Paz Vega
María Paz Campos Trigo (Sevilla, 1976ko urtarrilaren 2a - ) espainiar aktore eta modeloa da. Laura izan zen Siete Vidas seriean eta horrek ospe handia eman zion. 2001ean, Julio Medemen Lucía y el sexo egin zuen eta Goya Saria lortu zuen. Javier Balaguerren Solo Mia filmak ere izendapena ekarri zion.
| Paz Vega | |
|---|---|
.jpg) (2020) | |
| Bizitza | |
| Jaiotza | Sevilla, 1976ko urtarrilaren 2a (48 urte) |
| Herrialdea |  Espainia |
| Hezkuntza | |
| Hizkuntzak | gaztelania |
| Jarduerak | |
| Jarduerak | modeloa, zinema aktorea eta aktorea |
| Altuera | 1,68 metro |
| Lan nabarmenak | ikusi
|
| Jasotako sariak | ikusi
|
          | |
Biografia eta lana aldatu
María Paz Campos Trigo Sevillan jaio zen, 1976ko urtarrilaren 2an. Sevillako Santa Ana ikastetxean ikasi zuen eta Triana auzoko Gustavo Adolfo Bécquer institutuan.
Sevillako San José Antzerki Eskolan hasi zen eta Komunikazio Zientziak ikasten ere bai, baina azken hau berehala utzi eta Madrilera joan zen interpretazioan sakontzeko.
Berehala izan zuen telebistako serieak egiteko aukera: Más que amigos, Compañeros eta 7 Vidas.
2000n, Julio Medemen Lucía y el sexoegin zuen, lehenengo paper garrantzitsua. Urte berean, Javier Balaguerren Sólo mía egin zuen Sergi Lópezekin. Bi lan horiek izendapena ekarri zioten 2002ko Goya Sarietan eta eskuratzea lortu zuen Médemen kasuan.
2001ean Mateo Gilek zuzendutako Nadie conoce a nadie filma antzeztu zuen.
2002an, Pedro Almodóvarren Hable con ella filman hartu zuen parte eta Emilio Martínez Lázaroren El otro lado de la cama filmaren protagonistetako bat ere izan zen, urte horretan takila gehien jaso zuen espainiar filma.
2003an, Leonardo Sbaragliarekin batera Vicente Arandaren Carmen filma egin zuen eta, hurrengo urtean, AEBetara joan zen Spanglish filma egitera, James L. Brooksen esanetara. Urte horretan Di que sí espainiar filma ere egin zuen Santi Millánekin batera.
2006an, Alejandro Sanzen A la primera persona bideoklipean atera zen eta Caterina Sforzaren papera egin zuen Los Borgia filmean, Antonio Hernándezen esanetara. Handik gutxira, Taviani anaien El destino de Nunik (La masseria delle allodole) filman ere hartu zuen parte.
2007ko azaroan, AEBetan egin zuen lan Frank Millerren zuzendaritzapean. Plaster of Paris izan zen The Spirit filman, Eva Mendes, Samuel L. Jackson eta Scarlett Johansson lagun izan zituelarik.
2008ko maiatzaren 30ean, Sevillako hiriaren domina jaso zuen.
2008ko urrian, LEX seriean hasi zen, Siete vidas-en lankide ohia izan zen Javier Cámararekin.
2009an, Triage filma egin zuen, Colin Farrell eta Christopher Leerekin batera.
2010eko maiatzaren 23an, Sevillako Urrezko Domina jaso zuen.
Lanean jarraitu zuen Burning Palmsen Shannen Dohertyrekin batera, Don Mendo Rock ¿La venganza? eta Cat Run.
Madagascar 3 animazio filman, ahotsa jarri zuen eta Pedro Almodóvarren Los amantes pasajeros filman.
No Way Out amerikar filma ere egin zuen eta María Callas izan zen Grace of Monaco lanean, Nicole Kidmanen ondoan.
Harremanak aldatu
2002an, Orson Enrique Salazar Roarekin ezkondu zen Caracasen eta hauek dira bikotearen seme-alabak:
- 2007ko maiatzaren 2an, lehenengo semea izan zuen Madrilen, Orson.
- 2009ko uztailaren 17an, alaba izan zuen, Ava.
- 2010eko abuztuaren 13an, berriz, Lenon jaio zen.
Egun, Los Angeles, Madril eta Sevilla artean bizi da.
Filmografia aldatu
Kanpo estekak aldatu
Wikimedia Commonsen badira fitxategi gehiago, gai hau dutenak: Paz Vega  |
