Erlauntza (filma)

Erlauntza (filma)
Jatorria
Argitaratze-data	2020
Izenburua	Erlauntza
Jatorrizko hizkuntza	euskara; gaztelania
Jatorrizko herrialdea	Espainia
Ezaugarriak
Genero artistikoa	film komikoa
Kolorea	koloretakoa
Grabazio lekua(k)	Gamiz-Fika
Zuzendaritza eta gidoia
Zuzendaria(k)	Mireia Gabilondo
Gidoigilea(k)	Kepa Errasti
Antzezlea(k)
	Itziar Atienza ; Aitziber Garmendia ; Getari Etxegarai ; Naiara Arnedo ; Sara Cozar ; Leire Ruiz

Erlauntza 2020ko Mireia Gabilondo gipuzkoar zinema zuzendariaren film komikoa da, Kepa Errastiren izen bereko antzezlanean oinarrituta. 2020ko azaroaren 6an estreinatu zen.^[1]^[2]

Grabazioa ezohikoa izan zen: 14 egunetan bi bertsio grabatu zituzten (euskaraz eta gaztelaniaz).^[3]

Sinopsia

Oharra: Atal honek istorio osoa edo amaiera argitzen du.

Landetxe bat da filmaren agertoki zentrala, lagunetako baten ezkondu aurretiko festa ospatzera joan baitira bertara. Txikitako lagun talde hartatik, baina, urte asko pasatu dira, eta urteekin batera, harreman sareak ere bai: elkarren artean lotura handia baldin badute ere, ezer ez da garai horietan bezala. Horrela, hasiera batean asteburu zoro eta zoragarri bat izan behar zuena, asteburu ez hain zoragarri bat bihurtuko da ezustean. Inoiz elkarri esan ez dizkioten kontuak eta aitorpen ezkutuak, berriz ere elkartuta irekitako zauriak, eta tirabira mamitsuak, droga, erlauntz bat...^[4]