Henry Van de Velde

Henry Van de Velde (Anberes, 1863ko apirilaren 3a - Oberägeri, Zug kantonamendua, 1957ko urriaren 25a) belgikar arkitektoa, diseinatzaile eta pintorea izan zen.

Henry Van de Velde
Henry van de Velde S.jpg
Bizitza
JaiotzaAnberes1863ko apirilaren 3a
Herrialdea Belgika
 Alemania
HeriotzaZürich1957ko urriaren 25a (94 urte)
Hobiratze lekuaTervuren Communal Cemetery (en) Itzuli
Familia
Ezkontidea(k)Maria Van de Velde (en) Itzuli
Hezkuntza
HeziketaRoyal Academy of Fine Arts (en) Itzuli
Hizkuntzakfrantsesa
nederlandera
Ikaslea(k)Jacob Ängman (en) Itzuli
Jarduerak
Jarduerakarkitektoa, diseinatzailea, margolaria, unibertsitateko irakaslea, ingeniaria, barrualdeen dekoratzailea, irakaslea eta bitxi diseinatzailea
Enplegatzailea(k)Ganteko Unibertsitatea
Lan nabarmenakBoekentoren (en) Itzuli
Kröller-Müller Museum (en) Itzuli
KidetzaDeutscher Werkbund (en) Itzuli
Les XX (en) Itzuli
MugimenduaArt Nouveaua
modernismoa

BizitzaAldatu

Parisko Julian akademian egin zituen ikasketak eta Carolus Duranen lantegian lan egin zuen. Margolaritzan, dekorazioan edo are arkitekturan egindako lanagatik baino gehiago, obra bere osotasunean hartzeagatik da ezaguna. Hiru aldi bereizi ohi dira Van de Velderen obran.

 
Bloemenwerf etxerako diseinatutako aulkia, 1895
  • Lehenean (1890-1902) modernismoaren teorialari gisa nabarmendu zen. Bere etxea izan zen bere lehen lanetako bat: Bruselatik gertu dagoen Uccleko Bloemenwerf (1895). Beste zenbait etxetako dekorazioa egin zuen, Hageneko Folkwang Museokoa (1902), besteak beste. Lantegi bat ere sortu zuen (Ixelles, 1898), eta jantziak, brodatuak, ohialak, paper pintatuak, bitxiak, zeramikak, eta gauza arruntak diseinatu zituen.
  • Bigarren aldian (1902-1914) Alemanian lan egin zuen gehienbat, eta estiloz, postmodernistatzat hartzen da. Besteak beste, Werkbund antzokia eraiki zuen Kolonian (1914).
  • Hirugarren aldian (1918-1956) Herbehereetan lan egin zuen batik bat. Aipagarriak dira Ganteko Unibertsitateko liburutegia (1936), eta Kröller-Müller Museoa (1937-1954).

Ganteko Unibertsitateko irakasle ere izan zen. Bere teoria Dotrina Orriak (1942) liburuan agertu zuen. Modernismoaren bultzatzaile eta teorilari nagusietako bat izan bazen ere, Van de Velderen estiloak konstruktibismo-aldera egin zuen eta, pixkana, hasierako dekoratibismo sinbolistatik urrundu zen.

ErreferentziakAldatu

Kanpo estekakAldatu

Wikimedia Commonsen badira fitxategi gehiago, gai hau dutenak: Henry Van de Velde