Burgue-Erango-Erreiti

Burgue-Erango-Erreiti Euskal Herriko udalerri konposatu zahar bat da, Nafarroa Beherea lurraldean kokatuta. Agaramont eskualdean dago, Donibane Garazi hiriburutik 46,1 kilometrora. Altuera 12 eta 166 metro artekoa da, eta 16,77 km²-ko azalera hartzen du.

Burgue-Erango-Erreiti
Nafarroa Beherea, Euskal Herria
Erangoko Andre Mariaren Jasokundearen eliza
Bandera Armarria
Kokapena
Herrialdea	Euskal Herria
Lurraldea	Nafarroa Beherea
Eskualdea	Agaramont
Administrazioa
Estatua	Frantzia
Eskualdea	Akitania Berria
Departamendua	Pirinio Atlantikoak
Elkargoa	Euskal Hirigune Elkargoa
Barrutia	Baiona
Kantonamendua	Bidaxunerria, Amikuze eta Oztibarre
Izen ofiziala	Bergouey-Arancou-Viellenave
Posta kodea	64270
INSEE kodea	64113
Herritarra	burguetar, erangoar, erreitiar
Kokapena
Koordenatuak	43°25′26″N 1°03′19″W
Azalera	16,77 km2
Garaiera	12-166 metro
Distantzia	46,1 km (Donibane Garazitik)
Datu gehigarriak
Sorrera	1973ko urtarrilaren 1a
Desegitea	1977ko azaroaren 15a

Udalerria Burgue (herriko etxea dagoen tokian), Erango eta Erreiti herrietako lurrek osatzen dute. 1973ko urtarrilaren 1an sortu zen, aurreko hiru udalak desagertu zirenean, eta 1977ko azaroaren 15ean desegin zen, Erango eta Burgue-Erreiti udalerrietan banandu zenean.

Bertako biztanleak burguetarrak, erangoarrak eta erreitiarrak ziren.

Izena

Burgue-Erango-Erreiti beste hizkuntza batzuetan ere ezagutzen da, hala nola:

• frantsesez: Bergoue-Arancou-Viellenave
• nafar erromantzez edo aragoieraz: Bergui-Arancón-Villanueva
• okzitanieraz: Bergüei, Aranco e Vièlanava edo Vergüei, Aranco e Vièlanava

Etimologia

Udalerriaren izena osatzen duten herrien izenek osatzen dute, hau da, Burgue, Erango eta Erreiti, gidoi batez elkartuta. Hiriburua den herria, Burgue, da lehena. Frantsesezko Erreiti (Viellenave-sur-Bidouze) izenaren luzera dela eta, izen konposatua erabiltzen denean bakarrik murriztu da Viellenave partera, nahiz eta bakarrik dagoen herria izendatzeko forma osoa erabiltzen den frantsesez antzeko izenak dituzten beste herrietatik bereizteko. Prozesu hori gainerako hizkuntza erromantzeek errepikatu dute asimilazioz, okzitanieraz izan ezik, hizkuntza horretan koordinazioaren uztarketekin tradiziozko lotura mantentzen baita.

Historia

1973ko urtarrilaren 1ean Bidaxuneko kantonamenduko Burgue, Erango eta Erreiti antzinako udalerriak batu eta Burgue-Erango-Erreiti udalerria sortu zuten.

1977ko azaroaren 15ean udalerria desegin zen:

• Erango, berriro udalerri independente bihurtu zen
• Burgue eta Erreiti antzinako udalerriak elkarrekin jarraitu eta Burgue-Erreiti izeneko udalerri berria sortu zuten.

Ikus, gainera

• Agaramont
• Nafarroa Beherea

Kanpo estekak

• Datuak: Q2897134