Sgt. Pepper's Lonely Hearts Club Band

Sgt. Pepper's Lonely Hearts Club Band The Beatles taldearen zortzigarren estudioko musika diska da. 1967ko maiatzaren 26an argitaratu zen Erresuma Batuan eta ekainaren 2an Ameriketako Estatu Batuetan eta berehala izan zen arrakasta komertzial eta kritiko handia. Erresuma Batuko salmenten zerrendan 27 aste eman zituen lehen postuan eta 15 astez egin zuen berdina AEBn. Albumaren kritikarien laudorioak jaso zituen musikaren produkzioan egondako berrikuntzak direla eta, abestien konposizioak zirela eta eta diseinu grafiko berritzaileagatik. Lau Grammy sari jaso zituen 1968an, "Urteko Albuma" saria barne, lehenengo rock diska sari hau jasotzen.

Sgt. Pepper's Lonely Hearts Club Band
Label LP Sgt Pepperjpg.jpg
The Beatlesen albuma
EgileaThe Beatles
Argitaratze-data1967
Jatorrizko izenburuaSgt. Pepper's Lonely Hearts Club Band
Banatze bidea33 RPM 12" vinyl (en) Itzuli, 8-track tape (en) Itzuli, Kasete, disko konpaktu, musika-streaming eta Musikaren deskarga
Ezaugarriak
Genero artistikoarock psikodelikoa, art rock, Pop barrokoa, symphonic rock (en) Itzuli eta music halla
Hizkuntzaingelesa
Iraupena39:43 minutu
  1. Sgt. Pepper's Lonely Hearts Club Band
  2. With a Little Help from My Friends
  3. Lucy in the Sky with Diamonds
  4. Getting Better
  5. Fixing a Hole
  6. She's Leaving Home
  7. Being for the Benefit of Mr. Kite!
  8. Within You Without You
  9. When I'm Sixty-Four
  10. Lovely Rita
  11. Good Morning Good Morning
  12. Sgt. Pepper’s Lonely Hearts Club Band (Reprise)
  13. A Day in the Life
GrabazioaAbbey Road Studios (en) Itzuli
DiskoetxeaParlophone (en) Itzuli eta Capitol Records
Zatiak13 musika pista
Deskribapena
Honen parte daThe Beatles' albums in chronological order (en) Itzuli
The Beatles UK albums discography (en) Itzuli
The Beatles US albums discography (en) Itzuli
Rolling Stone's 500 Greatest Albums of All Time (en) Itzuli
Ekoizpena
EkoizleaGeorge Martin
Gertaera nabarmenak10th Annual Grammy Awards (en) Itzuli

thebeatles.com…
Spotify: 6QaVfG1pHYl1z15ZxkvVDW Discogs: 23934 Allmusic: mw0000649874 Edit the value on Wikidata

1966ko abuztuan The Beatles taldeak zuzeneko kontzertuak utzi eta hiru hilabeteko oporrak hartu zituzten diska berria grabatzeko. Londonera bidean zeudela azaroan, Paul McCartneyk Eduardiar Aroan oinarritutako banda militar baten kontzeptua erditu zuen, Sgt. Pepper diskaren ideia zentrala izango zena. 1966ko azaroaren 24an hasi ziren grabatzen Abbey Road Studio Two estudioan, bi lanekin: Strawberry Fields Forever eta Penny Lane. EMI ekoiztetxeak, ordea, presioa egin zien bi abesti horiek single bikoitz gisa ekoizteko eta ez ziren sartu bukaerako albumean.

1967ko otsailean Sgt. Pepper's Lonely Hearts Club Band abestia grabatu zuten eta McCartneyk proposatu zuen album oso bat egitea fikziozko banda horrek joko balu bezala. Alter ego talde bat bezalakoa izan zen, eta esperimentazio musikala egitea baimendi zien. Grabazioan zehar, taldeak Revolver diskarekin egindako ikerketa teknologikoan gora gin zuten. Bazekiten diska zuzenean jo beharko zutela eta, horregatik, abestien konposizio eta grabazioan kontuan hartu zuten, adibidez With a Little Help from My Friends, Lucy in the Sky with Diamonds eta A Day in the Life abestietan. George Martin produktoreak eta Geoff Emerick soinu-ingeniariak berrikuntza ugari egin zituzten grabaketa-estudioan: soinuaren seinale prozesaketa guztiz berritzailea sartu zuten eta 40 kidez osatutako orkestra bat sartu zuten crescendoak han-hemenka sartuz. 1967ko apirilaren 21ean bukatu zuten grabazioa. Diskaren azalan figura historikoak eta alegorikoak agertzen dira eta Peter Blake eta Jann Haworth pop-artista britainiarek egin zuten.

Sgt. Pepper album kontzeptualen aurrekari gisa hartzen dute musikologoek, musika popularraren garapena ekarri zuena, hala nola The Beatles taldearen heldutasun artistikoa. Rock progresiboa garatzen lagundu zuen lehenengo rock LPen artean aipatzen da, eta Albumen Garaiaren hasiera markatzen duela esan ohi da. Psikodelia britainiarreko lan garrantzitsua, hainbat estilo ezberdin nahasten ditu, hala nola vaudeville, zirku, music hall, avant-garde eta Menbaldeko zein Indiako musika tradizioko elementuak. 2003an Ameriketako Estatu Batuetako Kongresuko Liburutegiak diska National Recording Registryn sartu zuen, bere balio "kultural, historiko eta estetiko nabarmena" zela eta. Urte horretan bertan Rolling Stone aldizkariak "Historiako 500 diskarik onenen" zerrenda sartu zuen. 2011. urterako 32 milioi kopia saldu zituen mundu osoan zehar, historiako salmenarik onenen artean dagoena. Kevion J. Dettmar irakaslearen ustez "inoiz grabatu den rock&roll diska influente eta garrantzitsuena da"

AzalaAldatu

Peter Blake eta Jann Haworth izan ziren azalaren diseinuaren arduradunak. Azalak jendetza irudikatzen du, The Beatles inguratuz. 57 pertsona agertzen dira, eta 9 zerazko eskultura[1]. Gaien artean okultismoari erreferentzia ugari daude, adibidez Mahavatar Babaji, Lahiri Mahasaya edo Paramahansa Yogananda(1893–1952), Sri Yukteswar Giri, Mae West edo Alesiter Crowleyren artean[2].

Kanten zerrendaAldatu

Jatorrizko diskak kanten zerrenda bera AEBn eta Erresuma Batuan zituen The Beatlesen lehen diska izan zen.

All songs written and composed by Lennon–McCartney "Within You Without You" ezik, George Harrisonek idatzia. 

Bat aldea
Zenb. IzenburuaAhots nagusiak Iraupena
1. "Sgt. Pepper's Lonely Hearts Club Band"  McCartney 2:02
2. "With a Little Help from My Friends"  Starr 2:44
3. "Lucy in the Sky with Diamonds"  Lennon 3:28
4. "Getting Better"  McCartney 2:48
5. "Fixing a Hole"  McCartney 2:36
6. "She's Leaving Home"  McCartney with Lennon 3:35
7. "Being for the Benefit of Mr. Kite!"  Lennon 2:37
Bi aldea
Zenb. IzenburuaAhots nagusia Iraupena
1. "Within You Without You"  Harrison 5:04
2. "When I'm Sixty-Four"  McCartney 2:37
3. "Lovely Rita"  McCartney 2:42
4. "Good Morning Good Morning"  Lennon 2:41
5. "Sgt. Pepper's Lonely Hearts Club Band (Reprise)"  Lennon, McCartney eta Harrison 1:19
6. "A Day in the Life"  Lennon and McCartney 5:39
Iraupen osoa:
39:52

Kanpo estekakAldatu


  1. Sgt. Pepper and the Beatles : it was forty years ago today. Ashgate 2008 ISBN 978-0-7546-9854-8. PMC 432995887. (Noiz kontsultatua: 2021-05-18).
  2. (Ingelesez) Giudice, Christian. (2020-01-22). «‘The Master’s Voice’: The Hidden Gurdjieff in the Music and Art of Franco Battiato» Aries 20 (1): 55–80. doi:10.1163/15700593-02001003. ISSN 1567-9896. (Noiz kontsultatua: 2021-05-18).