Ireki menu nagusia

Filipe III.a Frantziakoa

BizitzaAldatu

Luis VIII.aren semea zen. Harekin joan zen Zortzigarren Gurutzadara. 1271ean, osaba Alfontso hiltzean, Tolosa, Poitou eta Auverniako konde bihurtu zen, eta 1274an Venaissingo konderria Aita Santuari utzi zion. Bere osaba Karlos I.a Anjoukoaren alde atera zen, eta Petri III.a Aragoikoaren kontra, 1282an. Aita Santuak Petri III.ari erregetza kendu eta Karlos Valoiskoari, Frantziako erregearen semeari, eman zionean, Filipe III.ak Aragoiren kontrako gurutzada gidatu zuen (1284-1285), Aragoi hartzeko asmoz, baina huts egin zuen.

Elisabet Aragoikoarekin ezkondu zen, eta hura hiltzean, berriz, Maria Brabantekoarekin; hark eskaturik Pierre de la Brosse, bere begikoa, urkarazi zuen.

Ezkontzak eta haurrakAldatu

Filipe bi aldiz ezkondu zen. Lehenik, 1262an, Aragoiko errege Jakue I.aren Elisabet alabarekin; lau seme izan zituen harekin:

  • Luis (1264-1276)
  • Filipe IV.a (1268-1314)
  • Roberto (1269-1276)
  • Karlos (1270-1325), Valoisko kondea

Elisabet 1271n hil zen, eta 1274an Filipe Brabanteko duke Henrike III.aren Maria alabarekin ezkondu zen. Harekin hiru seme-alaba izan zituen:

  • Luis (1276-1319), Evreuxko kondea
  • Margarita (1282-1318), Eduardo I.a Inglaterrakoarekin ezkondua
  • Blanka (1284-1305), Bohemiako erregea zen Rodolfo I.arekin ezkondua

Maria 1321ean hil zen.

ErreferentziakAldatu

Wikimedia Commonsen badira fitxategi gehiago, gai hau dutenak: Filipe III.a Frantziakoa