Wikipedia

Josu Lopez-Gazpio

Gipuzkoar kimikari eta irakaslea

Josu Lopez-Gazpio edo Josu Lopez Gazpio (Tolosa, 1987ko urriaren 6a) gipuzkoar kimikaria da, GOI ikastegiko irakaslea eta ikertzailea da. Lehenago irakaskuntza ertainetan ere irakasle izan da.[1][2]

Josu Lopez-Gazpio

Bizitza
JaiotzaTolosa, 1987ko urriaren 6a (36 urte)
Herrialdea Gipuzkoa, Euskal Herria
Hezkuntza
HeziketaEuskal Herriko Unibertsitatea kimika, doktoretza
Hizkuntzakgaztelania
euskara
Jarduerak
Jarduerakkimikaria eta unibertsitateko irakaslea
Enplegatzailea(k)Udako Euskal Unibertsitatea  (2020 -
Jasotako sariak
KidetzaUdako Euskal Unibertsitatea
Twitter: Josu_lg Inguma: josu-lopez-gazpio Edit the value on Wikidata

Ibilbidea ikasketetan eta ikerkuntzan aldatu

Kimika ikasketak egin zituen Euskal Herriko Unibertsitatean, Donostiako Informatika Fakultatean. 2014an defendatu zuen bere doktoretza-tesia EHUn Esmeralda Millan-en zuzendaritzapean, “Kosmetikoen osagai hautatuak determinatzeko kromatografia elektrozinetiko mizelarrean oinarritutako metodoen garapena eta aplikazioa” izenburupean.[3]

Zientzia dibulgatzailea aldatu

Ohiko zientzia-dibulgatzailea da euskarazko medioetan. Birritan irabazi du zientzia-kazetaritzako CAF-Elhuyar saria.[1] Elhuyar aldizkarian eta Ekaia aldizkarian hiruna artikulu baino gehiago argitaratu ditu.[4]

  • 2016: Perfumeen kimika: musketak eta musketa poliziklikoen analisia . EKAIA, Maria Esmeralda Millán Martínekin.
  • 2016: Substantzia alergenoen analisia kosmetikoetan. EKAIA
  • 2016: Homeopatia: uraren memoria txarra. ELHUYAR, Juan Jose Iruin Sanzekin.
  • 2016: Kosmetikoak analizatzeko metodo garbiagoen bila, ELHUYAR
  • 2014: Irakaskuntzak eta ikerkuntzak bat egiten dutenean: bentzofenona-4 ultramore-iragazkiaren kuantifikazioa, EKAIA, Uxua Huizi Rayo, eta Estibaliz Otegirekin.
  • 2014: Maillard jaunaren patata frijituak. ELHUYAR
  • 2013: Usaimena, zentzumen ahaztu hori. EKAIA, Maria Esmeralda Millán Martínekin
  • 2013: Molekulen heriotza. ELHUYAR

Eta beste hainbat mediotan parte hartzen du, besteak beste, Berrian, Euskal Telebistan edo Euskadi Irratian (Norteko Ferrokarrila...).[5] 2015etik 70tik gora artikulu idatzi ditu Tolosaldeko Atarian,[6] eta 200dik gora Zientzia Kaiera blogean.[7] Horrelakoak idazten oso ondo pasatzen duela esaten du maiz.[8]

Udako Euskal Unibertsitatea aldatu

Donostiako Kimika Fakultateko ikasle zela ezagutu zuen Udako Euskal Unibertsitatea eta harrezkero UEUren hainbat ekimenetan parte hartu du. UEUko unibertsitate-mailako ikasmaterialak sustatzeko laguntzei esker “Kimika orokorreko eskuliburua” argitaratu zuen.[9] Zientziaren dibulgazioari buruzko hainbat ikastaro antolatu izan ditu Udako Ikastaroetan., adibidez, 2016ko uztailean “Zientziaren dibulgazioa: aukerak, baliabideak eta erronkak” udako ikastaroa antolatu zuen, Koldo Garcia UEUkidearekin elkarlanean. 2017ko martxotik UEUKo Kimika Sailaren ardura du.[10][11] 2020tik GOI ikastegiko irakaslea da.[12]

Sariak eta errekonozimenduak aldatu

  • 2018: CAF-Elhuyar zientzia kazetaritzako saria.
  • 2020: CAF-Elhuyar zientzia eta teknologia saria.“Musikaren zientzia” artikulu-sortagatik. Hain zuzen, zientzia-dibulgazioaren adibide aproposa dela iruditu zitzaion epaimahairi. Musikaren eta zientziaren arteko erlazioa oso ongi azaltzen duela aipatu zuen, eta, aldi berean, musikaren idiosinkrasia hortik haratago dagoela ongi azaltzen zuela. Entretenigarria eta erakargarria zela ere azpimarratu zuen.[13][5]

Erreferentziak aldatu

  1. ↑ a b «Elhuyar sariak» www.elhuyar.eus (Elhuyar Fundazioa) (Noiz kontsultatua: 2020-12-06).
  2. ↑ Josu Lopez Gazpio | Artizarra. (Noiz kontsultatua: 2021-04-15).
  3. ↑ Lopez Gazpio, Josu. (2014). Kosmetikoen osagai hautatuak determinatzeko kromatografia elektrozinetiko mizelarrean oinarritutako metodoen garapena eta aplikazioa. UPV/EHU ISBN 978-84-9082-094-0. (Noiz kontsultatua: 2021-04-15).
  4. ↑ «Josu Lopez Gazpio :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2021-04-15).
  5. ↑ a b «Musikaren zientzia» EITB Euskal Irrati Telebista 2020-05-22 (Noiz kontsultatua: 2021-04-15).
  6. ↑ «Josu Lopez-Gazpio - Komunitatea - Tolosaldeko ataria» ataria.eus (Noiz kontsultatua: 2021-04-15).
  7. ↑ «You searched for josu lopez gazpio» Zientzia Kaiera (Noiz kontsultatua: 2021-04-15).
  8. ↑ Txoperena Iribarren, Maddi Ane. (2020). ««Asko ikasten dut artikuluak idatziz»» Berria (Noiz kontsultatua: 2021-04-15).
  9. ↑ Lopez Gazpio, Josu. (2015). Kimika orokorreko eskuliburua. UEU arg ISBN 978-84-8438-567-7. (Noiz kontsultatua: 2021-04-15).
  10. ↑ «Josu Lopez Gazpio: "Jakintza eta interes desberdinak dituzten pertsonen sarearen erdigunea da niretzat UEU" :: berriak :: Udako Euskal Unibertsitatea» www.ueu.eus (Noiz kontsultatua: 2021-04-15).
  11. ↑ Josu Lopez Gazpio: “Errealitatean kokatutako kimika bat erakustea da erronka” – UEU365. (Noiz kontsultatua: 2021-07-06).
  12. ↑ UEUko lantaldea: Nor da Nor? – UEU365. (Noiz kontsultatua: 2021-04-16).
  13. ↑ CAF-Elhuyar sariek aitortza egin diete arlo zientifiko-teknologikoaren eta gizartearen arteko zubigileei. Elhuyar.

Kanpo estekak aldatu

"https://eu.wikipedia.org/w/index.php?title=Josu_Lopez-Gazpio&oldid=9053521"(e)tik eskuratuta