Ireki menu nagusia

Anton Totorikaguena Egurrola “Markinako Lehoia” (Markina, 1935 - ib., 2017ko azaroaren 28a) herri kirolari famatua izan zen.

Markinako Lehoia
Bizitza
Jaiotza Markina-Xemein1935
Herrialdea  Bizkaia, Euskal Herria
Heriotza Markina2017ko azaroaren  28a (81/82 urte)
Jarduerak
Jarduerak kirolaria

Markina-Xemeingo Ugarte dorretxean jaioa, afizioa familiatik zetorkion (aitona bat palankaria izan zen, eta bestea barrenatzailea); horretara, gaztetandik nabarmendu zen herri kiroletan: harri-jasotzen, soka tiran... Halere, fama handiena gizon-proban lortu zuen; baita bere ezizena ere. Bakarka zein taldeka aritu zen, eta garai batean ez zen probalekuetan Markinako Lehoia gaindituko zuen aurkaririk; 1.200 kgtako harriak ere eraman zituen.

Baserritarra izaki, animaliekin ere trebea zen eta horiekin ere probetan aritu zen; bai bere abereekin, baita besteenekin ere. Idiekin askotan ibili zen, baita astoarekin ere; Napoleon izeneko astoarekin, esate baterako, sari ugari irabazi zituen.[1]

ErreferentziakAldatu

  1. Mugartegi, Eider (2017-XI-30) «Anton Totorikaguena ‘Markiñako Lehoia’ joan da» Hitza . Noiz kontsultatua: 2017-XII-6.