Musika tresna

Musika-tresna musika egiteko balio duen objektu bat da. Batzuetan instrumentuek, musika egiteko baino, giroa sortzeko, jolasteko edo abisuak emateko balio dute; horregatik, soinu-tresna ere esaten diegu.

Nola sailkatzen dira ? aldatu

Instrumentuak era askotara sailka daitezke, baina musikologian hotsa sortzeko moduaren arabera sailkatzen dira, honako talde hauetan:

Aerofonoak aldatu

Aerofonoak airea bibraraztean hotsa ematen dutenak dira. Askotan haize-instrumentu ere esaten zaie. Txistua, klarinetea, akordeoia eta burruna, adibidez, haize instrumentuak dira. Talde honetako tresnak batzuetan haien materialaren arabera ere sailkatzen dira, adibidez, metalezkoak edo zurezkoak.

Kordofonoak aldatu

Hari instrumentuak edo kordofonoak haria bibraraztean hotsa ematen dutenak dira. Hariak kolpatu, pultsatu edo igurtzi daitezke. Ttun-ttuna, gitarra, biolina eta pianoa talde honetakoak dira.

Membranofonoak aldatu

Menbranofonoak mintz bat bibraraztean hotsa ematen dutenak dira. Adibidez, panderoa, danborra, zanbonba edo turuta.

Idiofonoak aldatu

Idiofonoak: tresnaren gorputza bera bibraraztean hotsa ematen dutenak dira. Esaterako, txalaparta, kastainetak, kanpaiak edo musugitarra.

Noiztik daude musika tresnak ? aldatu

Musika-tresna batzuk oso aspaldikoak dira eta ez dago jakiterik noiz, non edota nork asmatu zituen. Beste batzuk ordea, berriagoak dira eta egile jakin bat dute. Hau da saxofoiaren kasua: XIX. mendean asmatu zuen Adolph Sax-ek.

Orkestra modernoetan musika-tresnak sailkatzeko beste erak dituzte. Adibidez, perkusio taldea dute: bertan idiofonoak zein menbranofonoak aurki ditzakegu.