Saibi

Saibi —Saibigain izenaz ere ezaguna— Abadiñoko (Durangaldea, Bizkaia) mendi bat da, 946 metro garai. Urkiola inguruan dago, izen bereko mendilerroan, Eskuagatxeko mendilerroaren hegoaldeko muturrean, Anbotoko mendilerrotik hurbil.

Saibi
Datu orokorrak
Garaiera	946 m
Prominentzia	196 m
Mota	mendi
Geografia
Koordenatuak	43°05′59″N 2°39′57″W
Honen parte da	Euskal Herriko arkua
Mendikatea	Saibigaingo mendilerroa
Herrialdea	Euskal Herria
Probintzia	Bizkaia
Mendizaletasuna
Ohiko bidea	Urkiolatik

Gerra Zibileko pasarteak

Sakontzeko, irakurri: «Saibigaingo gudua»

Saibi mendia izan zen gudarien erresistentzia lekua frankisten aurka Espainiako Gerra Zibilean. Apirilaren 6tik 15era hamaika egunez borroka latzak izan ziren bi bandoen artean, azkenean faxistak garaile gertatu arte.

Gaur egun, eusko gudarien aldeko oroitarria eta monumentua dago tontorrean, gurutze handia zehazki. Izatez, gurutze hau frankistek ipini zuten bere hildakoen omenez baina 1976an, Franco hil eta gutxira esan nahia aldatu, plaka bat jarri eta gudarien aldekoa bihurtu zuten gurutze hau.

Eusko gudarien omenezko oroitarria Saibigaingo tontorrean

Abiapuntuak

Urkiola Sabigaingo tontorretik ikusita. Ezkerraldetik eskuinaldera, Arrietabaso, Mugarra, Untzillaitz, Axtxiki, Alluitz eta Anboto.

Tontorrera ailegatzeko hiru bide daude.

• Urkiolako mendatetik (45 min.)
• Urkuletatik (1 ord. 45 min)
• Zumeltzatik (1 ord. 30 min)

Ikus, gainera

• Bizkaiko mendien zerrenda
• Urkiolako natura parkea

Kanpo estekak

• Joseba Aurkenerena: Bediaga komandantea eta Sabingaingo gudariak. [1]

• Datuak: Q3461571
• Multimedia: Saibigain / Q3461571

Euskarazko Wikipedian bada atari bat, gai hau duena: Euskal Wikiatlasa