Frantzisko Ximenez

Frantzisko Ximenez Baskardo (Cabredo, Nafarroa, 1651 - 1713) eskultorea izan zen, Diego Ximenezen semea. Arabako Errioxan lan egin zuen, batez ere, eta bere aitak baino lan errealistagoak ondu zituen.

Lanak aldatu

Obra nagusiak: bere aitak Lapueblako Jasokunde elizarentzat hasitako erretaula-lan batzuetan jardun zuen 1664. urtean; Ekorako erretaulako eskulturak (1676); Lezako elizako Kristo Santuaren irudia (1678); Bilarko Jasokunde elizako erretaulako irudiak (1678-1681); Bernedoko erretaula nagusia (1684), Kanpezuko elizako irudiak (1692-1698); Bernedoko elizako alboko erretaula eta Ama Birjinaren irudia (1693); Guardiako erretaula nagusiko irudiak (1694); Gasteizko San Pedro elizako erretaula nagusiko irudiak, XVII. mendearen bukaeran; eta Buxandako elizako irudiak (1703).

Harenak dira, halaber, Trebiñuko konderriko herri batzuetako elizetako irudiak.

Erreferentziak aldatu

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.