Ireki menu nagusia

Traineru bizkaitarren Liga

Traineru bizkaitarren Liga 1997 eta 1999an jokatu ziren bi edizioen izena da. Bertan traineru bizkaitarrek bakarrik hartu zuten parte.

1997 denboraldiaAldatu

Gipuzkoarrekin haserreturik elkarte bizkaitarrek Liga propioa sortzea erabaki zuten jadanik eratuta zegoen Euskal Ligari boikota egin asmoz. Hala ere hiru klubek bi ligatan hartu zuten parte: Raspasek, Arkotek eta San Nikolasek. Hamabi taldek hartu zuten parte eta hamaika estropada izan ziren puntuagarriak. Estropadetan talde gipuzkoar eta kantabriarrak ere aritu izan ziren lehian.

Bestalde aipatu behar da Kaikuk 69 puntu lortu zituen, baina arraunlari baten fitxa arauzkoa ez zenez, honek parte harturiko estropadetako puntuak kendu zitzaizkiola.

Sailkapena:

Postua Elkartea Puntuak
1 Ondarroa 94
2 Raspas 87
3 Arkote 86
4 Santurtzi 75
5 Isuntza 72
6 San Nikolas 65
7 Zierbena 57
8 Lutxana 51
9 Elantxobe 45
10 Algorta 31
11 Iberia 25
12 Kaiku 17


1999 denboraldiaAldatu

Urtebeteko adiskidetzearen ondoren berriz sortu ziren gipuzkoarren eta bizkaitarren arteko liskarrak eta oraingoan Bizkaitarren Liga birrantolatzeaz gain, estropada hauek bizkaitarrenak bakarrik izan ziren, traineru guztiak Lekeition, Kontxan eta Nerbioiko bukaerako bi banderetan baino elkartu ez zirelarik. Euskadiko Txapelketa ere elkarrekin egitekoak ziren baina talde bizkaitar gehienek uko egin zioten parte hartzeari. 11 traineruk osatu zuten liga eta 13 estropada jokatu ziren. Urte hontako irabazlea Urdaibai izan zen, eta ondoren izugarrizko sorpresa eman zuen Kontxako Banderan hirugarren gelditzean. Isuntza ere sartu zen Kontxan, Liga honen maila ona zela erakutsiz. Ondarroak ez zuen ordean bere probintziakoen ildoa jarraitu eta gipuzkoarrekin lehiatu zen Euskal B Ligan.

Estropadak

  1. Urdaibaik 8 garaipen
  2. Isuntzak 3 garaipen
  3. Kaikuk garaipen bat
  4. Santurtzik garaipen bat

Sailkapena

Postua Elkartea Puntuak
1 Urdaibai 117
2 Isuntza 110
3 Santurtzi 98
4 Kaiku 86
5 Arkote 79
6 Lutxana 76
7 Algorta 74
8 Zierbena 59
9 San Nikolas 33
10 Santurtzi B 32
11 Urdaibai B 22

Kanpo estekakAldatu