Guy Ritchie
Guy Stuart Ritchie (Hatfield, Hertfordshire, 1968ko irailaren 10a) ingeles zuzendari eta gidoilari bat da. Bere filma ezagunenen artean Lock, Stock and Two Smoking Barrels (1998), Snatch (2000), RocknRolla (2008) eta Sherlock Holmes daude. 2000 eta 2008 bitartean Madonna estatubatuar abeslari ospetsuarekin ezkonduta egon zen.
| Guy Ritchie | |
|---|---|
 (2017) | |
| Bizitza | |
| Jaiotza | Hatfield (en)  , 1968ko irailaren 10a (55 urte) |
| Herrialdea |  Erresuma Batua |
| Familia | |
| Aita | John Vivian Ritchie |
| Ama | Amber Mary Parkinson |
| Ezkontidea(k) | Madonna (2000 - 2008) Jacqui Ainsley (en) (2015 - |
| Seme-alabak | ikusi
|
| Hezkuntza | |
| Heziketa | Sibford School (en) Stanbridge Earls School (en) Windlesham House School (en) |
| Hizkuntzak | ingelesa hebreera |
| Jarduerak | |
| Jarduerak | film-zuzendaria, zinema ekoizlea, gidoilaria, ekintzailea, judoka eta errealizadorea |
| Lantokia(k) | Erresuma Batua |
| Lan nabarmenak | |
| Jasotako sariak | ikusi
|
| Influentziak | Quentin Tarantino, Sergio Leone, John Mackenzie (en) , Akira Kurosawa eta Danny Boyle |
| Kidetza | Writers Guild of America, East (en) |
| Genero artistikoa | drama Umore beltza |
         | |
Biografia aldatu
John Vivian Ritchie eta Amber Parkinsonen seme txikia da. Gainera, anaia-arreba zaharrago bat du, bere amak nerabe zenean izan zuen semea. Stanbridge Earls School hamabost urterekin utzi zuen, dislexian espezialista den Erresuma Batuko zentrorik garrantzitsuenetako bat. Guy Ritchiek betidanik du arazo hori.
Guy Ritchiek 1995ean egin zuen debuta The Hard Case film laburrarekin, eta 1998an hari jarraitu zion Lock, Stock and Two Smoking Barrels bere lehen film luzea, kultuzko film bilakatuko zena. Bere txispak pelikulari gorazarre egin zion eta bere zuzentzeko estilo berezia agerian utzi zuen, antzezle taldearekin eta elkar lotzen diren hainbat tramarekin. Lock & Stockek, bere aldetik, pantaila handian lan egiteko aukera eman zien Jason Statham aktoreari eta Vinnie Jones futbolari ohiari, hortik aurrera ibilbide artistiko emankorra hasi zutenak.
Snatch, 2000koa, beste arrakasta handi bat izan zen, eta, agian, Guy Ritchieren ibilbidea nazioartean aireratu zuen filma. Horren zati handi bat Columbia TriStar konpainiari zor zaio, proiektu ekonomikoa babestu eta Hollywoodeko edozein pelikularen banaketa eman zion konpainiari. Babes handi horregatik, filmak artista ugari izan zituen, besteak beste, Brad Pitt, Benicio del Toro eta Dennis Farina, baita Jason Statham eta Vinnie Jones bere aktore fetitxeak ere.
Madonnarekin ezkondu ondoren, Ritchie bere emazte ospetsuari buruzko lanak egiten hasi zen, eta «What It Feels Like for a Girl» abestirako bideo musikal batean zuzendu zuen, eztabaidagarria, Madonna indarkeriazko ekintzetan erakusten zuelako, hala nola autoarekin jendea harrapatzen. Star film laburra ere zuzendu zuen, BMW konpainiaren The Hire film sortarako.
Bere hurrengo lana, Madonna ere barne hartu zuena, 1960ko hamarkadako Lina Wertmüllerren film arrakastatsu baten remake bat izan zen. Swept Away kritika eta publikoaren porrota izan zen, eta horrek Ritchieren ibilbidean orban bat suposatu zuen.
Bere hurrengo filma Revolver izan zen, txalotua bezain gaitzetsia izan zena. Gero, RocknRolla filmatu zuen, kritikaren eta publikoaren aldetik arrakasta handia izan zuena. Bere filmen estilora itzuli zen aktore-talde bat erabiliz, oraingo honetan Gerard Butler, Tom Hardy, Jeremy Piven, Thandie Newton eta Tom Wilkinson aktoreak, besteak beste, eta elkarren segidan dauden hainbat tramarekin, bat egin arte.
2009ko abenduan, Sherlock Holmes estreinatu zuen Estatu Batuetan. Bertan, Robert Downey Jr. eta Jude Law aktoreek izenburuko pertsonaiaren eta Watson doktorea antzeztu zituzten, hurrenez hurren. Filmak arrakasta komertzial handia izan zuen eta jarraipena ekarri zuen bi urte geroago, Sherlock Holmes: A Game of Shadows izenekoa. Vanity Fair aldizkariak Hollywoodeko 40 ospetsu handienen zerrenda argitaratu zuen 2010ean. Ritchie 39. postuan sailkatu zuten, eta 13,5 milioi dolar irabazi zituen bere filmengatik.[1]
Raindanceko Zinemaldiaren hogeita bosgarren edizioan, Auteur Sariarekin ohoratu zuten, «kultuzko komedia kriminalekin» Erresuma Batuko zinema-industriari «bizitza berria» eman zion «figura nabarmen» gisa deskribatuz.[2]
Filmografia aldatu
| Urtea | Filma | Oharrak |
|---|---|---|
| 1995 | The Hard Case | Film laburra |
| 1998 | Lock, Stock and Two Smoking Barrels | |
| 2000 | Snatch | |
| 2001 | The Hire: Star | Telesail laburra (atal 1) |
| 2002 | Swept Away | |
| 2005 | Revolver | |
| 2008 | RocknRolla | |
| 2009 | Sherlock Holmes | |
| 2011 | Sherlock Holmes: A Game of Shadows | |
| 2015 | The Man from U.N.C.L.E. | |
| 2017 | King Arthur: Legend of the Sword | |
| 2019 | Aladdin | |
| 2019 | The Gentlemen[3] | |
| 2021 | Wrath of Man |
Erreferentziak aldatu
- ↑ (Ingelesez) Newcomb, Peter. (2011ko martxoa). «Hollywood’s Top 40» Vanity Fair.
- ↑ (Ingelesez) Kosner, Jason. (2017-8-10). «Guy Ritchie to be honoured by 2017 Raindance Film Festival» What's Worth Seeing….
- ↑ (Ingelesez) Fleming, Mike Jr. (2018-5-3). Guy Ritchie Returns To ‘Lock, Stock’ & ‘Snatch’ Turf With ‘Toff Guys’ – Cannes. .
Kanpo estekak aldatu
- Guy Ritchie zuzendariaren IMDBko fitxa ikusgai (Ingelesez)
Datuak: Q192990
Multimedia: Guy Ritchie / Q192990
