Markia

Markia (euskarazko izen ofiziala: Markina; gaztelaniaz: Marquina) Arabako iparraldean kokatuta dagoen herria da, Zuiako Kuadrillan. Gainera, Zuiako udalerria eratzen duten herrietariko bat da.

Markia
Euskal Herria
Markiako eliza
Kokapena
Herrialdea	Araba
Udalerria	Zuia
Geografia
Koordenatuak	42°58′34″N 2°49′05″W

Iparraldean, Gorbeiako natura parkea, hegoaldean Sarria, mendebaldean Altube eta hego-ekialdean Aretxaga eta Zarate herriak ditu mugakide.

2007ko urtarrilaren 1eko erroldaren arabera, auzoak 68 biztanle zituen.

Ingurune naturala

Berretin mendiaren (1.226 m) magalean dago herria, eta hortik goitik datozkio Ugalde ibaiaren urak. Aspaldian, errota bat eraiki zuten baliabide natural hori aprobetxatzeko, gaur egun zaharberrituta dagoena. Uraska eta iturria ere errekarekin lotuta daude, baita goiko eta beheko auzoak lotzen zituen harrizko ­zubia ere.

Demografia eta biztanleria

Markiako biztanleria

2000	2001	2002	2003	2004	2005	2006	2007
44	50	50	56	61	69	73	68

Garraioa

Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 5 Urduña Izarra Murgia Gopegi Urduña (suhiltzaileak) • Apregindana • Untzaga • Uzkio Urkabustaiz • Oiardo • Goiuri • Beluntza • Ziorraga • Altube • Gillerna • Lukiano • Aperregi • Donamaikia • Jugo • Bitoriano • Zarate • Markia • Sarria • Olano • Letona • Zaitegi Urduña Izarra Murgia Gopegi

San Joan

San Joan Bataiatzaile herriko zaindaria da, eta haren omenez eliza eraiki zuten, herriko goiko aldean. S. Joan egunaren bezperan, ekainaren 24an, jaia ospatzen dute.

Markiar ospetsuak

• Jose Abezia («Markiako ikaslea»), gerrillaria, Espainiako Independentzia Gerran nabarmendu zen. Markian jaio zen 1785eko apirilaren 17an, Zuzenbidea ikasi zuen Zaragozan, eta han harrapatu zuen Napoleonen aurkako gerrak. Hiri hartako setioetan borrokatu zen. Amore eman ondoren, ihes egin ahal izan zuen, eta jaioterrira itzuli, indarberritzeko. Gero, gerrillari talde baten buru, Aragoin eta Euskal Herrian hainbat garaipen lortu zituen. Azkenean armadan sartu zen, komandante mailarekin, eta jeneral izatera iritsi zen. Heriotza data ez da ezaguna.

Ikus, gainera

• Zuia
• Zuia-Gorbeialdea

Kanpo estekak

• Markia udal webgunean

• Datuak: Q2744592
• Multimedia: Markina, Zuia / Q2744592

Euskarazko Wikipedian bada atari bat, gai hau duena: Euskal Wikiatlasa