Artemisia I.a Kariakoa
Artemisia I.a Kariakoa antzinako grezieraz: Ἀρτεμῑσίᾱ, persieraz: آناهیتا, fl. K.a. 520) Halikarnasoko erregina izan zen, Karian kokatutako Doriar greziarren hiria, orduko Akemenastarren inperioaren satrapia . Bigarren Mediar Gerran Xerxes I.a Pertsiako Errege Handiaren alde borrokatu zuen greziar polisen aurka. Artemisiak berak gidatu zituen 480. urtean bere bost ontziak Artemisio eta Salaminako itsas guduetan. Herodoto historialari greziarraren idazkiei esker badugu bere existentziaren berri.[1] [2] Berak Pertsiako alderdiko buruzagi militar bakarra zela baieztatu zuen eta bere ekimena eta ausardia goraipatzeaz gain, Xerxesek berarenganako izan zuen errespetua aipatu zuen ere.[3][4][5][6] Izan ere, Halikarnasoko erregina bezala, Herodotoren jaioterri berekoa izatea, Xerxesen Greziaren aurkako kanpaina handinahian parte hartu izanak, Xerxesen aliatu izateko erakutsitako askatasunak eta berezkoa zuen suhartasun nabarmenarekin konbinaketak, historialarien interesa eta arreta erakarri zituen pertsonaien artean kokatu izan dute.[7]
| Artemisia I.a Kariakoa | |||
|---|---|---|---|
 | |||
| |||
| Bizitza | |||
| Jaiotza | Halikarnaso, K.a. V. mendea | ||
| Herrialdea |  Akemenestar Inperioa | ||
| Heriotza | Efeso, K.a. V. mendea ( urte) | ||
| Familia | |||
| Aita | Lygdamis I.a Halikarnasokoa | ||
| Seme-alabak | ikusi
| ||
| Leinua | Lygdamid dinastia | ||
| Jarduerak | |||
| Jarduerak | politikaria eta buruzagi militarra | ||
| Zerbitzu militarra | |||
| Parte hartutako gatazkak | Bigarren gerra medotarra Salaminako gudua | ||
Familia eta izena
aldatuArtemisia (Anāhitā) izena Artemis-etik dator ( iz, f Genero gramatikala; Erromatar baliokidea: Diana ). Jablonskiren arabera, izena ere frigiarra da eta Xenophonteren Artemas errege tituluarekin alderatu daiteke. Charles Anthonen arabera, izenaren sustrai primitiboa seguruenik jatorri persiarrekoa da, arta *, art *, arte *, ... guztien esanahia handia, bikaina, sakratua ...delarik. Beraz, Artemis naturaren ama handiarekin identifikatzen da, nahiz eta Efeson gurtua izan. Herodotoren arabera (Historiak, 7. eta 8. liburuak), Bere familiaren datu solteak kontserbatu dira: Artemisiak aita Ligdamis halicarnasiarra zuen eta ama Kretakoa, izen ezegaunekoa. Gainera seme bat ere izna zuen, Pisindelis izenekoa.[8][9][10]
Salaminako gudua
aldatu Artemisia sortzez greziarra izan arren, persiarren alde aritu zen, gudu-ontziko kapitain gisa.[11] Bere komandanteen artean emakume bakarra izanik, Artemisiak Xerxes I.a errege persiarrari gomendatu zion erasoa lurrez zein itsasoz koordinatu zezan: Persiar armadak Korintoko istmo aldera martxa egin eta han gotortutako koalizio greziarrari eraso egin zezan, itsas armada Greziako trirremeei erasotzeko kokatzen zen bitartean. Modu horretan, Artemisiak espero zuen Greziako itsasontziak beren hiri-estatuetatik aldenduko zirela, persiar isats armada osoaren aurrean zaurgarri geratuz. Xerxesek plan hori bertan behera utzi zuen, Salaminan greziar itsas armada osoaren aurkako erasoa burutuz. Gauzak horrela, Artemisiak K. a. 480ko irailean Salaminako guduan parte hartu zuen pertsiar aliatu gisa, bost itsasontzi gidatuz. Bere itsasontzia Atenasko trirreme batek erasotu zuen eta ez zuen ihes egiteko aukerarik izan Pertsiako hainbat ontzik antolakuntza arazo baten ondorioz ihesbidea blokeatu ziotelako. Xerxesen itsas armadaren ontzi baten kontra jo egin zuen eta hondoratu egin zuen, Greziako itsasontziak beraien aliatua zela sinetsarazi eta jazartzeari utz ziezaion. Persiar lerroetara ihes egin zuen eta, Herodotoren arabera, Xerxesek esan omen zuen: "Nire gizonak (persiarrak) emakumeak bihurtu dira eta nire emakumeak (Artemisia) gizon!" Salaminako porrotaren ondoren Artemisiak Xerxes Asia Txikira atzera egiteko konbentzitu nahi izan zuen, Mardonioren aholkuaren aurka, hau Xerxes leku berean mantentzearen aldekoa baitzen. Xerxesek Efesora bidali zuen Artemisia Xerxesen semeen ardura hartzeko.[12][13]
Heriotza eta ondarea
aldatuFoziok kontatutako kondaira batek dio Artemisia Dardano izeneko gizon batekin maitemindu zela eta, hark jaramonik egin ez zionean, orakulu batek esan ziola Leukadako haitzatik Itsaso Jonikora salto egiteko.[14]
Pahlavi dinastian eraikitako irandar destruktore bat ( persieraz : ناوشکن) Artemis izendatu zuten haren omenez.[15]
Herri kulturan
aldatu- Aristofanesek aipatu zuen Artemisia Korifeoaren ahotik bere Lisístrata komedian:[13][16][17]
| « | Eutsi egin behar diogu. Amore ematen badugu beren lotsagabekeriaren aurrean, orduan ez zaigu immunitaterik geratuko. Aldiz, itsasontziak eraikiko dituzte eta laster euren ontziek eraso egingo digute, Artemisiak egin zuen bezala, gure aurka borrokatuko eta gu hil. | » |
- Gore Vidalen Sorkuntza eleberriaren parte da eta Greziako gerrak azaltzen ditu.
- Javier Negreteren El Espartano, (2017) eleberriaren parte da, Plateako bataila erakusten duena.
- Anne Wakefield aktoreak Espartako lehoia filman (1962), Artemisia interpretatzen du.[18]
- PlayStation 2 Shin Megami Tense: Persona 3 rol jokoan Artemisia Mitsuru Kirijoren aitzinekoa da.[19]
- 300: Rise of an Empire filmean, Eva Green aktoreak Artemisiaren pertsonaia interpretatu zuen.[20]
Erreferentziak
aldatu- ↑ «Herodotus, The Histories, Book 7, chapter 99» www.perseus.tufts.edu (kontsulta data: 2020-09-16).
- ↑ «(Grezieraz) Herodotus, The Histories, book 7, chapter 99» www.perseus.tufts.edu (kontsulta data: 2020-09-16).
- ↑ (Ingelesez) «Artemisia I | queen of Halicarnassus» Encyclopedia Britannica (kontsulta data: 2020-09-16).
- ↑ «Polyaenus: Stratagems - Book 8 (b)» www.attalus.org (kontsulta data: 2020-09-16).
- ↑ «The History of Herodotus, parallel English/Greek: Book 8: Urania: 60» www.sacred-texts.com (kontsulta data: 2020-09-16).
- ↑ (Ingelesez) B. A., Mundelein College; M. Div., Meadville/Lombard Theological School. «Biography of Artemisia I, Warrior Queen of Halicarnassus» ThoughtCo (kontsulta data: 2020-09-16).
- ↑ Deligiorgis, Konstantinus. "The Herodotean Amazonic Artemisia".[Betiko hautsitako esteka] Estudios Clásicos · 150 · 2016 · 35-50 · issn 0014-1453
- ↑ (Ingelesez) Anthon, Charles. (1855). A Classical Dictionary: Containing an Account of the Principal Proper Names Mentioned in Ancient Authors and Intended to Elucidate All the Important Points Connected with Geography, History, Biography, Mythology, and Fine Arts of the Greeks and Romans ; Together with an Account of Coins, Weights, and Measures, with Tabular Values of the Same. Harper & Brothers (kontsulta data: 2020-09-16).
- ↑ «Diotima» web.archive.org 2010-06-09 (kontsulta data: 2020-09-16).
- ↑ (Ingelesez) «A FAMOUS GREEK WOMAN. - ProQuest» search.proquest.com (kontsulta data: 2020-09-16).
- ↑ «Salaminako emakumeak» Argia (kontsulta data: 2020-09-16).
- ↑ (Gaztelaniaz) «La reina Artemisia y la batalla de Salamina» Revista de Historia 2016-07-12 (kontsulta data: 2020-09-16).
- ↑ a b MAYOR FERRÁNDIZ, TERESA Mª. Artemisia Iª, tirana de Halicarnaso. Revista de Claseshistoria. 417. artikulua. 2014. ISSN 1989-4988
- ↑ «Photius: Bibliotheca. Codices 186-222 (selected)» www.tertullian.org (kontsulta data: 2020-09-16).
- ↑ «FIRST IRANIAN FEMALE ADMIRAL: ARTEMIS Persian Journal Latest Iran News» web.archive.org 2009-05-05 (kontsulta data: 2020-09-16).
- ↑ «Aristophanes, Lysistrata, line 672» www.perseus.tufts.edu (kontsulta data: 2020-09-16).
- ↑ «(Grezieraz) Aristophanes, Lysistrata, line 672» www.perseus.tufts.edu (kontsulta data: 2020-09-16).
- ↑ El león de Esparta (1962) Anne Wakefield: Artemisa. The 300 Spartans (1962) - IMDb. (kontsulta data: 2020-09-16).
- ↑ (Ingelesez) «Artemisia» Megami Tensei Wiki (kontsulta data: 2020-09-16).
- ↑ 300: Rise of an Empire (2014) - IMDb. (kontsulta data: 2020-09-16).
Kanpo estekak
aldatu
Datuak: Q232128
Multimedia: Artemisia I of Caria / Q232128
