The Pogues

The Pogues irlandar eta ingeles nahasketa duen musika taldea da. Batez ere irlandar musika herrikoia jo izan dute, baina bestelako musika moten ageriko eragina ere badute: punka, rocka eta jazza. 1980. hamarkadaren hasieran Londresko Kingcross auzoan sortu ziren.

The Pogues
The Pogues musika talde irlandarraren 2006ko emanaldia
Datuak
Ezizenak	Pogues Mahone, (Póg Mo Thóin: "Musuka Ezak Nire Ipurdia")
Jatorria	Kingcross, London, Ingalaterra. Nahiz eta kideetako batzuk irlandarrak izan gehiengoa ingeles-irlandar jatorrikoak dira
Musika mota	Irlandar Rocka Irlandar Punka Folk Punka Zeltiar Punka
Urteak	1982 - 1996 2001 - 2014
Produkzioa
Taldekideak
Shane MacGowan James Fearnley Spider Stacy Jeremy 'Jem' Finer Andrew Ranken Philip Chevron Terry Woods Darryl Hunt Kide ohiak edo gonbidatuak: Cait O'Riordan Joe Strummer Jamie Clarke Dave Coulter James McNally
Sariak
Jasotako sariak	ikusi [[MOJO Awards (en) ]]
Informazio gehigarria
The Poguesen webgune ofiziala

Punkaren agerpenaren ondorengo urteetan sortu ziren, beharbada horrexegatik euren musika bi zati berdinetan punk musika eta irlandar musika herrikoian erdibiturik dago. Taldearen hasierako eta jatorrizko izena Pogue Mahone zen, irlanderazko Póg Mo Thóin esaldiaren ingeles ahoskera, euskaraz Musuka Ezak Nire Ipurdia esan nahi du, garaiko punk taldeen izenburu probokatzaileen antzera. Sorrerako taldeko hiru kideek (Jem Finer, Spider Stacy eta Shane MacGowan) irlandar musika giroko disko zaharrak entzun ohi zituzten eta abesti herrikoi horien euren bertsioak moldatzea erabaki zuten. Azkenik beren lehendabiziko diskoa argitaratu eta diskoetxeak beren aurreneko taldearen izena The Pogues soilera laburbiltzea derrigortu zituen.

Talde honek berehala sekulako festazale eta mozkorti ospea bereganatu zuen, musika giroan beren lekua egitea lortu zuten, ez euren musikarengatik bakarrik, baita kontzertuetan zehar sortzen ziren liskarrengatik eta taldeko kideek diskoetxearekin zituzten etengabeko hika-mikengatik. Beren abeslari eta buru zen Shane MacGowanen alkoholzaletasuna era arriskutsuan areagotzen ari zenez zenbait desintoxikazio zentrotan sarrarazi zuten. Garai hau izan zen euren disko ospetsuenak kaleratuko zituzten aldia. Aldi oparo honek Hell's Ditch (1990) diskoa kaleratu arte iraun zuen.

1991an, Estatu Batuetara joan ziren musika biran, baina aldi hartan Shane MacGowan gabe, taldetik kaleratu baitzuten. Azken honek Shane MacGowan & The Popes taldearekin batera bere ibilbide musikal berria jorratu zuen. Bestaldetik, The Poguesek, 1991. urtean, The Clash britainiar musika talde mitikoan aritutako Joe Strummer hartu zuen abeslari gisa tarte batez, eta ondoren, Peter "Spider" Stacy finkatu zen The Pogueseko abeslari moduan. Hala, pare bat disko grabatuko zituzten, baina 1996an taldea banandu egin zen. 2001. urteaz geroztik zenbait aldiz berrelkartu ziren taldekideak eta azken kontzertua 2014. urtean eman zuten.

Diskografia

Estudioko bildumak

• Red Roses for Me (1984)
• Rum, Sodomy, and the Lash (1985)
• If I Should Fall from Grace with God (1987)
• Peace and Love (1989)
• Hell's Ditch (1990)
• Waiting for Herb (1993)
• Pogue Mahone (1996)

EP

• Poguetry in Motion, (1986)
• Yeah Yeah Yeah Yeah Yeah , (1990)

Errekopilazio bildumak

• The Best of the Pogues (1991)
• The Rest of The Best (1992)
• The Very Best Of The Pogues (2001)
• Streams of Whiskey: Live in Leysin, Switzerland 1991 (2002)
• The Ultimate Collection including Live at the Brixton Academy 2001 (2005)
• Just Look Them Straight In The Eye and Say... POGUE MAHONE!! (Antologia/Kanta arraroen kutxa) (2008)
• The Pogues in Paris: 30th Anniversary concert at the Olympia (2012)
• 30 Years (2013)

VHS eta DVD

• Live at The Town & Country Club London 1988 (VHS, 1988; DVD, 2003)
• Saturday Night Live Season 15, Episode 16 – "Rob Lowe/The Pogues" (1990)
• Poguevision (music video collection) (VHS, 1991; DVD, 2002)
• Completely Pogued (documentary) (VHS 1991; DVD, 2003 – as extra on Live at the Town & Country)
• The Pogues in Paris – 30th Anniversary (DVD, 2012)

Taldeko abestien sailkapena

Urtea	Izenburua	Sailkapena					Bilduma
		U.S. Hot 100	U.S. Modern Rock	U.S. Club Play	U.K. Singles	Irish Singles Chart
1984	"Dark Streets of London"	-	-	-	-	-	Red Roses for Me
	"Boys from the County Hell"	-	-	-	-	-
1985	"A Pair of Brown Eyes"	-	-	-	#71	-	Rum, Sodomy, and the Lash
	"Sally MacLennane"	-	-	-	#51	-
	"Dirty Old Town"	-	-	-	#62	#27
1986	Poguetry in Motion (EP)	-	-	-	#29	#11	-
	"Haunted"	-	-	-	#42	#7	Sid and Nancy Soundtrack Alex Coxen Sid and Nancy filmaren musika
1987	"Irish Rover" (The Dubliners taldearekin bat)	-	-	-	#8	#1	-
	"Fairytale of New York" (Kirsty MacColl abeslariarekin bat)	-	-	-	#2	#1	If I Should Fall From Grace With God
1988	"If I Should Fall from Grace with God "	-	-	-	#58	#4
	"Fiesta"	-	-	-	#24	#11
1989	"Yeah Yeah Yeah Yeah Yeah (abestia)"	-	#17	#36	#43	#6	Yeah Yeah Yeah Yeah Yeah
	"Misty Morning, Albert Bridge"	-	-	-	#41	#8	Peace and Love
1990	"Summer in Siam"	-	-	-	#64	#21	Hell's Ditch
	"Jack's Heroes" (The Dubliners taldearekin bat)	-	-	-	#63	#4	Yeah Yeah Yeah Yeah Yeah
1991	"Sunny Side of the Street"	-	#23	-	-	-	Hell's Ditch
	"Rainy Night in Soho (Remix)"	-	-	-	#67	#24	Poguetry in Motion
	"Fairytale of New York" (Re-Issue)	-	-	-	#36	#10	If I Should Fall From Grace With God
1992	"Honky Tonk Woman"	-	-	-	#56	-	Yeah Yeah Yeah Yeah Yeah
1993	"Tuesday Morning"	#94	#11	-	#18	#26	Waiting for Herb
	"Once Upon a Time"	-	-	-	#66	-
2005	"Fairytale of New York" (Re-Release)	-	-	-	#3	#3	If I Should Fall From Grace With God
2006	"Fairytale of New York" (Re-entry on Downloads alone)	-	-	-	#6	-
2007	"Fairytale of New York" (Re-entry on Downloads alone)	-	-	-	#4	#3

Kanpo estekak

• The Poguesen webgune ofiziala Ingelesez
• The Poguesen diskografia osoa Ingelesez eta alemanez
• The Poguesen abestien gida Ingelesez
• The Poguesen zenbait bideo
• The Pogues myspace webgunean, bere abestiak entzun eta kontzertuetako bideoak ikus litezke

• Datuak: Q48304
• Multimedia: The Pogues / Q48304