Ireki menu nagusia

Stegosaurus

Stegosaurus generoko dinosauroen izen arrunta. Bizkarrean plaka dermiko handiz osatutako gangar-moduko egitura eta isatsean bi edo lau ezten-pare zituzten. Belarjaleak ziren eta Jurasikoan bizi izan ziren

Stegosaurus edo Estegosauroa ("narrasti teilatuduna", grezieraz) Ornithischia dinosauroen barneko genero bat izan zen. Jurasikoan bizi zen (156 eta 144 milioi urte inguru), gaur egun Ipar Amerikan eta Europan.

Stegosaurus
Stegosaurus Senckenberg.jpg
Sailkapen zientifikoa
ErreinuaAnimalia
FilumaChordata
KlaseaReptilia
OrdenaOrnithischia
FamiliaStegosauridae Stegosauridae
Generoa Stegosaurus
Marsh, 1877
Azpibanaketa
  • S. armatus Marsh, 1877
  • S. stenops Marsh, 1887
  • S. sulcatus Marsh, 1887
  • S. longispinus Gilmore, 1914
Datu orokorrak
Altuera 4 m

DeskripzioaAldatu

Estegosauroak 12 metroko luzeera, 4 metroko garaiera eta 7 tonako pisua zituen. Lau hanka apaxdunek eusten zioten gorputzari. Berau estutu eta txikitzen zen, buru txiki-txikian amaitu arte. Moko ahula eta mastekatzeko gutxi balio zuten hortz txikiak ere zituen. Haren garuna intxaurra baino pixka bat handiagoa zen; hori dela eta, zentzumenak gutxi garatuta zeuzkan.

 
Estegosauro eta gizaki baten tamainen konparazioa

Ezaugarri nagusia buztaneko 60 zentimetrorainoko lau arantzak zituen, baita bizkarreko xafla zabalen bi ilarak ere. Ez ziren oso baliagarriak defendatzeko, finak zirelako eta asko kulunkatzen zirelako; beraz, beldurtzeko lana betezen bide zuten.

Beste teoria batek adierazten du xaflak tenperatura erregulatzekoak zirela. Odola bero zutela pentsatzen denez, xaflek gorputza hozteko baliagarriak omen ziren. Janariak mastekatzen ez zituenez, estegosauroak landare ugari irensten zituen, hesteetan hartzitzen zutenak. Horrek sortutako bero handia xaflek kanporatzen zuten eta, horri esker, animalia kiskaltzeko arriskutik salbu geratzen zen.

HistoriaAldatu

Lehen fosilak Othniel Charles Marshek identifikatu zituenen 1877an. Harez geroztik, makina bat hezurdura aurkitu dira Wyoming, Utah eta Colorado estatuetan (AEB). Horren kariaz, dinosaurorik ezagunena dela esan daiteke.

GaleriaAldatu