Claudio Abbado

Claudio Abbado (Milan, Italia, 1933ko ekainaren 26a - Bolonia, Italia, 2014ko urtarrilaren 20a) musika-zuzendaria izan zen.

Claudio Abbado
Claudio Abbado Senato.jpg
biziarteko senatari

2013ko abuztuaren 30a - 2014ko urtarrilaren 20a
Bizitza
JaiotzaMilan1933ko ekainaren 26a
Herrialdea Italiako Erresuma  (1933ko ekainaren 26a -  1946ko ekainaren 18a)
 Italia  (1946ko ekainaren 18a -  2014ko urtarrilaren 20a)
HeriotzaBolonia2014ko urtarrilaren 20a (80 urte)
Heriotza moduaberezko heriotza: eritasuna
Familia
AitaMichelangelo Abbado
Seme-alabak
Anai-arrebak
Hezkuntza
HeziketaMilan Conservatory (en) Itzuli
Accademia Musicale Chigiana (en) Itzuli
University of Music and Performing Arts Vienna (en) Itzuli
Hizkuntzakitaliera
Irakaslea(k)Michelangelo Abbado
Bruno Bettinelli
Antonino Votto
Carlo Zecchi
Alceo Galliera
Friedrich Gulda
Hans Swarowski
Jarduerak
Jarduerakorkestra zuzendaria, politikaria, piano-jotzailea, musika-zuzendaria eta musikagilea
Lantokia(k)Berlin eta Erroma
Enplegatzailea(k)Accademia Nazionale di Santa Cecilia (en) Itzuli
Jasotako sariak
KidetzaBerlingo Orkestra Filarmonikoa
Genero artistikoamusika klasikoa
opera
Musika instrumentuapianoa
DiskoetxeaDeutsche Grammophon (en) Itzuli
Sinesmenak eta ideologia
Alderdi politikoahautagai independente

IMDB: nm0007798 Spotify: 6HclTVD03WSY6GUpN16BkP Musicbrainz: 39e84597-3e0f-4ccc-89d2-6ee1dd6fb050 Songkick: 508590 Discogs: 368137 Allmusic: mn0000760782 Find a Grave: 123787437 Edit the value on Wikidata

BiografiaAldatu

Zortzi urte zituela jabetu zen musikarekiko zuen zaletasunaz, eta bere jaioterriko Giuseppe Verdi Akademian pianoko, konposizioko eta orkestra-zuzendaritzako ikasketak egin zituen. 1955ean Vienara joan zen Hans Swarowski zuzendariarekin ikastera. 1958. urtean Tanglewooden (Estatu Batuetan) Koussevitzky saria jaso zuen, eta Italiara itzulita Milango Kontserbatorioko ganbera-musikako irakasle izendatu zuten.

1960an aritu zen lehen aldiz zuzendari gisa bere hiriko Teatro alla Scala-n, eta hiru urte geroago hasi zen bere izena nazioartean entzuten, Mitropoulos Lehiaketan orkestra-zuzendaritzako lehen saria jaso eta Herbert von Karajanek Salzburgoko Jaialdian Gustav Mahlerren "Bigarren Sinfonia" zuzentzeko gonbita egin zionean. Huraxe izan zen Vienako Orkestra Sinfonikoarekin izan zuen lehen harremana; orkestra haren zuzendari gonbidatu izan zen 1971tik aurrera, eta zuzendari titularra 1986-1989 urte-bitartean.

1971. urte horretan bertan Vienako Mozartgemeinek Mozart domina eman zion, munduko antzoki eta kontzertu-areto onenetatik hasi zitzaizkion deitzen, betiere bere hiriari eskainiko bazizkion ere bere denbora eta ahalegin gehienak. 1968an Milango Scalako Operako musika-zuzendari izendatu zuten eta, horrez gainera, 1977-1979 bitartean, bertako zuzendari artistikoa izan zen. 1982an Scalako Orkestra Filarmonikoa sortu zuen; urte horietan lan handia egin zuen musikaren kultura gizarte osora zabaltzeko. 1989an, Herbert von Karajan hil zenean, Berlingo Orkestra Filarmonikoaren zuzendari izendatu zuten; 2002 arte aritu zen postu horretan.

2002an urdaileko minbizia diagnostikatu zioten, baina ebakuntza larri baten ondoren, sendatu egin zen. 2003an, Luzernako Jaialdiko Orkestra sortu zuen, eta bere kontzertuak oso txalotuak izan dira, batez ere Mahlerren sinfoniei eskainitakoak. Bere bizitzako azken urteetan zenbait gazte-orkestra ere sortu zituen. Luzaroan gaixo izan eta gero, 2014ko urtarrilaren 20aan hil zen.[1]

ErreferentziakAldatu

  1. (Italieraz) «Addio al grande maestro Claudio Abbado», Corriere della Sera, 2014-01-20.

Kanpo estekakAldatu