Iberiar penintsula

Iberiar penintsula Europako hego-mendebaldeko penintsula da. Bertan Espainiako eta Portugago zati handienak daude (zenbait lurralde penintsulaz kanpo dituzte), Andorra osoa, Gibraltar osoa, eta Frantziako hegoaldeko zati txiki bat.

Iberiar penintsula
Datu orokorrak
Mendirik altuena	Mulhacén
Azalera	596.740 km²
Geografia
Koordenatuak	40°14′24″N 4°14′21″W
Ur-gorputza	Ozeano Atlantikoa Mediterraneoa
Leku geografikoa	Europa

Geografia

Erdi-uharte izanda, itsasoz inguratua dago ia alde guztietatik: iparraldean Bizkaiko golkoa, mendebalde-hegoaldean Ozeano Atlantikoa eta ekialde-hegoaldean Mediterraneoa daude. Europara Pirinioek lotzen dute.

582.925 kilometro koadro ditu penintsulak.

Ibaiak

Arro hidrografiko iberiar nagusiak.

Ibai handiek zeharkatzen dute, hala nola, Duero, Ebro, Tajo, Guadalquivir, Guadiana, Jucar eta Segura.

Mendiak

1. Mulhacen (Granada): 3.482 m.
2. Aneto (Huesca): 3.404 m.
3. Veleta (Granada): 3.392 m.
4. Posets (Huesca): 3.375 m.
5. Monte Perdido (Huesca): 3.355 m.

Lurmuturrak

Iparraldeko muturra Estaca de Bares (Coruña) da, eta ipar-ekialdeko bazterrean, Creuseko lurmuturra dago (Girona). Hego-ekialdean, Gata (Almeria). Hegoaldean, Gibraltarko itsasartea mugatzen duen Tarifa (Cadiz), Europako punturik hegoaldetarrena. Hego-mendebaldean, azkenik, San Bizente (Algarve) dago.

Historia

Sakontzeko, irakurri: «Espainiako historia», «Portugaleko historia» eta «Euskal Herriko historia»

Hizkuntzak

Gaztelania eta portugesa hizkuntza mintzatuenak dira, eta penintsulatik kanpo nabarmenki hedatu dira, Espainiar Inperioak eta Portugaldar Inperioak munduan barreiatuta. Hirugarren mintzatuena katalana da, eta horren ondoren galiziera eta euskara datoz. Badira beste hizkuntza gutxitu batzuk, hala nola asturiera, aragoiera eta aranera, besteak beste. Azkenik, Gibraltarren ingelesa nagusi da

Ikus, gainera

• Euskal Herriko geografia
• Espainiako geografia
• Portugalgo geografia

Kanpo estekak

• Datuak: Q12837
• Multimedia: Iberian Peninsula