The Hudsucker Proxy
The Hudsucker Proxy (euskaraz Hudsuckerreko ordezkaria) 1994ko Joel eta Ethan Coen estatubatuar zinema zuzendari eta ekoizleek zuzendu eta ekoiztu, eta Sam Raimirekin batera idatzitako komedia filma bat da. Tim Robbins, Jennifer Jason Leigh eta Paul Newman aktoreek antzeztu zuten.
1994ko martxoaren 11an Sundanceko Zinemaldian estreinatua izan zen.
Argumentua aldatu
1958ko abendua, New York. Hudsucker Industries enpresaren sortzaile eta enpresaburuak (Charles Durning) bere buruaz beste egiten duenean, Sidney J. Mussburger (Paul Newman) zakarra buru dutela akziodun guztiak ados jarri eta ahalik eta onura gehien lortzeko egitasmo bat gauzatuko dute: Zuzendaritzan erabat manipulagarria den txepel bat ipintzea. Aukeratua orduantxe Indianatik ailegatu eta enpresan lanean hasi den izaera xaloa duela dirudien Norville Barnes (Tim Robbins) langilea izango da. Dena erraza dirudi baina une horretantxe Amy Archer (Jennifer Jason Leigh) agertuko da.
Aktoreak aldatu
- Tim Robbins: Norville Barnes
- Jennifer Jason Leigh: Amy Archer
- Paul Newman: Sidney J. Mussburger
- Jim True: Buzz, igogailuzaina
- Bill Cobbs: Moses, erlojuaren gizona
- Harry Bugin: Aloysius, Mussburger enpresako espioia
- Bruce Campbell: Smitty, Argus aldizkariko kazetaria
- John Mahoney: Argus, argitaratzaile nagusia
- Charles Durning: Waring Hudsucker
- Patrick Cranshaw: Antzinako sailkatzailea
- Anna Nicole Smith: Za-Za
- Steve Buscemi: Beatnik tabernaria
- Sam Raimi: Hudsucker enpresako buruargia
- Jon Polito: Bumstead jauna
- John Goodman: Karl Mundt, aurkezlea
- Ian McKellen: Mob crowd member (krediturik gabe)