Txikipedia:Burrun
Burruna aerofonoen familiako soinu-tresna da. Furrufarra edo zurrunbera ere esan izan zaio. Ingelesez bullroarer izena hartzen du, eta gazteleraz zumbadora.
Nolakoa da? aldatu
Zurezko taulatxo luzexka bat da. Mutur batean duen zulo batetik soka bat pasatzen da. Tokian toki neurri eta itxura ezberdinak hartzen dituzte.
Nola jotzen da? aldatu
Sokaren mutur batetik heldurik, taulatxo hori abiadura bizian airean bueltaka jartzen da, zurrunbilo hotsa emanez. Abiaduraren arabera hotsaren tonua aldatzen da.
Zertarako jo izan da Euskal Herrian? aldatu
Haurrek jolasteko erabili izan dute, eta animaliak uxatzeko ere erabili izan dira halakoak.