Aitziber Garmendia
Aitziber Garmendia Mendizabal (Zaldibia, Gipuzkoa, 1982ko abenduaren 10a) aktorea eta umorista da. Zuzenbideko lizentziaduna. ETBrako egindako lanek famatu dute batik bat, telesailetan eta umore saioetan; baina antzerkian ere lan oparoa du. Jaione Betigora "La Jaio", Gorane, Zuriñe Tolonegro eta Virginia Santos pertsonaia arrakastatsuen sortzailea da.
| Aitziber Garmendia | |
|---|---|
.jpg) | |
| Bizitza | |
| Jaiotza | Zaldibia, 1982ko abenduaren 10a (41 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | aktorea eta umorista |
  | |
Bizitza aldatu
Ikastolan hasi zen antzerkia egiten.[2] Hamahiru urterekin oholtzara atera zen lehen aldiz, Beasaingo antzerki taldean; hamabost urte behar ziren Beasaingo antzerki eskolan sartzeko, eta bere adinaz gezurra esanda lortu zuen sartzea. Antzeztu zuen lehenengo lana Dario Foren Hitz egin dezagun sexuaz izan zen.[3]
Aktore ikasketak egin zituen eta, aldi berean, Zuzenbidean lizentziatu zen.[2] Hemeretzi urte zituela, Martin telesailarekin famatu zen.[3] 2003-2009 bitartean grabatu zen telesail haren ondotik, hamaika saio eta telesailetan parte hartu izan du; besteak beste, elkarrizketak eta bakarrizketak uztartzen zituen Batek daki arrakasta handiko saioan. Bost filmetan antzezle lanak egin ditu (Ocho apellidos vascos, Sukalde kontuak eta Txarriboda, besteak beste) eta 25 bat antzerki lanetan.[2]
2020ko maiatzean, COVID-19 pandemiak Euskal Herriko ohiko kultura jarduera ia erabat geldiarazita zeukala, sei muntaiatan ari zen aldi berean: Losers, Erlauntza, Moko zorrotza, Rita, Txanogorritxotik otso emera (sei mutil medio) eta Feminaiz, berak idatzitako bakarrizketa. Eta horiek guztiak, euskarazko eta gaztelaniazko bertsioetan; beraz, hamabi antzezlan zituen une horretan buruan. Horretaz gain, Gure kasa ETB1eko saioan ziharduen lanean garai horretan bertan.[2][4][5][6]
2020an bertan (maiatzaren 15ean, zehazki), Barre Librea umore saioa estreinatu zuen ETB1en, Jon Plazaola, Getari Etxegarai eta Kepa Errasti aktoreekin batera. Saio horretan, Garmendiak, Virginiaz eta Goranez gain, beste pertsonaia berri batzuk aurkeztu ditu: Xuban, Agurtzane eta Korinba, Goraneren familiako kide bereziak; Jose Manuel, Virginiaren laguna; eta Lulu, Virginiak etxean duen amabirjinaren koadro surrealista.[7][8]
2021eko abenduaren 31an, ETB1eko urte amaierako kanpaikadak eskani zituen zuzenean Gasteiztik, Ainhoa Etxeberria eta Yerai Diaz aurkezleekin batera.[9]
Lanak aldatu
Antzerkia aldatu
- Hitz egin dezagun sexuaz
- Historias terraterrestres
- Irrikitan
- Xomorroak
- La domadora de fieras
- Mujeres en sus camas
- Emakumeak izarapean
- Baginaren bakarrizketak
- Arrainen bazka
- Wilt
- Kafka eta panpina bidaiaria
- Erlauntza
- Ez naiz inoiz Dublinen egon (2022)
Telebista aldatu
| Urtea | Izenburua | Papera | Katea | Oharrak |
|---|---|---|---|---|
| 2003-2009 | Martin | Maider Manterola Bengoetxea | ETB 1 | Pertsonaia nagusia (99 atal) |
| 2005 | Sorginen laratza | Hainbat paper | ETB 1 | Sketch aktorea |
| 2008 | Qué vida más triste | LaSexta | Atal 1 | |
| 2009 | Mi querido Klikowsky | ETB 2 | 13 atal | |
| 2010 | La isla de los nominados | Cuatro | Atal 1 | |
| 2010 | Ipupomamua | Bere burua | ETB 1 | Aurkezlea |
| 2010 | Mugaldekoak | ETB 1 | Aktore gonbidatua | |
| 2011-2012 | Finlandia | Bere burua | ETB 1 | Aurkezlea |
| 2011-2012 | Mihiluze | Bere burua | ETB 1 | Lehiakide gonbidatua (2 atal) |
| 2011 | Euskal Kantuen Gaua | Bere burua | ETB 1 | Euskal kanten popurria ETBko aurkezleekin |
| 2013 | Biba Mihiluze | Bere burua | ETB 1 | Gonbidatua (azken atala) |
| 2013-2014 | Kontrako eztarria | Hainbat paper | ETB 1 | Sketch aktorea |
| 2014 | Irrikitown | Sketch aktorea | ETB 1 | Aktore gonbidatua |
| 2014 | Zuek hor eta gu hemen | Bere burua / Hainbat paper | ETB 1 | Aurkezlea / Kolaboratzailea |
| 2015 | Zuek hor | Bere burua / Hainbat paper | ETB 1 | Aurkezlea / Kolaboratzailea |
| 2016 | Batek daki | Bere burua | ETB 1 | Aurkezlea |
| 2016 | Berandu baino lehen | Bere burua | ETB 1 | Gonbidatua (atal 1) |
| 2017 | Euskalduna naiz, eta zu? | Hainbat paper | ETB 1 | Sketch aktorea |
| 2017-2018 | Allí abajo | Zuriñe | Antena 3 | 3 atal |
| 2017-2020 | Gure kasa | Zuriñe Tolonegro / Gorane / La Jaio / Virginia Santos Bere burua (atal 1) |
ETB 1 | Aurkezlea Gonbidatua (atal 1) |
| 2018 | Gure doinuak | Bere burua | ETB 1 | Gonbidatua (atal 1) |
| 2019 | Gabonǃ Kantatzera gatozǃ | Zuriñe Tolonegro | ETB 1 | Aurkezlea |
| 2019 | El Vecino | Marta | Netflix | 4 atal |
| 2020-2021 | Barre librea | Bere burua / Hainbat paper | ETB 1 | Aurkezlea / Sketch aktorea |
| 2021-2022 | Kaixo 2022 | Bere burua (Yerai Diaz eta Ainhoa Etxeberriarekin) | ETB 1 | Aurkezlea |
| 2022 | Machos Alfa | Netflix | ||
| 2022-2023 | Kaixo 2023 | Bere burua (Nerea Reparaz eta Julen Telleriarekin) | ETB 1 | Aurkezlea |
Filmak aldatu
| Urtea | Izenburua | Papera | Oharrak |
|---|---|---|---|
| 2009 | Sukalde kontuak | Ikerne | |
| 2009 | Borrachera política | Film laburra | |
| 2010 | Mugaldekoak | Telefilma | |
| 2011 | Cenizas | Abril | Film laburra |
| 2012 | Anfitrioi berezia | Vero | Telefilma |
| 2013 | Alaba Zintzoa | Usue | |
| 2014 | Ocho apellidos vascos | Iratxe | |
| 2015 | Txarriboda | Begoña | |
| 2015 | Broken Basket | Film laburra | |
| 2016 | Anónimo | Erizaina | Film laburra |
| 2017 | Etxezarraga | Film laburra | |
| 2018 | Ezusteko talka | Nagore | Film laburra |
| 2019 | Mateoren ama | Erizaina | Film laburra |
| 2020 | Erlauntza | Leire |
Bideo musikalak aldatu
- Ta nik zer dakit (Xabi San Sebastian, 2009)
- Bazoaz (Su Ta Gar, 2016)
Bestelakoak aldatu
- Bertso Eguna 2016 - Aurkezlea
- Gaztea Sariak - Aurkezlea[erreferentzia behar]
Sariak eta aitortzak aldatu
| Urtea | Saria | Kategoria | Lana | Emaitza | Err. |
|---|---|---|---|---|---|
| 2011 | Pantalla de Cristal | Emakumezko Aktore Onena | Cenizas | Irabazlea | [10] |
| 2012 | Mi Butaquita | Antzeztaldeko Emakumezko Aktore Onena | Wilt | Irabazlea | [10] |
| 2019 | Gaztea | Urteko pertsonaia | Irabazlea | [11] |
Erreferentziak aldatu
- ↑ «Aitziber Garmendia: "Umetan Txiribiton izan nahi nuen, gizona eta potoloa" - Ahotsak.eus» Ahotsak.eus 2019-09-26 (Noiz kontsultatua: 2019-10-02).
- ↑ a b c d Ilintxeta, Reyes. «Aitziber Garmendia, aktore eta umoregile ganberroa: “Umorea beti gizonentzat esklusiboki erreserbatutako eremu bat izan da”» Argia 2020-05-24 (Noiz kontsultatua: 2020-06-05).
- ↑ a b «Aitziber Garmendia aktorea: “Nik neuk zerbait idazteko gogoa daukat”» Goiberri 2015-05-10 (Noiz kontsultatua: 2019-04-03).
- ↑ Donostia Kultura. «Moko zorrotza; Aitziber Garmendia & Jon Plazaola» www.donostiakultura.eus (Noiz kontsultatua: 2020-06-06).
- ↑ Donostia Kultura. «Losers (galtzaileak), Aitziber Garmendia & Jon Plazaola» www.donostiakultura.eus (Noiz kontsultatua: 2020-06-06).
- ↑ Lores Aranda, Ainhoa. «Aitziber Garmendia: "Publikoak barre asko egiten du eta identifikatuta sentitzen da"» Kultur Sharea 2019-02-25 (Noiz kontsultatua: 2020-06-06).
- ↑ «Barre Librea, ostiral gauetarako umorea, Aitziber Garmendia eta Jon Plazaolarekin» Euskal Irrati Telebista 2020-05-12 (Noiz kontsultatua: 2020-06-06).
- ↑ «'Barre librea' saio berria, Aitziber Garmendia eta Jon Plazaolarekin» Diario Vasco 2020-05-13 (Noiz kontsultatua: 2020-06-06).
- ↑ «Gasteiztik emango dio ongietorria EITBk 2022 urteari» EITB 2021-12-05 (Noiz kontsultatua: 2022-07-13).
- ↑ a b (Gaztelaniaz) «Aitziber Garmendia» Bellón y Guidera (Noiz kontsultatua: 2020-06-05).
- ↑ «Aitziber Garmendia da urteko pertsonaia!» Euskal Irrati Telebista 2019-11-25 (Noiz kontsultatua: 2020-06-05).
Kanpo estekak aldatu
| Wikiesanetan badira aipuak, gai hau dutenak: Aitziber Garmendia |
- Aitziber Garmendia, Euskadi Irratian[Betiko hautsitako esteka]
- Elkarrizketa, Argian
- Aitziber Garmendia «Hori da une horretan daukazun bakarra: mina» (Berria, 2019)
Datuak: Q12252978
Multimedia: Aitziber Garmendia / Q12252978
Aipu famatuak: Aitziber Garmendia
