HMS Blanche (H47)
HMS Blanche (H47) B klaseko destruktore bat izan zen, Royal Navy itsasoko britainiar indar armatuentzat eraikia, 1930 inguruan. Espainian Franco jeneralaren estatu kolpeak eragindako gerraren garaian, 1936-1939 bitarte, ontziak denbora luzea eman zuen Espainiako uretan, Erresuma Batuak eta Frantziak adostutako ez esku hartzea zaintzen. Bonbaketari matxinatuek eraso egin zioten arren, 1938. urtearen hasieran, ez zuen kalte nabarmenik jasan, eta ondoren Etxeko Flotara transferitu zuten. Itsas mina batek hondoratu zuenean, 1939ko azaroan, Bigarren Mundu Gerran etsaien ekintzak galarazitako britainiar lehen destruktorea bihurtu zen.
| HMS Blanche (H47) | |
|---|---|
_IWM_FL_2352.jpg) | |
| Fabrikazioa | |
| Fabrikatzailea | R. & W. Hawthorn, Leslie and Company (en)  |
| Jatorrizko herrialdea | Erresuma Batua |
| Historia | |
| Gila jartzea | 1929ko uztailaren 29a |
| Uretaratzea | 1930eko maiatzaren 29a |
| Barkua amaitua | 1931ko otsailaren 14a |
| Hondoratzea | 1939ko azaroaren 13a |
| Kudeatzailea | Royal Navy |
| Gatazka | Bigarren Mundu Gerra |
| Ezaugarriak | |
| Dimentsioak | 3,7 ( ) × 9,8 ( ) × 98,4 ( ) m |
| Erruna | 9,8 m |
| Zingoa | 3,7 m |
| Identifikazioa | |
Ezaugarriak
aldatuHMS Blancjek 1.380 t mugitzen zituen karga estandarrean, eta 1.820 t karga sakonean. Ontziak 323 oineko luzera zuen (98,5 m), 32 oin eta 3 hazbeteko erruna a (9,8 m) eta 12 oin eta 3 hazbeteko zingoa. Parsons etxeak egindako lurrun turbinek elikatzen zuten, bi ardatz gidatuz, guztira 34.000 zaldi potentzia (25.000 kW) garatzeko ahalmenaz, eta 35 korapiloko (65 km/h; 40 mps) abiadura maximoaz. Turbinentzako lurruna hiruna danborreko hiru galdarek hornitzen zuten. Blanchek 400 tona fuel olio garraiatzen zituen gehienez, eta horrek 4.800 itsas milia (8.900 km) egiteko ahalmena ematen zion 15 korapilotan (28 km/h) nabigatuta.[1] Ontziaren eskifaia osatzen zuten 134 ofizial eta gizonek, baina 142ra igo zen gerra garaian.[2]
Ontziak 45 kalibreko QF 4,7 hazbeteko Mk IX kalibreko lau kanoi zeramatzan, banakako armazoietan. Aire e4rasoetatik babesteko, Blanchek 40 milimetroko QF Mk II AA bi kanoi zituen plataforma batean muntatuta bere tximinien artean. Gainera, torpedo hodien bi armazoi laukoitz zituen, 21 hazbeteko (533 mm) ur gaineko torpedoak jaurtitzeko.[2] Itsaspekoen aurkako sakontasun kargak askatzeko errei bat eta bi jaurtigailu zituen; hasiera batean 20 sakontasun karga garraiatzen zituen, baina gerra hasi orduko 35 eramaten hasi zen.[3]
Zerbitzu aldia
aldatuOntzia eraikitzea 1929ko martxoaren 4an agindu zioten Hebburneko (Tyne eta Wear) Hawthorn Leslie etxeari, 1928ko Itsas Programaren barruan. 1929ko uztailaren 29an eraikitzen amaitu, eta 1930eko maiatzaren 29an uretaratu zuten, izen hori zeraman Royal Navyren hamargarren ontzi gisa.[4][5] Blanche 1931ko otsailaren 14an amaitu zen guztiz, 225.195 libera esterlinako kostuaz, albo batera utzita su armak, munizioak eta komunikazio ekipoak.[6] Zerbitzuan jarri ondoren, 4. Destruktore Flotari esleitu zitzaion Mediterraneoko Flotaren barruan 1936ra arte. Urte hartan, Itsasontzia berriro ekipatu zuten, eta Etxeko Flotari esleitu zioten. Blanchek sei hilabete eman zituen Espainiako hegoaldeko kostaldearen aurrean hedatuta, Franco jeneralaren estatu kolpeak eragindako gerraren garaian, egoitza Gibraltarren zuela, bidaiari britainiarrak ebakuatzen, besteak beste Laurie Lee poeta.[7] 1937ko apirilaren 6an, Francoren aldeko Almirante Cervera gurutzaontziak, Espainiako ipar Itsasartearen blokeo batean parte hartzen ari zelarik, Thorpehall britainiar merkataritza ontzia geldiarazi zuen, Bilbora elikagai kargamentu bat zeramana. Blanchek eta Brazen destruktore bikiak Thorpehallen laguntza seinaleari erantzun zioten, ontzi frankistari bidea moztuz, Thorpehalli Bilbon sar zedin.[8][9] 1938ko martxoaren 6an, bost bonbaketari frankistek eraso egin zioten, baina kale egin zuten guztiek.[10] Ontziak berrikuspen labur bat jasota Portsmouthen, 1938ko apirilaren 1etik ekainaren 11ra bitartean, Portland uhartean basea zuen itsaspeko ontzidiari esleitu zitzaion. Municheko krisian, RMS Akitania transatlantikoa eta HMS Venganza korazatua eskoltatu zituen destruktoreetako bat izan zen Blanche, Mantxako Kanalean, 1938ko irailaren 30ean. Hurrengo urtean, 1939ko apirilaren 1etik uztailaren 15era Sheerness Dockyard itsas armadaren ontziolan berregokitze osatuago bat egin ziotelarik, Nore hondar bankuko (Tamesisen estuarioa) larrialdi destruktore bihurtu zen.[11]
Bigarren Mundu Gerra hasi zenean, 19. Destruktore Flotillari esleitu eta hurrengo bi hilabeteak konboiak eskoltatzen eta patruilatzen eman zuen zerbitzua Mantxako Kanalean eta Ipar Itsasoan. Blanche itsasontzia eta bere biki Basilisk eskolta lanean ari ziren Adventure ontzi minatzaileari laguntzen, 1939ko azaroaren 13ko goizean Tamesis ibaiaren estuarioan, aurreko gauean alemaniar destruktore batzuek hedatutako mina zelai batean sartu zirenean. Adventurek eta Blanchek mina bana jo zuten; azken honek botere guztia galdu zuen eta berehala hondoratu zen. Gizon bat hil eta beste hamabi zauritu ziren. Alemaniarrek gerran hondoratu zuten lehen britainiar destruktorea izan zen.[11]
Erreferentziak
aldatu- ↑ Whitley 1988, 99. orr. .
- ↑ a b Friedman 2009, 298. orr. .
- ↑ English 1993, 141. orr. .
- ↑ English 1993, 29-30. orr. .
- ↑ Colledge 2006, 41. orr. .
- ↑ March 1966, 260. orr. .
- ↑ (Ingelesez) Grove, Valerie. (2014). The Life and Loves of Laurie Lee. New York: Robson Press ISBN 978-1849546874. OCLC .881887306 (Noiz kontsultatua: 2024-07-12).
- ↑ Beevor 2006, 229. orr. .
- ↑ (Ingelesez) «Rescue of Food Ship: How the Trouble Started» The West Australian (web.archive.org) 1937-04-16 (Noiz kontsultatua: 2024-07-12).
- ↑ English 1993, 33-34. orr. .
- ↑ a b English 1993, 34. orr. .
Bibliografia
aldatu- (Ingelesez) Beevor, Antony. (2006). The battle for Spain: the Spanish Civil War 1936-1939. London: Weidenfeld & Nicolson ISBN 978-0297848325. OCLC .64312268.
- (Ingelesez) Colledge, J. J.. (2006). Ships of the Royal Navy: the complete record of all fighting ships of the Royal Navy from the 15th century to the present. London: Chatham ISBN 978-1861762818. OCLC .67375475.
- (Ingelesez) English, John. (1993). Amazon to Ivanhoe: British standard destroyers of the 1930s. Kendal: World Ship Society ISBN 978-0905617640. OCLC .52611234.
- (Ingelesez) Friedman, Norman. (2009). British destroyers: from earliest days to the Second World War. Annapolis: Naval Institute Press ISBN 978-1591140818. OCLC .840424958.
- (Ingelesez) March, Edgar James. (1966). British destroyers. London: Seeley, Service & Co OCLC .258543907.
- (Ingelesez) Whitley, M. J.. (1988). Destroyers of World War Two: an international encyclopedia. Annapolis: Naval Institute Press ISBN 978-0870213267. OCLC .18116689.
Ikus, gainera
aldatuKanpo estekak
aldatu- (Ingelesez) HMS Blanche (H 47), Uboat.net.
Datuak: Q1468267
Multimedia: HMS Blanche (H47) / Q1468267
