Anna Nicole Smith

Vickie Lynn Hogan (Houston, Texas, 1967ko azaroaren 28a - Hollywood, Florida (AEB), 2007ko otsailaren 8a), Anna Nicole Smith bezala ezaguna, helduentzako Playboy aldizkarian 1992ko maiatzean playmate bezala biluzik paratu zen modelo eta aktore estatubatuarra. Horrez gain, 1993an urteko playmatearen saria (PMoY) jaso zuen.

Anna Nicole Smith
Irudi gehiago
Bizitza
Jaiotzako izen-deiturak	Vickie Lynn Hogan
Jaiotza	Houston, 1967ko azaroaren 28a
Herrialdea	Ameriketako Estatu Batuak
Lehen hizkuntza	ingelesa
Heriotza	Hollywood (Florida), 2007ko otsailaren 8a (39 urte)
Hobiratze lekua	Lakeview Memorial Gardens and Mausoleums (en)
Heriotza modua	istripuzko heriotza: opioid overdose (en)
Familia
Ezkontidea(k)	Billy Wayne Smith (en)  (1985 -  1993) J. Howard Marshall  (1994ko ekainaren 27a -  1995eko abuztuaren 4a)
Bikotekidea(k)	ikusi Howard K. Stern
Seme-alabak	ikusi Daniel Wayne Smith Dannielynn Birkhead
Hezkuntza
Heziketa	Mexia High School (en) Doss High School (en)
Hizkuntzak	ingelesa
Jarduerak
Jarduerak	aktorea, dantzaria, playmatea, modeloa, zinema ekoizlea, musikaria eta telebistako pertsona ospetsua
Jasotako sariak	ikusi urteko playmate  (1993) hileko playmate  (1992ko maiatza)
Sinesmenak eta ideologia
Erlijioa	kristautasuna
annanicole.com

Biografia

Vickie Lynn Hogan Mexian jaio zen, Houstoneko kanpoaldeko auzo batean, Dallastik 127 kilometrotara. Haurra zen aitak etxetik alde egin zuenean eta ama eta izebak hezi zuten neskatxa -Vickie Marilyn Monroe berria izango zela esan ohi zuen izebak-.

1985ean, 17 urteko gaztea Billy Smithekin ezkondu zen eta segituan izan zuen lehen semea, Daniel. Bikotea elkarrekin egon zen 3 urtez eta, ondoren, amak hezi zuen semetxoa.

20 urte zituenean, Vickie gazteak hemen eta han egiten zuen lan, zein baino zein lan txarragoan. Dantzari bezala ere aritzen zen, Nikki, Robin edo Anna Nicole bezalako ezizenak erabiltzen zituelarik. Horrela ezagutu zuen J. Howard Marshall milioiduna eta honek eman zion diruz finantzatu zituen bere bular berriak.

Modelo lana eta Playboy

1992an, 25 urte zituen eta martxoko playmate izan zen, Vicky Smith izena erabili zuelarik.

Guess? aldizkariak Claudia Schifferren ondorengo hautatu zuen, publizitate kanpainaren irudi. Urte bereko maiatzean berriro izan zen Playboy aldizkariaren azala eta, izebaren iragarpenak betez, "Marilyn Monroe berria" zela esan zuten: emakume garaia, ilehoria eta irudi perfektua zuena. Artistaren ilajea ere kopiatu ohi zuen.

Urtebete gero, urteko Playmate hautatu zuten eta Anna Nicole Smith izena hasi zen erabiltzen.

Azken hilabeteak

2006ko irailaren 6an, Anna Nicole Dannielynn Hope Marshallen ama izan zen Bahametan. 4 egun geroago, bere 20 urteko semea zen Daniel hilik agertu zen ospitalean, arreba txikia ezagutzera joan zenean. Autopsian, metadona, Zoloft eta Lexapro hartuta zegoela atera zen.

Heriotza

2007ko otsailaren 8an hil zen Anna Nicole Smith. Floridako Fort Lauderdaleko Seminole Hard Rock Cafen zegoen konortea galdu zuen unean.

Autopsiak Anna Nicole bere gorakoen artean ito zela argitu zuen, metadona gaindosiaren ondorioz. Badirudi botika ugari zegoela ilehoriaren gorpuan, denak legearen barrukoak, hori bai. Smithek antidepresiboak eta antsietateari aurre egiteko hartzen zituenak, flakatzeko behar zituenak, metadona edo hazteko hormonak, izterretako B-12 bitaminak, gripearen aurkako antibiotikoak, lo eginarazteko kloralhidratoa... koktel tamalgarriak hil zuen emakumea.

2007ko otsailaren 18an, Anna Nicole Smithen hilotza baltsamatu zuten eta familiak haren azken nahiak betetzeko ahalegina egin zuen: Westwood Memorial Parkean, Marilyn Monroeren inguruan lur ematea, alegia. Hala ere, hildakoaren bikotekidea zen Howard K. Stern abokatuaren nahia gailendu zitzaion amaren nahiari eta Bahametara eraman zuten, Daniel semearen ondora. Hiletak 2007ko otsailaren 27an izango ziren, baina Anna Nicole Smithen amak ez zuen amore eman eta lurperatze hari ekiditea lortu zuen.

2007ko otsailaren 28an, Floridako apelazio auzitegiak Virgie Arthurrek bere alabaren gorpuaren gaineko jabetzari uko egiten ziola jakinarazi zuen, Anna Nicole Smithen azken nahia Bahamatan, semearen ondoan, deskantsatzea baitzen.

2007ko martxoaren 2a zen Anna Nicole Smith Bahamatan lurperatu zutenerako. Paparazzi artean joan zen aireporturaino eta, ordu batzuen ondoren, Nassaura iritsi zen. Mount Horebeneko elizan 300 bat pertsona zeuden zain eta arrosa artean agurtu zuten. Azkenean, Danielen ondoan eman zioten lur, berak testamentuan adierazita zuen eran.

Hil ondorengo liskarrak

Anna Nicole Smithek bere alaba Dannielynni utzi zion bere jabegoa: 80 bat milioi dolar. Bost gizonek aurkeztu zuten bere burua neskatxaren aita zirelakoan: Howard Stern abokatua, Larry Birkhead argazkilaria, Zsa Zsa Gaborren senarra, Frederic Von Anhalt eta Alex Denk bizkartzaina. ADN analisiek haurraren aita Larry Birkhead zela argitu zuten.

Filmografia

Zinema

Urtea	Filma	Pertsonaia	Oharra(k)
1994	The Hudsucker Proxy	Za-Za	debuta
1994	Naked Gun 33⅓: The Final Insult	Tanya Peters
1995	To the Limit	Colette Dubois
1996	Skyscraper	Carrie Wink
1998	Anna Nicole Smith: Exposed	Bera	Zuzendari eta ekoizlea ere
2003	Wasabi Tuna	Bera
2007	Illegal Aliens	Lucy	Hilondokoa

Telebista

Urtea	Telesaila	Pertsonaia	Oharra(k)
1995	The Naked Truth	Bera	Atal 1
1998	Sin City Spectacular
1999	Veronica's Closet	Donna	Atal 1
1999	Ally McBeal	Myra Jacobs	Atal 1
2000	N.Y.U.K.	Dr. Anita Hugg
2002–2004	The Anna Nicole Show	Bera
2005	Comedy Central Roast of Pamela Anderson	Bera
2005	Comedy Central Roast of Jeff Foxworthy	Bera
2007	Larry King Live	Bera

Bideoklipak

Urtea	Abestia	Artista	Oharra(k)
1993	Will You Love Me Tomorrow	Bryan Ferry
1997	My Heart Belongs to Daddy	Marilyn Monroe	Remake
1997	You Win, I Lose	Supertramp
1998	Jumper	Third Eye Blind
2004	The New Workout Plan	Kanye West

Wikimedia Commonsen badira fitxategi gehiago, gai hau dutenak: Anna Nicole Smith

• Datuak: Q180710
• Multimedia: Anna Nicole Smith / Q180710