Tony Pájaro
Tony D. Pájaro (Manila, Filipinak, 1948) Filipinetako margolaria da. Filipinetan jaio eta Arte Ederrak ikasi zuen, eta gero ikastaro osagarriak egin zituen Filipinetako Unibertsitatean (1970), Bilboko Unibertsitatean (1981), UPV/EHUn (1983) eta Filipinetako Ifugao, Hanunoo, B'Iaan eta T'Boli tribuen arte eta kultura ikertu zituen (1988).[1][2]
| Tony Pájaro | |
|---|---|
 | |
| Bizitza | |
| Jaiotza | Manila, 1948 (75/76 urte) |
| Herrialdea |  Espainia |
| Bizilekua | Donostia Tokio |
| Hezkuntza | |
| Heziketa | Filipinetako Unibertsitatea |
| Hizkuntzak | gaztelania ingelesa euskara |
| Jarduerak | |
| Jarduerak | pintorea eta irakaslea |
Nazio Batuen Erakundeak "Diploma of Honorary in Painting" agiria eman zion 1975ean.
Bizitza aldatu
Manilan jaio zen, Victor Pájaro eta Claudia Diestro izan ziren bere gurasoak. Karrera artistikoari Filipinetan eman zion hasiera, baina gero Japonian eta Europan ere aritu da. Arte-irakaslea izan zen Manilan (1970-1975), Tokion (1975-1976), eta Donostian (1976-2000, 2005). Harrezkero Donostian haurrentzako "Art Club" arte-tailerraren arduraduna da.
Philippine Graphic Magazine aldizkarian eta The Philipine Daily Inquirer egunkarian kolaboratzailea izan zen (1997-2002). 2020an Filipinetako Art Collector's Guide erakundeko kidea izan zen.
1995ean Kroazian, Bosnian eta Herzegovinan "Adierazpen plastikoa" udako ikastaroaren arduraduna izan zen errefuxiatu-guneetan, SOS Balkanes Gipuzkoarekin.
-
Ifugau-ko kulturako artea aztertu zuen. -
Mangyan Herria, 1988 -
Ifugao 1988 -
-
Donostia, Intxaurrondo, 1991
.jpg)
.jpg)
.jpg)
.jpg)
Obra aldatu
Guztira 26 erakusketa antolatu ditu, besteak beste hiri hauetan: Donostia, Manila, Tokio, New York, Michigan, Chicago, Madril, Bartzelona, eta Iruñea.
Portugalen eta Frantzian ere egin ditu erakusketak, eta 2007an eta 2016an bere koadro batzuk enkantetan saldu ziren Las Vegas-en (Nevada, AEB). Enkarguz margolanak sortu ditu zenbait udalerrirentzat Gipuzkoan (Belauntza, Hernialde, Zumarraga) eta Filipinetan (Mandaluyong).
-
Lehen erakusketa (Manila 1971) -
1975eko erakusketa -
-
-
.jpg)
Sariak aldatu
- 1975: Nazio Batuen Erakundeak "Diploma of Honorary in Painting" agiria
Erreferentziak aldatu
- ↑ (Ingelesez) «Tony Diestro Pajaro» prabook.com (Noiz kontsultatua: 2021-08-08).
- ↑ Blogak.eus. «Pintura-erakusketa: Tony Pájaro (abuztu eta irailean) // Exposición de pintura (Tony Pájaro)» blogak.eus (Noiz kontsultatua: 2021-08-08).
Ikus, gainera aldatu
Kanpo estekak aldatu
Datuak: Q108001490
Multimedia: Tony Pájaro / Q108001490
