Juan Eraso Olaetxea (Areso, 1914ko otsailaren 21a - Angelu, Lapurdi, 2002ko abenduaren 21a) nafar musikaria eta abesbatza zuzendaria izan zen.

Juan Eraso
Bizitza
JaiotzaAreso1914ko otsailaren 21a
Herrialdea Nafarroa Garaia, Euskal Herria
HeriotzaAngelu2002ko abenduaren 21a (88 urte)
Hezkuntza
Hizkuntzakgaztelania
euskara
Jarduerak
Jarduerakmusikaria eta abesbatza-zuzendaria

Discogs: 5380689 Edit the value on Wikidata

Bizitza aldatu

Areson jaio arren, egun gutxi batzuk baino ez zituenetik Elizondon bizi izan zen. Bertako apaiz eta organista Juan Berekoetxearekin hasi zen musika ikasten.[1] Ondoren Ángel de Trabadeloren ikasle izan zen, eta etorkizun handiko tenor-ibilbidea hasi zuen, zintzurreko arazoek eten zutena. Handik aurrera irakaskuntzan eta abesbatza zuzendaritzan jardun zuen.[2]

Iruñeko Kontserbatorioko irakaslea izan zen eta, 1956-1960 bitartean, Iruñeko Orfeoiaren zuzendaria. Urte horietan impostazio modernoagoa eta ahots-hobekuntza erdietsi zuen orfeoiak. Horrekin batera, Frantziako entzunlekuetako ateak ireki zitzaizkion: Saint-Émilion, Tolosa Okzitania eta Baionara iritsi ziren, eta baita Pariseraino ere, non Meza mozarabiarra abestu eta Cristóbal Halffteren Dukearen meza grabatu baitzuten.[3]

1942an sortu zuen Elizondoko Korala funtsezkoa izan zen haren musika jardunean. Abesbatza horrekin Espainia, Portugal, Frantzia, Italia, Britainia Handia, Belgika, Austria eta Hegoafrikan aritu zen,[4] eta sari garrantzitsuak lortu zituen: 1952an Llangollen International Musical Eisteddfodeko (Llangollen, Gales) folklore eta polifoniako lehen sariak; 1953an Innsbruckeko Ahots Polifonia Klasikoko Nazioarteko Jaialdiko lehen saria; 1978an Tolosako Nazioarteko Abesbatzen Lehiaketako lehen saria.[1]

1947-1948an, Elizondoko alkate izan zen. Baztandar askoren kantu irakaslea izan zen, musutruk, hauxe esaten baitzuen: "dakienak irakats beza, ahal duenak ikas beza, eta duenak ordain beza". 1983an Elizondoko Seme Kutun izendatu zuten, eta 1992an Baztango Semetzako hartu zuen bertako udalak.[1]

Erreferentziak aldatu

  1. a b c Ruiz de Garibay, Carmen. Eraso Olaetxea, Juan. Auñamendi Entziklopedia [on line], 2020, aunamendi.eusko-ikaskuntza.eus (Noiz kontsultatua: 2020-10-16).
  2. Santamaria, Lander. Juan Eraso, centenario de un genio. Diario de Noticias, 2020ko urtarrilak 29, noticiasdenavarra.com (Noiz kontsultatua: 2020-10-16).
  3. Iruñeko Orfeoia: zuzendariak eta lehendakariak. orfeonpamplones.com (Noiz kontsultatua: 2020-10-16).
  4. Agrupación Coral de Elizondo. Coros de España, fundacionorfeo.com (Noiz kontsultatua: 2020-10-16).

Kanpo estekak aldatu