Ireki menu nagusia

Egin (egunkaria)

argitaletxea
Egin» orritik birbideratua)

Egin Euskal Herriko egunkari enblematikoa izan zen, 1977an lehenengo alea argitaratu zuena. Batez ere gaztelania, baina euskara eta frantsesa ere erabiltzen zituen. Hernanin inprimatzen zen eta Orain S.A. enpresa zen egunkariaren jabea. Egunkari ezkertiar eta abertzalea zen.

Egin
EGIN.png
EGIN.png
Mota informazio orokorra
Fitxa teknikoa
Lehen zenbakia 1977ko irailaren 29a
Azken alea 1998ko uztailaren 15a
Hizkuntza gaztelania, euskara
Argitaratze lekua Hernani (Gipuzkoa)
Kolorea koloreko eta zuri-beltzeko orriak tartekatzen zituen
Argitaletxea Orain S.A.
Banaketa
Banatze-eremua Euskal Herria
Maiztasuna egunero
Historia
Ideologia Ezkertiar eta abertzalea
Sortzailea Akziodun herritarrak
Zuzendaria Jabier Salutregi (espetxean zuzendaria izateagatik)

1998an Baltasar Garzón epailearen aginduz itxi zuten ETAren zati bat zelakoan. Egunkari honen itxiera Dena da ETAren lehen urratsa bilakatuko zen.

HistoriaAldatu

 
1978ko Sanferminak.

Eginek hainbat eraso pairatu zituen bere sorreratik, bai Espainiako Estatuaren aldetik, eta baita inkontrolatuen aldetik ere. 1985ean, GALek Xabier Galdeano egunkariko erredaktorea hil zuen.

1980ko hamarkadan, Egin Euskal Rock Erradikalaren bultzatzaile nabarmenetako bat izan zen.

ItxieraAldatu

1998ko uztailaren 15ean Baltasar Garzón epaileak Egin eta Egin Irratia ixteko agindua eman zuen, ETAk gidatutako erakunde-sare baten parte zirela leporatuta. Guztira 150 guardia zibilek hartu zuten parte operazioan. Geroago, akusazio hori ustela zela frogatu zen, baina hedabideok ez ziren berriz irekiko.

Egin itxi eta biharamunean Euskadi Informacion behin-behineko egunkaria kaleratzen hasi ziren, harik eta 1999ko urtarrilaren 30ean Gara egunkaria sortu zen arte.

Epaia Eginen aldeAldatu

Eginen itxiera eta 11 urte beranduago, 2009an, Egin egunkariaren itxiera bidezkoa ez zela iritzi zion Espainiako Epaitegi Gorenak. Hala eta guztiz, jadanik Egineko langile zein zuzendaritza taldekoek gartzela zigor zein beste zigor mota gogorrak jasota zituzten eta ez zioten dirurik edo besterik itzuli.[1]

AVT edo Terrorismoaren Aurkako Erakundeak gogor kritikatu zuen erabaki hau. Erakunde honen iritzian Egin egunkariako langile zein enpresak ordainetan dirua edo zer edo zer eskatu ahalko zuten epaia ikusi eta berehala. AVTren beldurrak ezerezean geratu ziren. Izatez Eginek edo bere langileek ordainetan ez zuten ezer jazo. Ez hori bakarrik beraien materiala hondatu, puzkatu eta alferrik galdu egin zen. Itxiera eta gero, beraien estudioetara sartzeko baimenik gabe egon ziren urteetan eta Espainiako gobernuaren menpe egon diren material gehienak desagertu, apurtu edo galdu egin dira.[2]

BitxikeriaAldatu

Egin itxi eta gutxira, orduko Espainiako lehendakariak, Jose María Aznarrek zera esan zuenː "Norbaitek pentsatu zuen Egin egunkaria izten ez ginela ausartuko hala?".[3] Eta zeharka Garzónen agindupean egindako itxiera, benetan bere agindupean egindako erabakia izan zela esan zuen. Urte horietan IUko buruzagia zenak, Julio Anguitak, esaldi hori kontuan hartuta Aznarrek bere burua salatu zuela esan zuen eta itxieraren benetako agindua Espainiako Gobernuak eman zuela zihurtatu zuen.

2019an, Eginen itxiera eta 21 urte beranduago, Gara egunkariak 3 milioi eurotik gora ordaindu behar izan zituen Gizarte Segurantzari 'Egin'en zorragatik. Arrazoiaː "enpresen arteko ondorengotza ideologikoa" izatea Auzitegi Gorenakoa zen Baltasar Garzon epailearen iritzian.[4]

ErreferentziakAldatu

Ikus, gaineraAldatu

Kanpo estekakAldatu


  Artikulu hau Euskal Herriari buruzko zirriborroa da. Wikipedia lagun dezakezu edukia osatuz.