Serj Tankian (armenieraz: Սերժ Թանգեան, ˈsɛɾʒ tʰɑnˈkjɑn ahoskatua; Beirut, Libano, 1967ko abuztuaren 21a) artista, musikaria, abeslaria, konpositorea, musika-ekoizlea, filosofo aktibista, margolaria, idazlea, saiakera-idazlea, olerkaria, nobelagilea, aktorea eta System of a Down bandaren konpositorea eta kantari nagusia izateagatik ezagututa.

Serj Tankian

(2017)
Bizitza
Jaiotzako izen-deiturakسيرج تانكيان, Սերժ Թանկյան
JaiotzaLibano1967ko abuztuaren 21a (56 urte)
Herrialdea Ameriketako Estatu Batuak
Hezkuntza
HeziketaRose and Alex Pilibos Armenian School (en) Itzuli
Hizkuntzakingelesa
armeniera
arabiera
Jarduerak
Jarduerakabeslaria, poeta, saiakeragilea, kantugilea, piano-jotzailea, bakearen aldeko aktibista, teklatu-jotzailea, gitarra-jotzailea, baxu-jotzailea, kanta-idazlea, disko-ekoizlea, biolin-jotzailea eta ekintzaile ekologista
Jasotako sariak
KidetzaSystem of a Down
Genero artistikoarock alternatiboa
Nu metala
pop musika
opera
technoa
Ahots motalyric baritone (en) Itzuli
Musika instrumentuagiltzadia
pianoa
gitarra
ahotsa
Samplerra
baxua
Theremina
aho-soinua
melodika
DiskoetxeaSerjical Strike Records (en) Itzuli
Reprise Records
American Recordings (en) Itzuli
Columbia Records
Axis of Justice (en) Itzuli

serjtankian.com
IMDB: nm1413742 Rottentomatoes: celebrity/serj_tankian_2
Facebook: SerjTankian Twitter: serjtankian Instagram: serjtankian MySpace: serjtankian Youtube: UCaiQD1j4sHOtRJJXP4vZjlQ Souncloud: serjtankian Spotify: 0BEI7i5sgUuivcfwXLzFmM iTunes: 82647909 Last fm: Serj+Tankian Musicbrainz: e471b63c-c3b5-4f62-a971-cd0b2273838f Songkick: 582183 Discogs: 153410 Allmusic: mn0000743175 Deezer: 16998 Edit the value on Wikidata

Bere karrera artistikoan zehar, Serjek System of a Down taldearen bost estudio-album argitaratu ditu. Bestalde, Arto Tunçboyaciyanekin batera, Serart izeneko albuma kaleratu du eta bakarlari gisa ere aritu da. 2001ean Serjical Strike Records disko-etxea sortu zuen.

Serj garai guztietako metal kantari onenen 26. postuan dago, Hit Parader deituriko aldizkari estatubatuarraren arabera.

Biografia aldatu

Lehen urteak aldatu

Serj armeniarren ondorengoa da eta Beirutean jaio zen, 1967ko abuztuaren 21ean. Zazpi urte zituela, bere gurasoekin Los Angelesera joan zen, Kaliforniara, 1975ko Libanoko Gerra Zibiletik ihesi. Bere gaztaroan, armeniar ikastetxe batera joan zen, Rose and Alex Pilibos Armenian School deiturikoa, Los Angelesen. Hor aritu ziren ikasten gerora System of a Down taldean kide izango zituenak ere; Daron Malakian eta Shavo Odadijian.

Goi mailako ikasketak burutzeko Tankian Kaliforniako Unibertsitate Estatalera, Northbridge Unibertsitatera joan zen. Han hasi zen musika tresnak jotzen eta abestiak idazten.

System of a Down aldatu

Serj Tankianek eta Daron Malakianek Soil deitutako banda bat eratu zuten, Tankian ahotsean eta teklatuan, Daron Malakian ahotsean eta gitarra liderrean, Dave Hakopyan baxua eta Domingo Laranio baterian izanda. Shavo Odadjian bandaren managerra zen eta azkenean haren parte izan zen. Laraniok eta Hakopyanek banda utzi zuten etorkizunik ez zuela sentitzen zutelako.

Soile taldea bereizi ondoren, Tankianek, Odadjianek eta Malakianek “System of a Down” taldea eratu zuten. Taldearen izena Malakian-ek idatzitako "Victims Of A Down" deitutako olerki batean oinarrituta zegoen. Jatorrizko bateria-jotzaileak, Andy Khachaturianek, banda utzi zuen lesio bategatik, eta bere lekuan John Dolmayan sartu zen. Urteetan zehar, System of a Downek bost album argitaratu zituen. Lehena, System of a Down, 1998ko ekainean. Bigarrena, Toxicity, 2001eko irailean. Hirugarrena, Steal This Album!, 2002ko azaroan. 2005ean bi disko argitaratu zituen taldeak, Mesmerize eta Hypnotize. Tankianek idatzi zituen System of a Downen kantu gehienak.

2006an, taldeak atseden nahiko luzea hartuko zuela iragarri zuen Malakianek, baina taldea bereizteko asmorik ez zela argituz. 2010eko azaroaren 29an, Interneteko hainbat zurrumurruen ondoren, System of a Downek ofizialki iragarri zuen Europako jaialdietan zehar joko zutela eta Ipar Amerikan ere kontzertuak eskainiko zituztela, Estatu Batuetan batez ere. Bandak bina kontzertu eman zituen Moskun eta Mexiko Hirian 2011ko ekainean.

Bakarka aldatu

2006an taldeak atsedenaldia iragarri ondotik hasi zen Tankian beste proiektuetan. 2007an Elect the dead kaleratu zuen, eta 2009an orkestra bertsioa grabatu zuen Aucklandeko Orkestra Filarmonikoarekin. Azken grabaketa hori Elect the dead Symphony izeneko albumean kaleratu zen. 2010ean plazaratu zuen bigarren bakarkako lana, Imperfect Harmonies izenpean.

2012an Harakiri albuma kaleratu zuen, eta 2013 hasieran Orca Symphony no.1 deituriko lana. Azken lan hori berezia da, sinfonia klasikoaren egitura baitu. Urte berean kaleratu zuen Jazz-Is-Christ, Tankianen bosgarren bakarkakoa. 15 kantuz osatua da, nahiz eta haren ahotsa lau kantutan soilik erabili zuen.

2019an Armeniako protestei buruzko dokumental batean parte hartu zuen, produktore gisa eta konposatzaile gisa (I am not alone).

Pentsakera aldatu

Animalien eskubideak eta ingurumena aldatu

Tankianek ingurumenaren eta animalien eskubideen aldeko jarrera adierazi du. Barazkijale bihurtu da eta hiltoki industrialen kontra borrokatzen du. PETAri eginiko elkarrizketa batean, “birak egitean hartzen dudan janari-zabor guztiagatik” aldatu zuela esan zuen eta instintiboa iruditu zitzaiola. Gainera, ”ama lurrari errespetua zor diot” adierazi zuen. 2009ko uztailean, PETA-ren petizioa sinatu zuen Kentucky Fried Chickeneko oilo-hiltokien kontra.

Diskografia aldatu

System of a Down aldatu

Bakarka aldatu

Beste artistekin aldatu

Arto Tunçboyaciyan

Axis of Justice: (GKErentzat)

Kanpo estekak aldatu