Saint-Georges jauregia (Rennes)

Saint-Georges jauregia (frantsesez: Palais Saint-Georges) Bretainiako Rennes hirian dagoen jauregi bat da. 1930an Frantziako monumento historiko izendatu zuten.

Saint-Georges jauregia
Monumentu historikoa
Jauregiaren aurrealdea eta lorategiak Irudi gehiago
Kokapena
Estatu burujabe	Frantzia
Frantziaren banaketa administratiboa	Metropolitar Frantzia
Defense and Security zone of France	Q88521114
Eskualdea	Bretainia
Departamendua	Ille eta Vilaine
Barruti	Renneseko barrutia
Frantziako udalerri	Rennes
Koordenatuak	48°06′42″N 1°40′27″W
Historia eta erabilera
Irekiera	1670
Jabea	City of Rennes (en)
Arkitektura
Arkitektoa	Pierre Corbineau (en)
Ondarea
Mérimée ID	PA00090671

Kokapena

Hiriaren erdigunean kokaturik dago, ekialdera, eta aurrealdeko lorategia Vilaine ibaiaren iparraldeko ertzetik oso gertu dago.

Historia

1032 urtean Alain III.a Bretainiako dukeak Saint Georges komentu beneditarra sortu zuen bere arreba Adèlerentzat eta berau bihrutu zen lehen abadesa.

38. abadesa zen Magdelaine de la Fayette-k 1660. hamarkadan eraikin berria egiteko agindu zion Pierre Corbineau arkitekto ezagunari. Aurrekoa eraitsi eta gaur egungo Saint-Georges jauregia altxatu zuen honek. Lanak 1670an bukatu zituzten.

Frantziako Iraultzaren ondoren 1792an komentua itxi egin zuten, bertako monjak bidali eta iraultzaileen barrakoi bihurtu zen. 1930an Frantziako monumento historiko bihurtu zen. Gaur egun udalari dagokio eta bertan daude hainbat administrazio zerbitzu eta baita suhiltzaileen bulegoa ere.

Arkitektura

Granitozko 19 arkuren gainean 19 leihotako bi lerro dituen korridore luzea dago eta korridorearen muturretan bi pabiloi haundi. Arkuen tarteetan dauden burdinezko hizkiek MAGDELAINEDLFAYETTE osatzen dute, abadesaren izena hain zuzen ere.

Iruditegia

• 
• 
• 
• 
  Lorategiak.
• 
  Lorategiak.

Kanpo estekak

• Datuak: Q3360922
• Multimedia: Palais Saint-Georges / Q3360922