Ireki menu nagusia

BBVAren dorrea

BBVAren Dorrea» orritik birbideratua)
Artikulu hau BBVAren Bilboko dorrea edo etxeorratzari buruzkoa da; beste esanahietarako, ikus «BBVA eraikina (Bilbo)».

BBVAren Dorrea edo Bizkaia Bankuaren dorrea Bilboko bigarren eraikinik altuena da, Iberdrola dorrearen ondoren.

BBVAren dorrea
Torre Banco de Vizcaya.jpg
Dorrea Plaza Biribiletik ikusia.
Kokapena
Herrialdea  Euskal Herria
Probintzia  Bizkaia
Herria Bilbo
Koordenatuak 43° 15′ 40″ N, 2° 55′ 41″ W / 43.2611°N,2.92806°W / 43.2611; -2.92806Koordenatuak: 43° 15′ 40″ N, 2° 55′ 41″ W / 43.2611°N,2.92806°W / 43.2611; -2.92806
Historia eta erabilera
Eraikuntza 1969
Inaugurazioa1969ko apirilaren 22a
Arkitektura
Arkitektoa Jose María Chapa
Solairuak 21

KokalekuaAldatu

Abando auzoko gune finantzieroan kokatua, On Diego Lopez Haroko kale nagusiaren 1. zenbakian, Plaza Biribila, On Diego Lopez Harokoaren monumentua eta El Corte Inglés Bilbo merkataritza-gunearen alboan.

HistoriaAldatu

1968. urtean eraiki zen, Banco de Vizcayak zeukan egoitzaren tokian. Guztira 22 solairu eta 85 metroko altuera dauka. Dorrearen eraikuntzan arkitekto talde zabal batek hartu zuen parte, besteak beste, Enrique Casanueva eta Jose María Chapa. Eraikinak udaletxearen C motako babesa dauka eta 3.100 metro koadroko orubean eraiki zen[1], antzina Banco de Vizcayaren egoitza zaharra egon zen toki berean.

Euskal Herriko eraikinik garaienaAldatu

Euskal Herriko eraikinik altuena izan zen, BEC Dorreak 2006. urtean gainditu zuen arte. Horrez gain, Bilboko eraikinik altuena izan zen 1968tik 2009ra. 2009ko irailaren erdialdean, Iberdrola Dorreak gainditu zuen 22 solairu eta 91 metrorekin.

1968an eraikitzen amaitu zenean, Bilboko eraikinik garaiena bihurtu zen, 25 urte lehenago altxatutako Bailengo etxe orratza gainditzean.

AtentatuaAldatu

1983ko otsailaren 5ean ETAk lehergailua jarri zuen eraikinaren lehen solairuan. Leherketaren une berean bankuko bi langile hil ziren, Ramon Iturriondo García eta Anibal Izquierdo Emperador. Bi egun beranduago oso larri zauritutako Benito Alonso Gomez ere hil zen.[2]

Dorrea hutsikAldatu

1990eko hamarkadan zehar BBVk zerbitzu eta bulegoak Madrilgo egoitzara bideratu zituen eta pixkanaka dorrea husten hasi ziren. Azkenik 2009ko abenduan, On Diego Lopez Harokoaren 12. zenbakiko egoitzaren eraberritzea amaitzean, dorrean geratzen ziren bulego guztiak, bertara eraman zituzten, behekaldeko sukurtsala barne.

BBVAk dorrea saldu nahi zuela esan zuen 2008an[3], baina higiezinen merkatuaren egoera txarrak berandutu egin du bankuaren behin betiko erabakia. 2010. urtearen amaieran dorrearen prezioa 125 milioi eurokoa zela jakin zen[4].

2011ko otsailean eraikina salgai jarraitzen zuen[5].

Amianto kutsaduraAldatu

1960ko hamarkadaren amaieran eraikinaren egitura estaltzeko erabilitako amiantoak dorrea bertan behera uztera behartu zituen bankuko arduradunak, Bilboko Bide Nagusiko 12. zenbakiko eraikinera bulegoak eta egoitza nagusia mugituz. Amiantoarekin harremanetan egondako elektrikari eta mantenimendu langileek minbizia eta osasun arazoak izan dituzte, baina bankuko arduradunek ez zituzten langileak 2000. urtera arte amiantoaren arriskuez ohartu. 2010eko urriaren 25ean dorrean eletrikari lanetan ibilitako Cosme Real Merino langilea minbiziaz hil zela eman zen jakitera[6].

ArgazkiakAldatu

Ikus, gaineraAldatu

ErreferentziakAldatu

Kanpo loturakAldatu

Wikimedia Commonsen badira fitxategi gehiago, gai hau dutenak: BBVAren dorrea  
Euskarazko Wikipedian bada atari bat, gai hau duena:
Bilbo


Aurrekoa
??
Euskal Herriko eraikinik garaiena
1968-2006
Ondorengoa
BEC Dorrea
Aurrekoa
??
Bilboko eraikinik garaiena
1968-2010
Ondorengoa
Iberdrola dorrea
Aurrekoa
??
Euskal Herriko bulego eraikinik garaiena
1968-2006
Ondorengoa
BEC dorrea