Ulia

Artikulu hau Donostiako mendiari buruzkoa da; beste esanahietarako, ikus «Ulia (argipena)».

Ulia edota Uliamendi Gipuzkoako Donostia eta Pasaia udalerrien artean hedatzen den mendia da, Euskal Herriko kostaldean.

Ulia
Datu orokorrak
Garaiera	234 m
Mota	mendi
Geografia
Koordenatuak	43°19′51″N 1°57′36″W
Mendikatea	Euskal Herriko arkua
Herrialdea	Euskal Herria
Probintzia	Gipuzkoa
Eskualdea	Donostialdea
Udalerria	Donostia
Babestutako-eremua	Ulia (en)
Mendizaletasuna
Ohiko bidea	Grosetik
Mendikat	Mendikat
Luberri	Luberri

Mendia

Sagues, Gros, Ulia eta Miracruz-Bidebieta auzoetatik Trintxerpe eta Pasai San Pedroraino luzatzen da. Mendebaldeko muturraren magalean Zurriola hondartza eta Monpas lurmuturra daude, eta 243 m ditu mendikatearen puntu gorenean, ekialdean aldiz, Platako lurmuturra eta Pasaiako badiaren bokalea.

Gailurrean dagoen harkaitz bat baleak ikusteko talaia gisa erabiltzen omen zuten donostiar baleazaleek Erdi Arotik.

Mendi honetan izen bereko Uliako parkea kokatzen da.

Ulia mendiaren NASAren aireko ikuspegia.

GR 121 ibilbidea

Sakontzeko, irakurri: «Talaia ibilbidea» eta «GR 121»

Mendi honen kostaldeko itsalabarretan barrena Gipuzkoa osoari itzulingurua egiten dion GR 121 ibilbidea doa, kostaldeako zatian, hots, Hondarribia eta Mutriku artean Talaia ibilbidea izena jasotzen duelarik. Ulian Talaia ibilbideko 2. etapa kokatzen da, hain zuzen ere, Pasai San Pedroko Senekozuluako itsasargian hasi eta Platako itsasargia eta Uliako itsaslabarretan barna Donostiako Sagues auzora doana.

Leku interesgarriak

• Uliako parkea

  

  Uliako aireko tranbia (1907-1912)

• Ulia mendiko aireko tranbia (1907-1912)
• Almirantearen gotorlekua
• Uliako itsaslabarrak
• Monpas lurmuturra
• Platako itsasargia
• Platako lurmuturra
• Senekozuluako itsasargia
• Buskando ur-biltegia
• Soroborda ur-biltegia
• Uliako Mintegietako parkea

Iruditegia

• 
  Ulia mendiaren ikuspegia Zurriola pasealekutik.
• 
  Monpas lurmuturra.
• 
  Uliako itsaslabarrak.
• 
  Platako itsasargia.

Kanpo estekak

Euskarazko Wikipedian bada atari bat, gai hau duena: Donostia

• Ulia B motako ingurune babestua Natura 2000 barruan
• Ulia. Euskal Herriko mendiak. Euskal-Herria.org
• Ulia. Mendikat.net (Gaztelaniaz)
• Ulia Interpretazio Zentroa

• Datuak: Q3070583
• Multimedia: Ulia / Q3070583