Ille eta Vilaine

Ille eta Vilaine (frantsesez eta ofizialki Ille-et-Vilaine; bretainieraz Il-ha-Gwilen) Bretainia ekialdeko lurraldea da eta Frantziako 35. departamentua. Prefektura Rennesen dago. 6.775 km²-ko azalera dauka eta 903.400 biztanle (133 biz./km², 2003).

Ille eta Vilaine (35)
Frantziako departamendua
Administrazioa
Estatua	Frantzia
Eskualdea	Bretainia
Prefetura	Rennes
Prefeta	Jean-Louis Tourenne PS
Azpiprefeturak	Fougères Redon Saint-Malo
Barrutiak	4
Kantonamenduak	53
Udalerriak	352
Kokapena
Koordenatuak	48°10′N 1°40′W
Azalera	6 775 km²
Demografia
Biztanleria	1109232
Dentsitatea	bizt/km²
Kontseilu Orokorraren webgunea

Geografia

Mugakideak hauxek ditu: iparraldean Mantxa (50. departamentua), ekialdean Mayenne (53.), mendebaldean Côtes-d'Armor (22.) eta Morbihan (56.) eta hegoaldean Loira Atlantikoa (44.)

Izenak erakusten duen bezala bi ibai handiren arroak hartzen ditu, Ille eta Vilaine, biek Rennes hiriburuan egiten dute bat.

Historia

Frantziako Iraultzaren ondoren eratu zen 1790ko martxoaren 4an, Bretainiako hiri handiena zen Rennes-en inguruko lurrak batuz, garai bateko Bro Roazhon, Bro Sant Malou eta Bro Zol lurralde historikoen zatirik handienak batuz.

Hiri nagusiak

Hona hemen Ille eta Vilaine departamenduko hiri nagusien zerrenda, 2013ko erroldako datuen arabera ordenatua:

1. Rennes (hiriburua, 211.373 biztanle)
2. Saint-Malo (44.919 bizt.)
3. Fougères (20.170 bizt.)
4. Vitré (17.463 bizt.)
5. Bruz (16.855 bizt.)
6. Cesson-Sévigné (15.784 bizt.)
7. Saint-Jacques-de-la-Lande (11.783 bizt.)
8. Pacé (11.044 bizt.)
9. Dinard (9.839 bizt.)

Kirolak

Departamenduko kirol talde arrakastatsuena Stade Rennais futbol taldea da. Frantziako bi Liga eta bi Kopa irabzi ditu.

Ondasun nabarmenak

• 
  Renneseko alde zaharra.
• 
  Rennesko katedrala.
• 
  Bretainiako parlamentua (Rennes).
• 
  Saint-Georges jauregia (Rennes).
• 
  Saint-Malo.
• 
  Saint Vincent katedrala.
• 
  Saint-Maloko portua.
• 
  Fougèresko gaztelua.
• 
  Vitréko gaztelua.
• 
  Combourgeko gaztelua.
• 
  Dol-de-Bretagneko katedrala.
• 
  Dinard.
• 
  Brocéliande basoa (Paimpont).
• 
  Champ-Dolenteko zutarria.
• 
  Roazhon Park.

Kanpo estekak

• (Frantsesez)Prefekturaren webgunea
• (Frantsesez)Kontseilu orokorraren webgunea

• Datuak: Q12549
• Multimedia: Ille-et-Vilaine / Q12549