), palaria.